Filìpây 4:9 - Ŋwàʼlè ə̀ Fèzhə̀ Mkâyn Mə̂ Fèm

⁹ Ghàyn e nə̂ ə̀ghɛ ghɛ ə ghàyn tè laynə sê mi, fɨnə nə̂ ghɛ ə ghàyn tè zɨə kə m pîə è kɨsè ghɛ ə ghàyn tè fe kə m nə̂. Ə ghàyn nə̂ nyi, ə Zhə̀ fɛ ə fe fo pɔ̂ynè, ə Fə nyi ghâyn ghənə.

Filìpây 4:9 ပူးပေါင်းရင်းမြစ်များ

Matyò 1:23

“Ngɔ̀yn zhîzè, mə è paʼà tyəm nyîŋə̀ yî wùndômə̀, Nə̀ tyəmə̂ èndwɔ̂ ə è piə vâyn èndômə̀, Ə tsɨ zə vəyn nə, Ìmanuwɛ̀l.” Zə nə zɨnə nyi nə, “Zhə̀fè nyì ghâsènì.”

Matyò 28:20

Ghàyn zaʼle kepî ghənə nə ghənə chûmtə̀ nâʼà ə̀ghɛ ə̀kɨ̂m ghɛ m pî nə ghâyn ə nə̂. Ghàyn e ke nə m nə nyi ghasè nyì shîŋə̀ tekɨ̂m, se zaʼâ kə mbi tə mi.”

Matyò 7:21

Ə̀ va chi nâʼà pîndè vɛ ə è tə tɔŋtə mi nə, “Pɛ̂pɛ, Pɛ̂pɛ” ə è tə njiə elùʼ efɔ̀yn ekwùtwəyn. Ə tsɛ̂ kə va ghɨ ghɛ ghɛ ə nə̂ kə pɨ̀a vɨ̂m ekwùtwəyn kyiŋə.

Tom èchùŋ kè kə Lûk tè nyaʼ 6:46

Kûmə̀ ghè ə ghàyn tɔŋtə kə mi nə ‘Pɛ̂, Pɛ̂pɛ,’ shîŋə̀ tèkɨ̂m, nə̂ va ghɛ zɛ m piə sê ghàyn ə?

Tom èchùŋ kè kə Lûk tè nyaʼ 8:21

Njisə̀s ə piə sê ghənə nə, “Nyi vɨm è ghɔnyì ghɨmə nyi ghɛ ə ghe zɨə ghɛə Fezhə̀e, nə̂ kə ze pi.”

Njɔyn 13:17

Zôyn kə ghàyn ke səmɔʼ, pɔsê nə̀ nə ə zə nyi sê ghàyn ezhoghɛ ə ghàyn nə̀ nyiəmə!

Njɔyn 15:14

Ə ghàyn ə nyi sèsoyn sɨmse ə ghàyn nə̀ ghɛ ghɛ m tsâ sê ghàyn.

Njɔyn 2:5

Nyìə Njisə̀s ə se pì sê ghɨ ghɛ ə ghe fɨ̂aʼà fu elùʼ ə malə̂vè nə, “Ə è pì pî nə ghe, ghanə nə̀ kə zamə.”

Ətefɨ̂aʼ 9:6

Pîza, ndwi ə njiə ndûə əfètəyn èndaʼ, kə ə tsayn ghɛ zɛ ə ò kyi se nə̀yn.”

Ŋwàʼlè ə̀ Pɔ̂l sê ghɨə Lûmghè 15:33

Ə Zhə̀fè ə pɔ̂ynèfè ə nyi ghâyn ghə̀ ghənə əkɨ̂m. Ə zə nyi ke zamə.

Ŋwàʼlè ə̀ Pɔ̂l sê ghɨə Lûmghè 16:20

Zhə̀fè mə za nyi pɔ̂ynè ə̀ ghâsènì môtə̀ kə nyi ə fe kəʼse satàyn è gholə. Ə fùʼ ə Pɛ̂pɛ ə̀ ghasènìke Njisə̀s Klâys ə nyi ghâyn ghə̀ ghənə.

1 Kɔlìŋ 10:31

Nyiəmə, nâʼàpî èghɛ èkè zɛ ə ghàyn nə̀, kɨ̀sə ghàyn zhiə ndò kɨ̀sə ghàyn mɨə ndò, ghàyn e nə̂ zamə kè se pomsê ezə Fezhə̀zè.

1 Kɔlìŋ 14:33

kûmə̀ nə Zhə̀fè kɔ̂ŋɔ̀ va nə ghâsènì ə saylə̀ nə̂ ndò ghɛghe, pîza nə ghâsènì ə nə̂ ə̀ghɛ èchoze emɔ̀ʼ è pɔ̂ynè. Kè kə ze nyi ə se ndɛ sə Fezhə̀ sɛ ə ghɨ ə Fezhə̀ghè nyi ətəyn,

1 Kɔlìŋ 4:16

M chyatə̂ ghàyn nə ghàyn ə səynə̂ ə̀ghɛ ghɨmghe nəghe.

