Filìpây 3:8 - Ŋwàʼlè ə̀ Fèzhə̀ Mkâyn Mə̂ Fèm

⁸ Ə̀ va ke zɛ mə, m fe nâʼà pîghè nə ə̀ nyi kàyntè ènjìsè, ghɛ zhîze e va zɛ ə ze ghaʼa tsɛ̂ se ke Njisə̀s Klâys kə Pɛ̂pɛ. Kûmə̀ vəyn, mə màʼà ghɛghe əkɨ̂m, fe ghəynghe kə eliŋ kə m kaʼa m ke Njisə̀s Klâys.

Filìpây 3:8 ပူးပေါင်းရင်းမြစ်များ

Tom èchùŋ kè kə Lûk tè nyaʼ 1:43

M nyiə nyi nâʼà ndè kə nyiə Pɛ̂pɛ vɨ̂mè pə̀yn se môtè əmi ə?

Tom èchùŋ kè kə Lûk tè nyaʼ 11:20

Ə̀ fo Fèzhə̀ è tyaʼa nə mə chûmə̀ fɨsə̂ tèpamə̂ tə satàyn nə tɨ̂yn. E za tyə̀nə̀ nə fɔ̂yn ə Fezhə̀vè ə pə̀yn sê ghàyn.

Njɔyn 14:20

Shìŋə̀ kɛ ə tuʼfə təynfe tə pə̂, ə ghàyn ke nə M nyi ə Pɨ̀a vɨ̂mvè ewìyn, è kɨsè nə ghàyn nyi ə Mì ewìyn kè eghɨ kə M nyi ə ghàyn ewìyn.

Njɔyn 14:7

Njisə̀s ə pìə se ghənə nə, zôyn kə ghàyn ke mi, ghàyn nə̀ kê kəpî pɨ̀a vɨ̂mvè, mə se zhə̀tè zôyn se ndù əshi ghàyn ə fe Vəyn, ə kê Veyn.”

Njɔyn 16:3

Ghɨ tə nə̂ ə̀ghɛ nə ghɨyn sê ghàyn kûmə̀ nə ghənə paʼà kê Pɨ̀a Vɨ̂m ə tàʼa ke Mi.

Njɔyn 17:3

Mə ndam zɛ ə ze tə mîə va nyi se kê ə gho Zhə̀ fɛ ə Fe nyi səmɔʼ è kɨsè Njisə̀s Klâys vɛ ə ò tom.

Njɔyn 17:8

Mə fo tom zɛ ə Ò tè fo sê Mi sê ghənə, ghənə ə fiə zə̂ynzè ə pomə, ghənə nyîə ke nə ze nyi səmɔʼ nə M tè ndò sê ghò, ghənə pomə̂ kepî nə ə̀ tè tom ghô Mi.

Njɔyn 20:13

Tsì sə təynse ə pfɨfə sê Mèli nə, “Wùzhɔyn, ò chìə ghe?” È və pə̀ynsə̀ ə pîə nə, “M chîə kûmə̀ nə ə njì ndo è pfɨyn ə Pɛ̂pɛ vɨ̂mvè, m ke va nə ə ndəm ghayn Vəyn ə?”

Njɔyn 20:28

Tɔ̀mɔ̂s ə pìə se Vəyn nə, “Pɛ̂pɛ Vɨm, Zhə̀ fɨmfe!”

Ətefɨ̂aʼ 20:24

Pîza m njiə pi va ndam zɨme nâʼà sə eghɛ zhîze, kè ezhoghɛ m mɨsè nyɨŋ nə zɨ̂yn, ə mɨ̂sə̀ àfɨaʼ kɛ ə Pɛ̂pɛ Njisə̀s nyi mə è və fo se Mi, mə ə̀ nyì se ndàʼà ə tom èchùŋ kûmə̀ àfùʼ kɛ ə Zhə̀fè kyi sê ghɨghe.

Ŋwàʼlè ə̀ Pɔ̂l sê ghɨə Lûmghè 8:18

M njîə va nə tsôs vɨ̀yn ə ghâsènì fe zôyn fa ashìŋə̀ nyì nâʼà eghɛ zhîze, ə ghâsènì fɨ̀aʼnè vəynve è pomsê zɛ ə tə tyə̂nə̀ paynsə̂ sê ghâsènì ashìŋə̀ kɛ ə ke nyi se tə pə̀yn.

Ŋwàʼlè ə̀ Pɔ̂l sê ghɨə Lûmghè 8:39

Kɨ̀sə ə̀ nyi atyaʼ ə mbi kɛ ə ke nyi ekwùtwəyn, kɨ̀sə ə̀ nyi kɛ ə ke nyi ə chi, fɨa kyîke va əfètə̂ èfɨa vɛ ə Zhə̀fè nyi mə Fe ə pom kɛ ə ke kaʼa ə ke chyase ghâsènì ətê èkɔ̀ŋ zɛ ə Zhə̀fè kyi sê ghâsènì tɔynə̂ sê Njisə̀s Klâys Pɛ̂pɛ ə̀ ghâsènì.

1 Kɔlìŋ 2:2

Kûmə̀ nə m tè nyi mə mə ndə̀m nə m nə keva ghɛ zhîze kə m tè nyi ə ghàyn əfètəyn, ə̀ tsɛ̂ kə va sə̂ wâmnə̀ kûmə̀ Njisə̀s Klâys, nâʼà èkwu ə vəynze awâmnè.

