Filìpây 4:19 - Ŋwàʼlè ə̀ Fèzhə̀ Mkâyn Mə̂ Fèm

¹⁹ Zhə̀ fɨmfe nə̀ fo nâʼàpî àkè kɛ ə ghàyn kyiŋə, ə vəyn ə fètə̂ èghaʼ etsɨə zɛ ə È kyi tɔynə̂ ə Njisə̀s Klâys.

Filìpây 4:19 ပူးပေါင်းရင်းမြစ်များ

Matyò 6:32

Ghɨ ghɛ ə ke va Zhə̀fè nyi ghɛ ə nyɨŋə epàmə̂ ə̀ghɛ nə ghɨ̂nə̀. Pîza Pɨ̀a vâyn ekwùtwəyn ke ndô nə ghàyn kyiŋə ndò fɨa nə vɨ̂yn èkɨ̂m.

Njɔyn 20:17

Njisə̀s ə pìə sê vəyn nə, “Kə ò kom mi kûmə̀ nə m pâʼà nyìəm ndu sê Pɨ̀a Vɨ̂mvè. Pɨl ndù sê chùmtè èpàm sɨmse, ə ghɔnyì ghɨmə ə tsà se ghənə nə M kɛsə̂ ndùə sê Pɨ̀a Vɨ̂m vɛ ə̀ nyì kepî Pɨ̀a vâynvè. È nyi Fèzhə̀ fɨmfe, ə̀ nyi kepî Fèzhə̀ faynfe.”

Njɔyn 20:27

È və pìə sê Tɔ̀mɔ̂s nə, “Ndə̀m paŋ fɛfe aghofe fâyn elùʼ ə naynə̂ ə̀gho ghɨmghə. Nɛ̀se pə̀yn gho kɛke ə ndə̀mə̀ ə mi etipì. Pomə, kə ò fɨyn mɛnê kɨsè, pomə.”

Ŋwàʼlè ə̀ Pɔ̂l sê ghɨə Lûmghè 1:8

Elùʼ əshive, m fo àzɔ̀ŋnè se Zhə̀ fɨmfe kûmə̀ ghàyn əkɨ̂m ə Njisə̀s Klâys ezə. M fo àzɔ̀ŋnè se Vəyn kûmə̀ nə pomə̂ zayn se Njisə̀ Klâys chyà ndûə kə ndò mbi èkɨ̂m.

Ŋwàʼlè ə̀ Pɔ̂l sê ghɨə Lûmghè 11:33

Ghàyn fe kə Zhə̀fè kyi ghaʼze ə! Ghàyn fe kə è ke ghɛghe əkɨ̂m, kyi ètɔf eghaʼâzè ə. Wùə vîvè vayn kàʼa è ke kə Zhə̀fè nə̀ ghɛghe. Wùə vîvè vayn kàʼa è ke ndom vɛ ə Zhə̀fè nə̀ ghɛghe ətəyn.

Ŋwàʼlè ə̀ Pɔ̂l sê ghɨə Lûmghè 2:4

Kə ghàyn nə nji nə təm ə əchûŋ ə Fezhə̀ èghaʼâ ghè, è wəynsê ewìynze va eghɛ zhîze. Shîŋə̀ etyâ kɛ ə Zhə̀fè nyi mə fə fo sê ghàyn nyì se nə̀yn nə ghàyn maʼa pi saynse.

Ŋwàʼlè ə̀ Pɔ̂l sê ghɨə Lûmghè 8:18

M njîə va nə tsôs vɨ̀yn ə ghâsènì fe zôyn fa ashìŋə̀ nyì nâʼà eghɛ zhîze, ə ghâsènì fɨ̀aʼnè vəynve è pomsê zɛ ə tə tyə̂nə̀ paynsə̂ sê ghâsènì ashìŋə̀ kɛ ə ke nyi se tə pə̀yn.

