Biblia Todo Logo
အွန်လိုင်း သမ္မာကျမ်းစာ

- ကြော်ငြာတွေ -




Filìpây 4:18 - Ŋwàʼlè ə̀ Fèzhə̀ Mkâyn Mə̂ Fèm

18 M pîə sê ghàyn zôyn nə mə kotê nâʼà fɨave ekɨ̂m vɛ ə ghàyn tè tom, ə kyiə kwəynsə̂ pi və mɔ̀ʼɔve. Èpàfàlonditùs ə tə pə̀yn nâʼà pî è ghè vɛ ə ghàyn tè fo nə è pəyn fo sê mi. Fɨa nə vɨ̂yn nyi kə emaʼte, è foze kə fo sê Zhə̀fè, ve lɨ̂mtə̀ fɔmə kə nyî, mə Fə fi, ve tsɔ̀fə sê vəyn.

အခန်းကိုကြည့်ပါ။ ကော်ပီ




Filìpây 4:18
15 ပူးပေါင်းရင်းမြစ်များ  

È və naynə̂ ndûə tsì ə̀təyn kè efàyn efàyn, ə pìə nə, “Pɛ̂pɛ ə̀ nyi ghe?” Tsì nə zɛ ə pə̀ynsə̀ nə, “Zhə̀fè ə zɨ tsə̂m zɛze ə fɨnə fe ètsâmtè zɛ ə ò fo sê ghɨ afɨfə, sè nyi èpɨaʼtêzè se pomə̂ ə etsə̂m zɛze.


Nyiəmə ə ghɔnyì ghɨmə, m chyatə̂ ghàyn, kûmə̀ èkosê esəyn ə Fezhə̀ eghaʼâzè sê ghâsènì, ghàyn fo ngɨŋ saynse kə efo zɛ ə ze kyi ndamze sê Zhə̀fè. Ə fo nə zɨnə mə ə nyi è ŋwaʼze kə fɨ̂aʼ zaynze ə nyi chichi ə və shi. Ə̀ zɨnə nyi engɨmnê ə səmɔʼ zɛ ə ghàyn kyi sə̂ ngɨmnə̂.


E tè nyi kə m chɔŋə ndò ndɛ sə Fezhə̀ sə mɔ̀ʼɔse kûmə̀ nə kə m tè fɨ̀aʼa sê ghàyn ə̀ ndô ghənə ndaʼà mi.


kûmə̀ nə fo nə zɨ̂nə̀ ə ghàyn fo tsâmtə̀ kə va ghɨə Fezhə̀. E nə̂ nə ghənə ə fo kəpi àzɔ̀ŋnè sê Zhə̀fè, nâʼà sə ŋaŋ.


Ghàyn kyi sə̂ kɔ̂ŋɔ̀ ə̀ghɨ mɔʼɔ kè shîŋə̀ tekɨ̂m kè eghɨ kə Klâys tè kɔ̀ŋɔ̀ ghâsènì ə fo ngɨŋ ə vəyn sə efo, ze lɨ̂mtə̀ tsɔ̂fə̀ kə nyî sê Zhə̀fè ə ghâsènì elùʼ.


M ke ndô kə wùə nə è nyi ezhoghɛ è kyi va fɨa kɛ ə è làʼà, fɨyn ke kə wùə nyi ezhoghɛ è kyi fɨave kɨ̂m vɛ ə è kyiŋə. Mə kɛtê fiə nâʼàpî èghɛ èkè zɛ ə ze pə̂yn se mi. Mə kɛtê sə kyi èfɨazhiə etsɨəve se zhi, ə kɛtə̂ kəpî sə kyi va kyîke se zhi. Mə kɛtê se kyiə tsɨə tsɛ pì kə m kyiŋə, ə kɛtə̂ kəpî sə nyi za mə m kyi va fɨa kɛ m kyiŋə.


Ghàs kyi sə̂ fo àzɔ̀ŋnè sê Zhə̀fè shîŋə̀ tekɨ̂m kûmə̀ ghàyn ə ghɔnyìə. Ə̀ nyì ke nâʼà èghɛ echuŋzè kə ghàs nə̂ nyi kûmə̀ nə kyî epomə̂ zaynze sê Klâys ndəmə̂ ndûə kə èshike, kɔ̂ŋ zaynze sê ngɨŋ saynse e fɨnə ndəmə̂ ndûə kə èshike.


Kə wùə nə lɛ̂sè sə̂ nə̂ eghɛ echuŋzè sê wùə kɨ̀sə sə̂ chyàtə̀ àfɨa kɛ ə è kyi se fo wùə ə̀ mɔʼɔ. Ghɛ nə ghɨnə nyi sê Zhə̀fè kə efo, ghe nə̂ nə fe ə saŋnə̂.


Ghàyn pɔŋ nyi kepî kə əchi ghɛ ə ghe kyi ndamze. Ghàyn za ngɨŋ saynse kə ə nji ghàyn ə pɛ ndɛ ə̀ Fèzhə̀ ətəyn, mə ghàyn fɨaʼà kə əghɨ èkɔʼsə nə eshyə̀ ə ŋwaʼaghe, fo tèfo tɛ ə zuʼsə Fezhə̀ sè chiyntə nə ghənə ə fo mə Zhə̀fè nyîə fiə təynte kûmə̀ èghɛ zɛ ə Njisə̀s Klâys nyi mə È və nə̀yn.


ကြှနျုပျတို့နောကျလိုကျပါ:

ကြော်ငြာတွေ


ကြော်ငြာတွေ