Filìpây 4:10 - Ŋwàʼlè ə̀ Fèzhə̀ Mkâyn Mə̂ Fèm

¹⁰ Kə m nyi ə Pɛ̂pɛ apàs, e nə̂ mi m saŋnə̂ nâʼà sə ŋaŋ. Kûmə̀ nə ghàyn ə tyə̀yn nə ghàyn nyiə tɔ̂ʼnə̀ se mi. M ke ndò nə ghàyn nyiə kyi èkwaʼtè sə tɔ̂ʼnə̀ è shîŋə̀ tèkɨ̂m, pîza ghàyn paʼà kyi zhəm ə təynke se nə̀yn zamə.

Filìpây 4:10 ပူးပေါင်းရင်းမြစ်များ

2 Kolìŋ 11:9

Shiŋə̀ kɛ ə m nyi ghâsènì, ezhoghɛ ə m kyiŋə fɨake, m fo va ngəʼ se ghàyn kûmə̀ nə ghɔnyì ghɨmghe ə Màsèndònyà tè nyîə fo nâʼàpi àkè kɛ m kyiŋə. Mə ndə̂m ngɨŋ zɨ̂mzè nə m nə va àpɨ̀aʼa se ghàyn endom vîve, nyi se faŋə kə zamə.

2 Kolìŋ 6:7

Zhə̀fè ə fo tyaʼa sê ghàs, ghàs e ndàʼà kə èghɛ zɛ ə ze nyi səmɔʼ sê ghɨghe. Fɨa eghɔ̀ŋ vɛ ə ghàs nô è vəyn fɨnə kɨ̂ŋtə̀ sèngɨŋ sasse ətəyn nyi tendom tə chichite.

Ngàleshyà 6:10

E za tyə̀nə̀ nə ə ghâsènì kyi ndomnə̀fè nâʼà pî ashìŋə̀ àkè se nə chùŋ, ghâsènì mɔmsə̀ se nə kə sê ghɨ ghəkɨ̂m, fɨnə nə̂ nâʼà setsɨ̀ sê ghɨ ghɛ ə ghâsènì ghə̀ ghənə kyi kyî epomə̂zè emɔ̀ʼ.

Ngàleshyà 6:6

Wùə vɛ ə zaʼlə vəyn èghɛ ə Fezhə̀zè kyi sə̂ chyâtə̀ fo tyə̀ynsè ə vəyn è fɨa echûŋ vɛ ə è kyi, nâʼà èkɨ̂m.

Filìpây 1:1

Ə̀ nyi mi Pɔ̂l è Timotì əghɨ fɨaʼa Fezhə̀ sê Njisə̀s Klâys ghɛ ə nyâʼà pə̂ ŋwàʼlè zɨ̀nə se ghàyn. Ghàs nyàʼà sê ghàyn ghɛ ə ghàyn fo ngɨŋ saynse sê Zhə̀fè ə Filìpây nâʼà ə̀kɨ̂m sè nyi ghâynghə̀ Klâys Njisə̀s. Ghàs nyàʼà kəpî sê ghàyn tuve è ghɨ ghɛ ə tsâmtə̀ se chiyntê efɨaʼ ə Fezhə̀zè nə ze ndu əshi.

Filìpây 1:3

M fo àzɔ̀ŋnè sê Zhə̀ fɨmfe nâʼàpî ashìŋə̀ àkè m kwàʼtè ghàyn,

Filìpây 2:30

Ghâsènì kyi sə̂ kɔʼsə̂ vəyn kûmə̀ nə è və tə fo ngɨŋ ə̀ vəyn èkɨ̂m se fɨ̂aʼ se Klâys ə ndɛtə̂ se kwu. È və tə nə̀yn ghɛghe mə è tè kyi va se nə̀yn, se tsàmtə mi se nə̀yn efɨaʼ zɛ ə ghàyn tè vayn kàʼa nəyn.