Ŋwàʼlè ə̀ Pɔ̂l sê ghɨə Lûmghè 9:23

Zhə̀fè tè kyiŋə kəpîə se tyə̀ynə paynsê epomsê èghaʼâ vəynze etûə ə̀ghɨ̀ ghɛ ə è tè kyi kosê esəyn sê ghənə. È və kàynè pɨaʼtê ghɨ nə ghɛ mə kə ghe fi pomsê ə Vəynze.

2 Kolìŋ 12:21

M fànə̀ nə m tə kɛsə̂ pə̂, ə Zhə̀ fɨmfe ghomse mi ə ghàyn əshi, ə m chi kûmə̀ ə̀ghɨ tsɨə ghɛ ə nyi mə ə nə̀yn ghɛ əpi ə tsɨə ə nyələghe sə mɨ, ə tàʼa kwiynê endam ə ghənə̂zè famə əghɛ ə nyələghe, pîza pɨlə kɔ̂ŋə̀ sə nə̂ ndûə kə ghəynghe èshike.

2 Kolìŋ 4:17

Tsôs etətə̂ vɨnə̀ ə ghâsènì fe zôyn fa fendiŋə̀ fə ashìŋə̀fè tə pə̂ ghâsènì è pomsê eghaʼazè mə ze tə mìə va, mə ə vayn kaʼa fɨaʼne zɨnə mə è tsôs vɛ ə ghâsènì fe.

Ɛfesùs 1:18

M tsə̂mə̀ kəpì nə Zhə̀fè nəyn əkwâʼtè zayn zəmə, ə ghàyn ə ke nə ghàyn tə kyîə èfɨa echûŋ vɛ ə Fe pɨaʼtə̂ sê ghàyn è ghaʼ e Ŋwaʼa zɛ ə Fe ndə̂m sê ghɨə Fezhə̀,

Ɛfesùs 1:7

Klâys ə tè zhɔyn tuə ghasènìke è ndə̂m mə vəyn mɛ ə è tè sɨs kə è kwu, Zhə̀fè ə ke lɛ̀sə fo sèpi sə ghasènìse. Zɨnə mə tyə̂nə̀ àfùʼ kɛ ə fe kyi sê ghâsènì.

Ɛfesùs 2:7

È tè nəyn nyi kə ə tə nə ə nyi pî etuʼ èkè, əghɨə fe nə tɔ̂ʼnè ekayntə ə vəynze kyi va liŋze, ə nyi zɛ ə è kɔ̀ŋɔ̀ ghâsènì ətəyn ə tyə̂nə̀ tɔynə̂ ə Klâys Njisə̀s.

Ɛfesùs 3:16

Zhə̀fè nyiə kyi èghaʼ nâʼà sə ŋaŋ. Ə̀ za nyi eghɛ zɛ m tsə̂mə̀ nə fe fo tyaʼa ə ghàyn ə təm tɔynə̂ ə və Sèzuʼ,

Ɛfesùs 3:8

M nyi ke nâʼà wùə vɛ ə è tətə kwûŋsə̀ əfètə̂ əghɨə Fezhə̀, pîza mə fə tɔ̀ʼnə̀ è mi nyi ə nə̀ nə mə wâmnə̀ sê ghɨ ghɛ ə̀ vachi ə̀ghɨ ə Njûsghè, ndâʼà èghaʼ ekayntə zɛ ə ghɨ ghɛ ə ghe pomə sê Klâys kyi,

Filìpây 4:7

Ə ghàyn nə̂ nyi, ə Zhə̀fè nəyn ə ghàyn ə nyi è pɔ̂ynè, ə pɔ̂ynè zɛ è ngaŋtə tsɛ̂ ndom vɛ ə wùə m̀sɔ̀ŋ kàʼa è kwaʼte ətəyn. Pɔ̂ynè tə tsâmtə̀ ghàyn nə ghàyn ə kyi va fɨmsêzè kûmə̀ nə ghàyn nyi əghɨ ə Njisə̀s Klâysghè.

