Filìpây 4:14 - Ŋwàʼlè ə̀ Fèzhə̀ Mkâyn Mə̂ Fèm

¹⁴ Pîza, e tè nyiə tsɔ̂fə̀ kə ghàyn tè tsàmte mi ə mì əfètəyn ètsòs.

Filìpây 4:14 ပူးပေါင်းရင်းမြစ်များ

Matyò 25:21

Pɛ̀ efɨaʼ ə̀ vəyn ə piə sê vəyn nə, ‹Ò nə̀yn àchûŋ. Ò nyi ke nâʼà wùə èfɨ̀aʼa èchùŋ, fɨyn nyi səmɔʼ. Ò vâ nyîə nyi səmɔʼ sə̂ tɔ̂ʼnə̀ èkɛ etətə̂vè, M nə̀ fo ghò èkɛ e tsɨəve nə ò tɔʼne è vəynve. Nji pə ə chyàtə̀ ə mì esaŋnê.›

Ŋwàʼlè ə̀ Pɔ̂l sê ghɨə Lûmghè 15:27

Ghənə ə tə fe nə ze tsɔ̂fə̀ ndò se nə̀yn nyiəmə, nə ə nyi eluʼ ə ghənə̂vè se tsàmtə ghənə. Kə ghɨ ə Njûsə̀ tè chyàtə pɔsê tə ghənə̂tè yighə̀ ghɨə ghɛ ə tè vachi ə̀ghɨə Njûsghè, e tè nyîə tsɔ̂fə̀ nə ghɨ ghɛ ə tè vachi ə̀ghɨ ə Njûsghè tsamte kepî ə̀ghɨ ə Njûsghè, è fɨave kə, efɨazhiəve, è kɛve, è ndzɨse.

Ngàleshyà 6:6

Wùə vɛ ə zaʼlə vəyn èghɛ ə Fezhə̀zè kyi sə̂ chyâtə̀ fo tyə̀ynsè ə vəyn è fɨa echûŋ vɛ ə è kyi, nâʼà èkɨ̂m.

Filìpây 1:7

M vayn kàʼa m faŋ sə̂ kwaʼtə̀ èndom vɛ m kwaʼtə̀ ətəyn kûmə̀ ghàyn kûmə̀ nə ghàyn nyi ə̀ kɔ̂ŋə̀ mi nâʼà sə ŋaŋ. Zhə̀fè ə tyə̀yn təm ə Vəynghe, ghe ghɛ ghe nə̂yn nə ghâsènì ə fɨaʼà sə afɨa àmɔ̀ʼ, kɨ̀sə m nyi ə chaʼ kɨ̀sə m tyəm tsɛ̀ èsaʼ kûmə̀ tom èchùŋ, zaʼlə əghɨ nə ə ke nə è nyi səmɔʼ.

Filìpây 4:18

M pîə sê ghàyn zôyn nə mə kotê nâʼà fɨave ekɨ̂m vɛ ə ghàyn tè tom, ə kyiə kwəynsə̂ pi və mɔ̀ʼɔve. Èpàfàlonditùs ə tə pə̀yn nâʼà pî è ghè vɛ ə ghàyn tè fo nə è pəyn fo sê mi. Fɨa nə vɨ̂yn nyi kə emaʼte, è foze kə fo sê Zhə̀fè, ve lɨ̂mtə̀ fɔmə kə nyî, mə Fə fi, ve tsɔ̀fə sê vəyn.

1 Timotì 6:18

Pì nə ghənə ə nə̂ ə̀ghɛ chûŋə̀ fɨyn nyi ə̀ghɨ ghaʼâghè tɔynə̂ əghɛ ghɛ ə ghənə nə̂, mɔ̂msə̀ sə fo fɨsə̂, fɨnə chyâtə̀ èfɨa vɛ ə ghənə kyi yî ghɨ mɔ̀ʼɔghe.

Ipilù 10:33

Shîŋə̀ tîte tè nyi, e sôylə̀ ghàyn, fɨnə fo ètsôs sê ghàyn kè ə ghɨghə shi, shîŋə̀ tə mɔ̀ʼɔte e pə̂, ghàyn e nyi èpɨaʼtêzè se tɔ̀ʼ əghɨ ghɛ ə tè fɨmsə̂ ghənə endom nə vɨnə mə.

Ipilù 10:34

Ghàyn e kosə èsəyn sê ghɨ ghɛ ə kote fâ. E kyitə̂ fitə̂ èfɨa vaynve, pîza ghàyn e kolə kə ndò təmə kyi va fɨmsêzè, kûmə̀ nə ghàyn tè ke ndô nə ghàyn nyiə nyi èfɨa ve tsɔ̂fə̀ tsɛ̂, nyi se ndamə faŋ.

Ipilù 13:16

Kə wùə nə lɛ̂sè sə̂ nə̂ eghɛ echuŋzè sê wùə kɨ̀sə sə̂ chyàtə̀ àfɨa kɛ ə è kyi se fo wùə ə̀ mɔʼɔ. Ghɛ nə ghɨnə nyi sê Zhə̀fè kə efo, ghe nə̂ nə fe ə saŋnə̂.

Etyə̂yn ə paynsêzè 1:9

M nyi Njɔyn ànyì vâynvè, ə vɛ ə è fe kəpî tsôsvè kə ghàyn kûmə̀ nə ghâsènì ə pomə̂ sê Njisə̀s. Ghâsènì kolə ə̀təm əfètə̂ temɔ̀m kûmə̀ nə ghâsènì ə pomə̂ sê Njisə̀s. Ə tè tsə̀fse mi mə chum ndû mi elùʼ vɛ ə tsò nyi mə è zə kyìŋ ka, e tɔŋtə̂ nə Patmòs kûmə̀ nə m tè ndàʼa tom ə̀ Fèzhə̀ tsâ se ghɨə kûmə̀ Njisə̀s.