Filìpây 4:12 - Ŋwàʼlè ə̀ Fèzhə̀ Mkâyn Mə̂ Fèm

¹² M ke ndô kə wùə nə è nyi ezhoghɛ è kyi va fɨa kɛ ə è làʼà, fɨyn ke kə wùə nyi ezhoghɛ è kyi fɨave kɨ̂m vɛ ə è kyiŋə. Mə kɛtê fiə nâʼàpî èghɛ èkè zɛ ə ze pə̂yn se mi. Mə kɛtê sə kyi èfɨazhiə etsɨəve se zhi, ə kɛtə̂ kəpî sə kyi va kyîke se zhi. Mə kɛtê se kyiə tsɨə tsɛ pì kə m kyiŋə, ə kɛtə̂ kəpî sə nyi za mə m kyi va fɨa kɛ m kyiŋə.

Filìpây 4:12 ပူးပေါင်းရင်းမြစ်များ

Matyò 11:29

Ghàyn pomə se chùmtè ə setàm sɨmse, ə ghàyn zaʼle sê Mi kûmə̀ nə m nyiə ngɨmnə̂, kyi ə̀təm epɔynə. Ghàyn pəyn ə ghàyn kyi zɨ̀tèkè.

Matyò 13:52

È və pìə sê ghənə nə, “E tyə̀nə̀ nə nâʼà pî tyə̀ynsè àlâŋ èkè vɛ ə è pə̀yn sə chùmtè èpàm efɔ̀yn ekwùtwəynve nyi kə pɛ̀ ndɛ vɛ è njìə fɨsə fɨa efe è ve mɨve elùʼ vɛ ə è ndə̀mə̀ vəynve.”

2 Kolìŋ 10:1

Ə̀ chyatə̂ kə nâʼà mi Pɔ̂l ghàyn zôyn tɔynə̂ ətəm ə chûŋghè è pɔ̂ynè ə̀ Klâys, ə nyi mi vɛ ə ghɨ mɔ̀ʼɔ pìə nə shîŋə̀ kɛ ə m va ə ghàyn əfètəyn mə nyàʼà èghɛ è təm ə tɛ, pîza shîŋə̀ kɛ ə m nyi ə ghàyn ə fètəyn, me wâmnə̀ è fâynzè!

2 Kolìŋ 10:10

Piə ghɨ mɔʼɔ pìə nə, “Shɨ̂ŋə̀ kɛ ə è nyàʼà, ŋwàʼlè sə vəynse se kyi ezhiyn, è kɨsè m̀kɔʼnè, pîza è və nə̀ pɨlə pə̂ əghɨghe əshi è fanə̀ se wàmnè əghɨghe əfètəyn.”

2 Kolìŋ 11:27

Mə fɨ̂aʼ tsɛ̂sè, ə fɨaʼà tèfɨaʼ te tɛte ə pə̂ əteshìŋə̀ tetsɨəte, m kyàʼà pɨənə̂, ə pə̀ shîŋə̀ kyîke, mə pɨənə ndɔ̀ʼɔ m zhi fɨake, pî se mɨ afɨa kyîke. Shîŋə̀ tetsɨəte, e pɔynə̂ va kə m kyi fɨake se zhi, kyi va ndɛ se pɨəyn ətəyn, kyi va nâʼàpî sèndzɨs se màʼ.

2 Kolìŋ 11:7

E za nyi nə se tsosə ngɨŋ zɨ̂mzè əchi, endom se njìə kɔʼsə ghàyn, kə m ndaʼà tom èchùŋ ə̀ Fèzhə̀ se ghàyn mə m pfɨfə va fɨake se ghàyn nyi pi mə?

2 Kolìŋ 11:9

Shiŋə̀ kɛ ə m nyi ghâsènì, ezhoghɛ ə m kyiŋə fɨake, m fo va ngəʼ se ghàyn kûmə̀ nə ghɔnyì ghɨmghe ə Màsèndònyà tè nyîə fo nâʼàpi àkè kɛ m kyiŋə. Mə ndə̂m ngɨŋ zɨ̂mzè nə m nə va àpɨ̀aʼa se ghàyn endom vîve, nyi se faŋə kə zamə.