2 Kolìŋ 13:11

Se kwùŋsè ə ghɔnyì ghɨmə, m pìə nə, ghàyn faŋ ke àchûŋ. Ghàyn mɔmse se ndam mə ləʼke va ə ghàyn endam. Ghàyn fɛte ndəm èghɛ zɛ m pî. Ghàyn e ndamə kə sə eghɛ èmɔ̀ʼ, ndamə è pɔ̂ynè. Ə Zhə̀ fɛ ə fe fo kɔ̂ŋzè è pɔ̂ynè ə nyi ghâyn ghə̀ ghənə.

Filìpây 3:17

Ghɔnyì ghɨmə, ghàyn e səynə̂ kə èndam zɨme. Ghàyn e ndamə kə kə ghɨ ghɛ ə ghàyn fe nə ghənə nə̂ ə̀ghɛ ghɛ ə ghàyn tè fe kə ghàs nə̀.

Filìpây 4:7

Ə ghàyn nə̂ nyi, ə Zhə̀fè nəyn ə ghàyn ə nyi è pɔ̂ynè, ə pɔ̂ynè zɛ è ngaŋtə tsɛ̂ ndom vɛ ə wùə m̀sɔ̀ŋ kàʼa è kwaʼte ətəyn. Pɔ̂ynè tə tsâmtə̀ ghàyn nə ghàyn ə kyi va fɨmsêzè kûmə̀ nə ghàyn nyi əghɨ ə Njisə̀s Klâysghè.

1 Tèsàlonikà 1:6

Ghàyn ə tə zaʼlê se ndam kə ghàs è kɨsè kə Pɛ̂pɛ, naʼapi kə ghàyn tè fe tsôsvè sə ŋaŋ, Zuʼse Ŋwaʼase ə nə̀ ghàyn ə fiə tom ə̀təyn è saŋnêzè.

1 Tèsàlonikà 2:14

Ghɔnyiə, ghɛ zɛ ə ze tè tyə̀nə nə tom ə̀ Fèzhə̀ ə zhə̀tè se fɨ̂aʼ ə ghàyn ə fètəyn tè nyi nə, ghɛ ghɛ ghe tè kyàyn sê nɔ̂yn ə ghɨ kɛ ə ke pomə sê Klâys Njisə̀s ə Njòndyâ ə kyàyn kepî sê ghàyn. Ghɨ endaʼ ghaynghe ə fo ngəʼse sê ghàyn, ə̀ nyi kepî sèngəʼ sɛ ə ghɨ Njûsə̀ tè fo sê ghɨ pomə nə ghɛ,

1 Tèsàlonikà 5:23

Ə Zhə̀ fɛ ə fe fo pɔ̂ynè sê ghâsènì nəyn ə ghàyn ə nyi è ŋwaʼze nâʼàpî endom èkwùə. Ə Zhə̀fè nəyn ə təm ghaynghe, è zuʼ saynse, è wiyn vaynve ə kyi va ghâmzè nâʼà endom vîve etuʼ vɛ ə Pɛ̂pɛ ə ghâsènì Njisə̀s Klâys kɛsə pə̂.

2 Tèsàlonikà 3:4

Ghàs fànə̀ va kûmə̀ nə ghàs ke ndô nə Pɛ̂pɛ nyîə nə̂ nə ghàyn ə nə̂ ə̀ghɛ ghɛ ə ghàs tsà sê ghàyn, mə è nə̀ nə̂ nə ghàyn ə pa zɨə kə ndò ghàs.

2 Timotì 4:22

Ə Pɛ̂pɛ ə nyi ghâyn ghənə. Ə fùʼ ə Fezhə̀kè ə nyi ghâyn ghə̀ ghənə.

Njə̂m 1:22

Kə ghàyn lese ngɨŋ saynse sə̂ zɨtə̂ kə ndò ghɛ ə Fezhə̀zè, pîza ghàyn e nə̂ èghɛ zɛ ə tom ə̀təyn pîə.

2 Pità 1:10

Nyiəmə, ə ghɔnyì ghɨmə, ghàyn kyi fɨ̂aʼ etyaʼa se tyə̀yn səmɔʼ nə ghàyn nyì kepî əfètəyn ə̀ghɨ̀ ghɛ Zhə̀fè tɔŋə nə ghe chumte vəyn, ə chɔʼɔ nə ə nyi ə̀ghɨ ə vəynghe. Ə ghàyn nə̀ ghɛ ghɨ̂nə̀, ə ghàyn tə tàʼa kyî echyâsè ghâyn ghə̀ Zhə̀fè.

1 Njɔyn 3:22

Mə ghâsènì pfɨfə pi ghè sê vəyn ə è fo kûmə̀ nə ghâsènì nyîə ndə̂mə̀ èlwɔ̂ŋ ə Vəynve, fɨnə nə̂ ə̀ghɛ ghɛ ə è kɔ̂ŋɔ̀.