Filìpây 4:6 - Ŋwàʼlè ə̀ Fèzhə̀ Mkâyn Mə̂ Fèm

⁶ Kə ghàyn fɨyn kayn mbi kûmə̀ èghɛ. Ghàyn e pɨlə tsə̂mə̀ kə ndò, ndɔnə nâʼàpî ghè sê Zhə̀fè kə ghàyn kyiŋə. Ə ghàyn tsə̀mə̀, ghàyn e fo àzɔ̀ŋnè sê Vəyn.

Filìpây 4:6 ပူးပေါင်းရင်းမြစ်များ

Matyò 10:19

Ə pə̂yn è ghàyn nə saʼ, kə ghàyn nə kayn mbi nə ghàyn nə̀ ndùə piə nə ghe ə è kɨsè ndom vɛ ghàyn nə̀ pîə ətəyn, ə shîŋə̀ ə təynke pə̂yn, ə ghɛ zə nyi kə ghàyn pi.

Matyò 13:22

Ngwàʼ zɛ ə è tè tàynte əfètə̂m m̀sòlèndzɔŋ nyi kə wùə vɛ è zɨə ghɛ ə Fezhə̀zè, ghɛ mbiə è kɔŋè kûmə̀ èghaʼ ə mbize ə lwiynsə̂ ə̀təm ə vəynghe. Zɨnə mə ə nə̀ vəyn è vayn kaʼa è kwiyne ə və sepi.

Matyò 6:34

È za nyi nə kə ghàyn ə kyi è fɨmsə̂ kûmə̀ ezhwisəʼəve. Kûmə̀ nə zhwisəʼəve tə nə̂ ə və kyi zə vəyn nə tefɨmsê. Naʼapî ètuʼ èkwə̀ kyi tètsôs te tsɨəte te kwəynə kə sê tuʼ nə fɛ.”

Matyò 6:8

Kə ghàyn ə nyi kə ghənə kûmə̀ nə Zhə̀fè Pɨ̀a vâyn nyîə kâynè ke àfɨa kɛ ə ghàyn kyiŋə tsɔ̀fə ə ghàyn pfɨf.

Tom èchùŋ kè kə Lûk tè nyaʼ 10:41

Pɛ̂pɛ ə tɔŋtə̂ vəyn ə pìə sê vəyn nə, “Maltà, Maltà, ghɛ nyiə fo ètsôs sê ghò, tsɨ̀ə kə nyi.

Tom èchùŋ kè kə Lûk tè nyaʼ 12:22

Njisə̀s ə wàmnə̀ nyi ə ke pi sê chùmtè epàm sə vəynse nə, “M piə sê ghàyn nə, kə ghàyn nə kanə mbi kûmə̀ endam zayn. Kə wùə sê ghàyn ə kanə mbi nə e nə̀ zhiə ghè ə, kɨ̀sə è nə̀ maʼà ghè ə zhi ewiyn ə.

Tom èchùŋ kè kə Lûk tè nyaʼ 12:29

Kə ghàyn fɨyn fɨmsê tèkwâʼtè taynte kûmə̀ nə ghàyn nə zhiə ghè, ə ghàyn mɨ ghe.

Tom èchùŋ kè kə Lûk tè nyaʼ 18:1

Njisə̀s ə fɨnə mɛ̂ kəpî ngàyn zhizè sê chùmtè epàm sə vəynse se zaʼlê ə ghənə nə ghənə kyi sə̂ tsə̂mə̀ kə shîŋə̀ tekɨ̂m, pɔ va.

Tom èchùŋ kè kə Lûk tè nyaʼ 18:7

Ə̀ nyiə kàʼa ə pɨl faŋ Fèzhə̀ se zɨtê echi zɛ ə ghɨ fəynfe ghɛ ə fe chɔʼte chîə sê fəynfe, èchwì ètuʼu ə? Ə fe za kàʼa ə fe ə puʼsə̂ kə ndò ghənə ə?

1 Kɔlìŋ 7:21

Wùə tè nyi akɔ̂s əfetuʼ fɛ ə Zhə̀fè tè tɔŋə vəyn, kə ghɛ ətəynze fo ngəʼ sê vəyn, pîza ə è kyi ndom se nə̀yn nə ə za vəyn nə è və nyi sə və ngɨŋ, è və nə̀.

1 Kɔlìŋ 7:32

M kyiŋə nə kə ghɛ nə fɨmsê ghàyn. Wùə vɛ è tàʼa malə ndə̀mə̀ ə̀təm ə vəynghe kè sə̂ nə̂ èfɨaʼ ə Pɛ̂pɛze, kûmə̀ nə è mɔ̀msə̀ se nə̀yn eghɛ zɛ ə ze nə̀ nə̂ ə Pɛ̂pɛ ə saŋnə.

