Filìpây 4:11 - Ŋwàʼlè ə̀ Fèzhə̀ Mkâyn Mə̂ Fèm

¹¹ M pìə va ghɛ nə zɨnə zôyn kə m laʼà àfɨa kûmə̀ nə mə zaʼle sə̂ ndamə, mə ə m nyiə kɔŋə̀ fèfɨ̂atə̀ fə afɨa fɛ m kyi.

Filìpây 4:11 ပူးပေါင်းရင်းမြစ်များ

Tom èchùŋ kè kə Lûk tè nyaʼ 3:14

Sokə̀ʼse ə pɔŋɔ pə̂ ə pfɨfə nə, “Ə nâʼà ghàs ghayn ghe?” È və piə nə, “Kə̂ ghàyn fɨyn fi àfɨa ə wûəkè sə atyaʼ, kə̂ ghàyn fɨyn pi nə wùə ə nə̀yn ghɛe, ndɔ̀ʼɔ è nə̀yn, kûmə̀ kə nə ghàyn kyiŋə àfɨa. Ghàyn zhiə kə ekɛ vɛ ə ndâʼà ghàyn ə təyn.”

2 Kolìŋ 11:27

Mə fɨ̂aʼ tsɛ̂sè, ə fɨaʼà tèfɨaʼ te tɛte ə pə̂ əteshìŋə̀ tetsɨəte, m kyàʼà pɨənə̂, ə pə̀ shîŋə̀ kyîke, mə pɨənə ndɔ̀ʼɔ m zhi fɨake, pî se mɨ afɨa kyîke. Shîŋə̀ tetsɨəte, e pɔynə̂ va kə m kyi fɨake se zhi, kyi va ndɛ se pɨəyn ətəyn, kyi va nâʼàpî sèndzɨs se màʼ.

2 Kolìŋ 6:10

Ghàs ndamə saŋnə̂ kə ndò nâʼàpî əfètəyn ètsôs. Ghàs kyàʼà kə əghɨ afɨfə pîza nə̂ nə ghɨghe ə kyi èghaʼ. Ghàs kyaʼà kə kə kyi va fɨake, pîza kyi èfɨa èkɨ̂m.

2 Kolìŋ 8:9

Ghàyn kendô fùʼ kɛ ə Pɛ̂pɛ ə̀ ghâsènì Njisə̀s Klâys tè tyə̀yn sê ghâsènì. È tè nyi wùə èkɛ, ə kɛsə fɨfə kûmə̀ ghàyn, kə fɨfə Vəynke nəyn, kə ghàyn ə nyi ə̀ghɨ kɛghe ə Zhə̀fè shi.

2 Kolìŋ 9:8

Zhə̀fè nyîə kyi àtyaʼ se pɔsə̂ ghàyn è fɨave ve tsɨ̀ə tsɛ̂ vɛ ə ghàyn kyiŋə, kə shîŋə̀ tekɨ̂m, ə ghàyn ə kyi èfɨa èkɨ̂m vɛ ə ghàyn kyiŋə, fɨyn kyi kwəynê sə̂ nə̂ ə̀ghɛ ə chûŋ ghətəyn,

Filìpây 3:8

Ə̀ va ke zɛ mə, m fe nâʼà pîghè nə ə̀ nyi kàyntè ènjìsè, ghɛ zhîze e va zɛ ə ze ghaʼa tsɛ̂ se ke Njisə̀s Klâys kə Pɛ̂pɛ. Kûmə̀ vəyn, mə màʼà ghɛghe əkɨ̂m, fe ghəynghe kə eliŋ kə m kaʼa m ke Njisə̀s Klâys.

Ipilù 10:34

Ghàyn e kosə èsəyn sê ghɨ ghɛ ə kote fâ. E kyitə̂ fitə̂ èfɨa vaynve, pîza ghàyn e kolə kə ndò təmə kyi va fɨmsêzè, kûmə̀ nə ghàyn tè ke ndô nə ghàyn nyiə nyi èfɨa ve tsɔ̂fə̀ tsɛ̂, nyi se ndamə faŋ.