Kòlosè 1:27

Pɨaʼtê ə Fezhə̀zè nyi nə è nəyn ə ghɨə vəynghe ke nə ghaʼa Klâyszè, è pomsê ə vəynze nyi kepî ndò se ghɨ ghɛ ə̀ vachi ə̀ghɨ ə Njûsghè. Ghɛ endətə zɛ ə ze nyi əfètə̂ ə̀təyn nyi nə, ghàyn ndəm ə ghàyn ətəm nə ghàyn tə kyîə ndò pomsê zɛ ə Zhə̀fè pì nə zhi tə fo ndò se ghɨə vəynghe.

Kòlosè 3:16

Ghàyn za nə tom ə̀ Klâys ə nyi ə ghàyn ətəm shîŋə̀ tekɨ̂m. Ghàyn nji tom nə zɛ mə, ə ghàyn fɨ̂aʼ è zə̂yn è tɔf eghaʼâ zaynze ekɨ̂m se teftê, è kɨsè se zaʼlə sengɨŋ saynse. Ghàyn zhəm njàŋsè se Zhə̀fè, mə se fɨ ə ŋwàʼlè ə̀ Fèzhə̀. Ghàyn zhəm njàŋsè se Zhə̀fè se tsitə vəyn è kɨsè Klâys, è naʼapi sènjàŋ sè kè sɛ ə se pə̂yn ə ghàyn ekwâʼtè se tsìtə Fezhə̀. Ghàyn zhəm se fəynfe se fo àzɔ̀ŋnè se fəynfe è təm ghaynghe əkɨ̂m.

1 Tèsàlonikà 2:12

fo ghàyn təm ə tɛghe, pɔsə̂ ə̀təm ghaynghe, pîə kwəynsə̂ kə ndò nə ghàyn ə ndamə endom vɛ ə Zhə̀fè kyiŋə, ə Fèzhə̀ fɛ ə fe tɔŋə ghàyn nə ghàyn ə nyi ə̀ghɨ ə vəyn elùʼ efɔ̀yn, è kɨsè ə vəyn epomsê.

1 Timotì 6:17

Tsɛ̀se sə alàŋ nə ghɨ ghɛ ə ghe kyi ghaʼze è fɨa ə mbive, nə kə ghənə ə kyi èghaŋsê ewìynze, ə pɨl ndəm èkwaʼtè ə ghənə̂zè e fɨa nə vɨnə mə, pîza ə pɨl ndəm se Zhə̀ Fɛ ə fe fo nâʼàpî àkè sê ghâsènì.

Filemùyn 1:4

Filemùyn soyn vɨ̂m, m piə m tsə̂mə̀ nâʼàpî ashìŋə̀ àkè mə tɔŋtə̂ ezə zɛze, fo àzɔ̀ŋnè sê Zhə̀ fɛ ə m kɔʼsə.

1 Pità 5:1

Ə mi kèpî kə chəʼ, ə wùə vɛ ə m tsâ sê ghɨ kə Klâys tè fe ngəʼ, mə m nyi wùə mə pomsê ə Klâyszè tə pə̂ kəpî sê mi, m chyatə̂ ghàyn nə,

1 Pità 5:10

Ghàyn nə̀ fe ngəʼ kè sə fendiŋə̀ fə ashìŋə̀fè nyi, epàm ətəyn, ə Zhə̀ fɛ ə fe nə̂ chùŋ se ghâsènì əghɛ ə̀kɨ̂m, mə Fe ə tɔŋə̂ ghâsènì nə ə nyi paʼsê kepî ə vəyn ə fètəyn èghaʼ sə afɨa àmɔ̀ʼ è Klâys. Nâʼà vəyn è ngɨŋə̂ vəyn tə nə̂ kwəynsə̂ nə ghàyn ə kyi àtyaʼ, tyəm tɛ ə ghàyn e samsê, ə è nəyn ə ghàyn ə ndam kyi ekol ətəmze.