2 Kolìŋ 1:11

kə ghàyn tè tsàmte ghàs tɔynə̂ ə ghàyn etsə̀m se ghàs. E za nyi nə tsə̂m te tsɨə tɛ ə ghàyn tsə̀mə̀ se ghàs tə pə̂ ə tə nyi mə Zhə̀fè ə zɨ ə pə̀ynsə̀, ə Zhə̀fè pɔse ghàs, ə tsɨ̀tsɨ̂ kɔʼse kyə̀ sə ghənə̂sè se fo àzɔ̀ŋnè sê Zhə̀fè sê ghâsènì.

Ɛfesùs 5:20

Ghàyn e fo àzɔ̀ŋnè sê Zhə̀fè fɛ ə nyi Pɨ̀a kûmə̀ nâʼàpî ghè kè shîŋə̀ tekɨ̂m kûmə̀ Pɛ̂pɛ ə̀ ghâsènì Njisə̀s Klâys.

Ɛfesùs 6:18

Ghàyn piə nə̂ ə̀ghɛ nə ghɨynə̀, ghàyn e tsə̂mə̀ sê Zhə̀fè kè shîŋə̀ tekɨ̂m, pfɨfə nâʼàpî ghè ke eghɨ kə Zuʼsə vəynse chisə ghàyn. Ghàyn piə tsə̂mə̀ ndò ghàyn e tsə̂mə̀ sê ghɨə Fezhə̀ nâʼà ə̀kɨ̂m. Ghàyn e tɔ̂ʼnə̀, kə wùə tə lɛ̂sè ètsə̂m.

Kòlosè 3:15

Klâys ə nə̀yn ghàyn e nyi è pɔ̂ynè è ngɨŋ saynse. Nyiəmə, pɔ̂ynè nə zɛ mə kyi sə̂ chisə̂ nâʼàpî èghɛ èkè zɛ ə ghàyn nə̀. Ghàyn kyi sə̂ fo àzɔ̀ŋnè se Zhə̀fè shîŋə̀ tekɨ̂m.

Kòlosè 3:17

Nâʼàpî èghɛ èkè, kə ghàyn wàmnə̀ ndò kɨ̀sə ghàyn nə̀ ndò, ghàyn e nə̂ ezə ə Pɛ̂pɛ Njisə̀szè. Ghàyn fo zɔ̀ŋnèkè sê Zhə̀fè Pɨ̀a ghâsènì.

Kòlosè 4:2

Ghàyn e tsə̂mə̀ shîŋə̀ tekɨ̂m, fɛte ke èghɛ zɛ ə ghàyn tsə̀mə̀ sê zəynze ezhoghɛ ə ghàyn tsə̀mə̀, fo àzɔ̀ŋnè sê Zhə̀fè.

1 Timotì 2:1

E za nyi ə Timotì nə ghɛ ə m̀kɔʼnè zɛ ə m kyiŋə nə gho è ghɨə mɔ̀ʼɔghe ə nə̂ nyi nə, ghàyn e ndɔnə se Zhə̀fè kè sê ghɨghe əkɨ̂m, tsə̂mə̀ se ghənə, fɨnə njîə eluʼ ə ghənə̂vè sə̂ tsə̂mə̀ se ghənə, è kɨsè sə fo àzɔ̀ŋnè sê Zhə̀fè əghɛ ghɛ ə è nyi mə è və nə̀yn sê ghənə.

1 Timotì 5:5

Kàyntè ə̀ zhwîə kwu vɛ ə è kyi va wùə nə è və tɔ̂ʼnə̀ è vəyn nyi mə è kwàʼtə̀ lɨmtə̂ kə se Zhə̀fè, tsə̂mə̀ kə ndo shîŋə̀ tekɨ̂m, ndɔnə ètsâmtè sê Vəyn etuʼve, èchwì.

1 Pità 4:7

Ghɛghe əkɨ̂m fa mbi zo paʼsə̀ pə̀ se mì, zamə ghàyn e fɛtə̂ kyîə sèngɨŋ saynse, nyi èpfɨ̂tə̀zè kə ghàyn kàʼa tsə̂mə̀.

1 Pità 5:7

Ghàyn nji pəyn àfɨm kaynke nâʼà àkɨ̂m ə fo sê vəyn kûmə̀ nə è ke ndô ghɛ zaynze.