Filìpây 4:5 - Ŋwàʼlè ə̀ Fèzhə̀ Mkâyn Mə̂ Fèm

⁵ Ghàyn chwite ə ghàyn endam nə ghàyn kyi va fɨmsêzè ghâyn ghə̀ ghɨ ghəkɨ̂m. Pɛ̂pɛ ə tɨmsê se pə̀yn.

Filìpây 4:5 ပူးပေါင်းရင်းမြစ်များ

Matyò 6:25

“Ə̀ za nyi eghɛ zɛ m tsâyn sê ghàyn nə: kə ghàyn ə kyi èfɨmsê nə ghàyn nə̀ zhiə ghɛ̀ ə mɨ ghɛ endom sə̂ ndamə, pî kə se ndzɨs sê wiyn vɛve. Nâʼà sə kàyn, ndam zayn tsɨ̂ə tsɛ va fɨazhiə və? Wiyn vaynve kɔʼnə̂ tsɛ̂ va ndzɨse ə?

Matyò 6:34

È za nyi nə kə ghàyn ə kyi è fɨmsə̂ kûmə̀ ezhwisəʼəve. Kûmə̀ nə zhwisəʼəve tə nə̂ ə və kyi zə vəyn nə tefɨmsê. Naʼapî ètuʼ èkwə̀ kyi tètsôs te tsɨəte te kwəynə kə sê tuʼ nə fɛ.”

Tom èchùŋ kè kə Lûk tè nyaʼ 21:34

Ghàyn tɔ̀ʼnə̀ kə è ngɨŋ saynse, polə za ə cho ezhiəze, è siə ə mlɨ̀ə, è ndwə̂ etɨme kûmə̀ əghɛ ə mbiə ə nə̂ puʼse shi ə ghaynghe, ə tuʼ nə vɨnə tə pfɨ̂ŋə̀ ko ghàyn kə atam.

1 Kɔlìŋ 16:22

Ə̂ nyì nâʼàpî ndè kɔ̂ŋɔ̀ va Zhə̀fè, ndi ə və tu!

1 Kɔlìŋ 6:7

Sə̂ kyîə kə nâʼà sèsaʼ ə ghàyn ə fètəyn, ze tyə̂nə̀ nə ghàyn laynse nyi mə ə pfɨ̀. E tsɔ̂fə̀ nə ghɨghə pɨlə nə̂ pi sê ghàyn. E tsɔ̂fə̀ nə ə pɨlə ndô ə̀ghɨ ndô, fiə èfɨa vaynve.

1 Kɔlìŋ 8:13

E za nyi nə ə fɨazhiəve nyi se nə̀yn nə ànyìə vɨmve nəyn pi, m tə tàʼa fɨnə kwɨlə njà, kə ndɔ̀ʼɔ m nəyn ə è pfɨ ə pi.

1 Kɔlìŋ 9:25

Wùə ènyɨŋə vɛ ə è nə̀ fɨ̂aʼ ə vəynze kyi sə̂ chûmtə̀ elwɔ̂ŋ enyɨŋəve. Ghənə nə̂ e nə̂ za se kyi emaʼte, ve va se ndamə faŋ, pîza ghâsènì nə̀ e nyi se kyî emaʼte vɛ ə ve tə ndamə faŋə.

2 Kolìŋ 10:1

Ə̀ chyatə̂ kə nâʼà mi Pɔ̂l ghàyn zôyn tɔynə̂ ətəm ə chûŋghè è pɔ̂ynè ə̀ Klâys, ə nyi mi vɛ ə ghɨ mɔ̀ʼɔ pìə nə shîŋə̀ kɛ ə m va ə ghàyn əfètəyn mə nyàʼà èghɛ è təm ə tɛ, pîza shîŋə̀ kɛ ə m nyi ə ghàyn ə fètəyn, me wâmnə̀ è fâynzè!

2 Tèsàlonikà 2:2

kə ghàyn nə za nə ghɨə fəʼ tu kaynke ezhoghɛ ə ghənə pîə nə tuʼ fɛ ə Pɛ̂pɛ nyi se pə̀yn ətəyn se nyi mə fə kàynè kwəyn. Ghɨə kaʼa kwaʼtə̀ nə ghàs tè pì zɨnə ashìŋə̀ kɛ ə ghàs tè tsâ ghɛ ghɛ Zhə̀fè tyə̀yn sê ghàs, pi ashìŋə̀ kɛ ə ghàs tè ndàʼa tom ə̀ Fèzhə̀, è kɨsè nə ə̀ kàʼa nyi mə ghàs tè nyaʼ zəynze ə ŋwàʼlè.

Taytùs 3:2

Tsàyn sê ghənə nə kə ghənə ə wâmnə̀ ə̀ghɛ ə pighe kûmə̀ wùə vîvè, pîza nə ghənə ə ndamə è ndam ə pɔ̂ynèzè, nyi èsoynve sê ghɨghe, tsosə̂ sèngɨŋ sə ghənə̂sè əchi sê nâʼàpî ndè.

Ipilù 10:25

Kə ghâsènì ə nyi kə ə ghɔnyì ə mɔ̀ʼɔghe ə ghənə kɛsə pə̂ va elùʼ atsɨ̀ynte. Ə ghâsènì ə pɨlə fo ə̀təm ə tɛghe sengɨŋ sə ghasènìse, fo zɔmtə̂ ndûə kə ndò kə ghâsènì fe nə tuʼ fɛ ə Pɛ̂pɛ kɛsə pə̂ ətəyn paʼsə̂ pə̂ ndò.

Ipilù 10:37

E nyi ke kə ə nyâʼ ə Ŋwàʼlè ə Fèzhə̀ nə: “Ə̀ faŋ kê fèndîŋə̀ nyî kə wùə vɛ ə è kyi se pə̀yn, pəyn. È nə̀ môtə̀ va.

1 Pità 1:11

mɔ̂msə̀ se kê ashîŋə̀ ə təynke è kɨsè kə ze tə kyânə̀. Ə kɨnə nyi ashîŋə̀ kɛ ə Zuʼse ə Klâys sɛ ə se tè ndamə ə ghənə ə fètəyn tè wàmnə̀ kûmə̀ kəynke, mə se tè pìə nə Klâys nə̀ tɔynə̂ ə sèngəʼ è kɨsè zɛ ə ze tə pə̂ ə ze ə nyi epàmə̂ təyn.

1 Pità 4:7

Ghɛghe əkɨ̂m fa mbi zo paʼsə̀ pə̀ se mì, zamə ghàyn e fɛtə̂ kyîə sèngɨŋ saynse, nyi èpfɨ̂tə̀zè kə ghàyn kàʼa tsə̂mə̀.

Etyə̂yn ə paynsêzè 22:20

Vɛ ə è tsàyn kə ghɛ ghɨ̀nə nə tè kyayn, pi nə, “E nyi səmɔʼ. M pə̂ kə zôyn!” ə zə nyi ke zamə. Pə ə Pɛ̂pɛ vâsvè Njisə̀s!

Etyə̂yn ə paynsêzè 22:7

Njisə̀s ə pìə nə, “Ghàyn zɨte, M kwuʼə̀ pə̂ kə zôyn! Saŋnêzè nyì sê nâʼàpî ndè vɛ ə è ndə̀m ghɛ ghɛ ə ŋwàʼlè zɨ̀nə tsàyn nə ze nə̀ kyânə̀.”