Filìpây 4:1 - Ŋwàʼlè ə̀ Fèzhə̀ Mkâyn Mə̂ Fèm

¹ M pìə sê ghàyn ə ghɔnyìə ghɨmə ghe kɔ̀ŋə̀ nə, ghàyn e tɛ ə ghàyn epomə̂ sê Pɛ̂pɛ. M nyîə kɔ̂ŋə̀ ghàyn, lotə̂ kɔ̂ŋə̀ kə nâʼà se fe ghàyn kûmə̀ nə ghàyn nyi esaŋnê zɨmze, è mâʼtè zɛ m kyi ə mì efɨ̀aʼ.

Filìpây 4:1 ပူးပေါင်းရင်းမြစ်များ

Matyò 10:22

Ghɨghə əkɨ̂m tə pânə̀ ghàyn ə mì ezə. Pîza mə ə kol pîndè təmə se nduə tàyn ə mɨ̀se ə è tə kyî èzɔzaze.

Njɔyn 8:31

Njisə̀s ə pìə sê ghɨ ə Njûs ghɛ ə ghe tè pomə sê vəyn nə, “Ə ghàyn chùmtè zaʼlê zɨme, ə ghàyn ə lote nyi sèchùmtè èpàm Sɨmse.

Ətefɨ̂aʼ 11:23

Ə pə̀ kə è ndù fɨ fu, ə fe endom vɛ ə Zhə̀fè nyi mə Fe pɔsê ghɨghe, è ve saŋnə̂ nâʼà sə ŋaŋ ə təftə̂ ghənə nə ghənə ə chumtə̀ Fèzhə̀ è təm ə ghənə̂ ghəkɨ̂m.

Ətefɨ̂aʼ 14:22

Nâʼà pi elùʼ èkè vɛ ə ghənə tè nduə fɨə, ghənə ə nə̀ nə ghɨ poməghe tɔʼ kyî èpomə̂ ə ghənə̂zè ə fɨyn ndəm ətəm ə ghənə̂ eghɛ zɛ ə ghənə pomə. Ghənə tè zaʼlə nə, “Ghâsènì kyi se tsɛ tɔynê əfètəyn tètsòs te tsɨ̂ə kə nyi tsɔ̀fə ə se nji elùʼ efɔ̀yn ə Fezhə̀vè.”

Ətefɨ̂aʼ 2:42

Ghənə ə fɨnə fo sèngɨŋ sə ghənə̂sè sə̂ zɨtə̂ ə̀ghɛ ghɛ ə ghɨətom ə Njisə̀sghè tè zaʼlə. Ghənə tè nyì sə eghɛ èmɔ̀ʼ yîghə̀ ghɨ pomə ə Klâysghè. Ghənə əkɨ̂m tè tsə̂mə̀ fɨnə zhiə kɨŋnə̂ luʼve mɔ̀ʼ.

Ŋwàʼlè ə̀ Pɔ̂l sê ghɨə Lûmghè 2:7

Ghɨə mɔ̀ʼɔ ghə kol təmə ə faŋə nə̂ ndûə kə əghɛ əchûŋghè, kyiŋə epomsê, è kɔʼsêzè. Ghənə tə kyîə èndam zɛ ə ze tə mìə va. Zhə̀fè tə fo èndam zɛ ə ze tə mîə va se kyì əghɨ̀ nə ghɨ̂yn.

1 Kɔlìŋ 15:58

E za nyì ə soyn sɨmse chûŋsè nə, ghàyn fɛte tyəm ə nyi è pɨaʼtêzè. Ghàyn e zâŋsè nyi ke shîŋə̀ tekɨ̂m ə Pɛ̂pɛ efɨ̀aʼ kə ghàyn se ke nə ghɛ zhîze va ə ghàyn nə̀ ə Pɛ̂pɛ efɨ̀aʼ mə ze nyi sə ndô.

1 Kɔlìŋ 16:13

Ghàyn e pfɨ̂tə̀. Ghàyn fɛte kyî èpomə̂ zaynze. Kə ghàyn ə fânə̀, ghàyn e tɛ.

Ngàleshyà 5:1

Klâys ə fɨse ghâsènì efɨ̀aʼ akɔ̀szè kə ghâsènì ə fɨyn va èkɔ̂s. Ghàyn fɛte tyə̂m kə ghɨ ghɛ ə ghe va ekɔ̂s, kə wùə tə tàʼa fɨnə ndzɨse ghàyn efɨ̀aʼ akɔ̀szè.

Filìpây 1:27

Ghɛ echûŋzè nyì ke nə, ghàyn ə ndamə kə tom èchùŋ ə̀ Klâys kyiŋə kə m pəyn pî ndò se fe ghàyn, kɨ̀sə m faŋ pî se pə̀yn, m mə ke ndò nə ghàyn pa tɛ kə ndò tyəm sə afɨa àmɔ̀ʼ, tsɨ̂yntə̀ fɨ̂aʼà nâʼà è tyaʼa è kwâʼtèzè emɔ̀ʼ sə̂ ndə̂mə̂ ekyî epomə̂ zɛ ə tom èchùŋ zaʼlə.

Filìpây 1:8

Zhə̀fè nyiə ke ndô nə m pîə səmɔʼ nə m nyîə kɔŋə̀ ghàyn àchûŋ è kɔ̂ŋ zɛ ə Klâys Njisə̀s tè tyə̀yn nâʼà è ngɨŋ ə vəyn.

Filìpây 2:16

Ghàyn fɛte kyî tom èchùŋ nə zɨ̂yn ə è fo ndame nyî, kə shîŋə̀ kɛ ə Klâys tə kɛsə pə̂ ətəyn, m mə nyi kàʼa m ghaŋse wiynve nə m tè nyɨŋə chîəva nyɨŋ nə zɨ̂nə̀ mə sə ndò, è kɨsè nə fɨ̂aʼ zɨme tè vachi səndô.

Filìpây 2:26

È kɔ̂ŋɔ̀ nâʼà sə ŋaŋ se pə fe ghàyn, saŋnə̂ va nâʼà səkɔs kûmə̀ nə ghàyn se nyi mə ghàyn ə tə zɨ nə è tè zafə ndô.

Kòlosè 4:12

Ghàyn fi tɔŋtêzè mə ze ndo sê Èpafalàs mə ə̀ nyì kepî wùə mɔʼɔ̂ ə ghàyn anɔ̀yn, ə̀ nyi wùə èfɨ̀aʼa sê Klâys. È nyiə zâŋsə̀ tsə̂mə̀ se ghàyn shîŋə̀ tekɨ̂m, tsə̂m ə vəynze sê Zhə̀fè e nyi nə ghàyn ə tyəm ə ghàyn epomə̂ kə ghɨ ghɛ ə nyi mə ə ndəmə̂, e ke nə ghənə lote nyi ə̀ ghɨ epoməghe, kè endom se ngɨmnê se Zhə̀fè ə Fəynfe ekɔ̀ŋ.

1 Tèsàlonikà 3:13

Ə ghàyn nə̂ nyi, ə è nəyn ə təm ghaynghe ə tɛ, kə ghàyn ə kyi va ləʼke, nyi èŋwaʼve ə Zhə̀fè ə ghâsènì fe əshi mə za nyi pɨ̀a ghâsènì ashìŋə̀ kɛ ə Pɛ̂pɛ ə̀ ghâsènì Njisə̀s pə̀ è ghɨə vəyn ghe ŋwaʼaghe əkɨ̂m.

2 Tèsàlonikà 2:15

Ghàs e sè pìə sê ghàyn ə ghɔnyìə nə, ghàyn kyi ke ndò pomə̂ zaynze, kə ghàyn pomə nə wùə nəyn, ə ghàyn za zaʼlê ə səmɔʼ zɛ ə ghàs tè zaʼle sê ghàyn za ə fɨnə nyâʼà sê ghàyn ə ŋwàʼlè.

2 Timotì 2:1

Ə̀ ghô ə vayn vɨ̂mvè Timotì, ò tɛ tɔynə̂ afùʼ kɛ ə ghâsènì kyi sə afɨa àmɔ̀ʼ è Klâys Njisə̀s.

Ipilù 10:23

Ə ghâsènì fɛte kyî mə ə nə̂ʼlə̀ va eghɛ zɛ ə ghâsènì kwàʼtə̀ lɨmtə, fɨnə wâmnə̀ kûmə̀ zəynze, kûmə̀ nə ghɛ zɛ ə Zhə̀fè tsɨ̀nè, è nə̀ nə̂ kə kə è pì.

Ipilù 3:14

Ə ghâsènì tyəm ə ghâsènì epomə̂ se zaʼâ əkwùŋse, kèpî kə ghâsènì tè tyəm ə zhə̀te, ə ze ə tyə̂nə̀ nə ghâsènì tsɨ̀yntə̀ fɨaʼà ghasènìəghə̀ Klâys.

Ipilù 4:14

Ə ghâsènì fɛte kyî èkyî èpomə̂ ə ghasènìze ə zə tɛ, kûmə̀ nə ghâsènì nyîə kyi wùə èkɔʼsə nə̂ èshyə̀ engaŋtə kwəynə èghaʼâ kə è tè kɔʼ ekwùtwəyn. Wùə èkɔʼsə nə èshyə̀ èngaŋtə kwəynə nə vɨ̂yn nyi Njisə̀s, ə Va Fèzhə̀.

2 Pità 3:17

Pîza se ghàyn ə soyn sɨmse, ghàyn nyîə kâynè ke èghɛ nə zɨ̂yn, ghàyn e tɔ̂ʼnə̀ kə ghàyn tə pfɨ nji etsas ə ghɨ̀ nə ghɨ̂yn ə fânə̀ va Zhə̀fè, ə ghàyn njise luʼ vaynve vɛ ə ve tyəm achûŋ.