1 Kɔlìŋ 9:10

È tè lotə wâmnə̀ kûmə̀ ghâsènì kə è tè pìə ghɛ zɨnə̀. Èyn, ə tè lote nyâʼ zɨnə̀ kûmə̀ ghâsènì. Nâʼàpî ndè vɛ ə è fə̀, è vɛ ə è kwìə, ə ghənə ə nə̂ èfɨaʼ ə ghənə̂zè kyi ekwâʼtè nə ghənə tə kyîə və ghənəvè nə efɨazhiəve.

2 Kolìŋ 4:4

Ghənə pomə va pɔ̀m nə kwaʼtè tə ghənə̂tè nyi mə Zhə̀fè epi fə mbi fɨnə fe ə ndə̀m ə alɨm. Fe nyi mə fə ndə̀tè nə kə ghənə ə fe èpayn zɛ ə ze nyi ə ghənə ewìyn, mə nyi epayn zɛ ə ze ndô pə̂ ə Tom Èchùŋ zɛ ə è tsà kûmə̀ èpomsê ə Klâyszè, mə È lote nyi kə Fezhə̀.

2 Kolìŋ 4:6

Zhə̀ fɛ ə Fe tè pi nə, “Payn tə panə əfètə̂ àlɨm.” Ə̀ nyì kepî Fezhə̀ Fə təynfe ə Fe nə̂ nə payn ə Vəynze ə panə ə ghâsènì ətəm, kə ze pəyn ghâsènì è tɔf ə epomsê ə Fezhə̀zè mə ze panə ə Klâys ekyàʼ.

Ngàleshyà 1:16

se tyə paynsə̂ Va vəyn sê mi, kə mə ndaʼà tom èchùŋ se ghɨ ghɛ ə̀ vachi ə̀ghɨ Njûsghè, m tè paʼà ndù nə wùə təfte mi.

Ɛfesùs 4:13

se zaʼâ kə ghâsènì ə̀kɨ̂m tə tsɨ̂yntè ə nyi sə afɨa àmɔ̀ʼ ə ghâsènì ekyî epomə̂zè fɨyn nyi ke sə̂ afɨa àmɔ̀ʼ eghɛ zɛ ə ghâsènì ke kûmə̀ Va Fèzhə̀. Nyî ə ghâsènì ghəʼne kwəyn ə sè nyi kepî kə Klâys.

Filìpây 1:1

Ə̀ nyi mi Pɔ̂l è Timotì əghɨ fɨaʼa Fezhə̀ sê Njisə̀s Klâys ghɛ ə nyâʼà pə̂ ŋwàʼlè zɨ̀nə se ghàyn. Ghàs nyàʼà sê ghàyn ghɛ ə ghàyn fo ngɨŋ saynse sê Zhə̀fè ə Filìpây nâʼà ə̀kɨ̂m sè nyi ghâynghə̀ Klâys Njisə̀s. Ghàs nyàʼà kəpî sê ghàyn tuve è ghɨ ghɛ ə tsâmtə̀ se chiyntê efɨaʼ ə Fezhə̀zè nə ze ndu əshi.

Filìpây 3:10

M kɔ̂ŋə̀ se kê ə Klâys, kyiŋə se kyî atyaʼ kɛ ə è tè kyi kə è tè zòmə. M kyiŋə sə̂ pa zɨə kə ngəʼ eghɨ kə è tè zɨə. M kɔ̂ŋə̀ se kyiə kəpì etsôs vɛ ə è tè kyi, se zaʼâ kə ə zhwi kepî mi kə tè zhwi Vəyn.

Filìpây 3:12

M pìə va nə mə kàynè zhi fɨ, pî nə m se kâynè nyi chichi. M mɔ̀msə̀ kə sə̂ ke Klâys Njisə̀s fɨyn nyi kə vəyn kûmə̀ nə ə̀ nyi eghɛ zɛ è tè chɔʼ mi nə mə nyi wùə ə vəyn sətəyn.

Filìpây 3:7

M tè njìə nâʼà ə̀ghɛ nə ghɨ̂nə̀ ə̀kɨ̂m nə ə̀ nyi ezhi pîza, m njìə ghəynghe zôyn kə enjisè kûmə̀ èghɛ zɛ ə Klâys nə̀ sê mi.

2 Timotì 4:6

Sê mi, shîŋə̀kè ə kwəyn kə ə fo mi sə efo, ə̀ zo nyi ashîŋə̀ se mi kə m za ndam zɨ̀nə̀.

Ipilù 3:14

Ə ghâsènì tyəm ə ghâsènì epomə̂ se zaʼâ əkwùŋse, kèpî kə ghâsènì tè tyəm ə zhə̀te, ə ze ə tyə̂nə̀ nə ghâsènì tsɨ̀yntə̀ fɨaʼà ghasènìəghə̀ Klâys.

1 Pità 2:7

Ə̀ nyi sê ghàyn ghɛ ə ghàyn pomə, chi nə zɨ̀nə nyîə tsɔ̂fə̀ nâʼà sə ŋaŋ, pîza sê ghɨ ghɛ ə ghe tàʼa pomə mi: “Chi nə zɛ ə ghɨə pɛghe tè làŋ mâʼà ə kɛse sə echi epòlə̀ ndɛze.”

2 Pità 1:2

Ə fùʼ ə Fezhə̀kè è pɔ̂ynè ə nyi sê ghàyn nâʼà sə ŋaŋ kûmə̀ nə ghàyn ke ndô vəyn, fɨyn ke Pɛ̂pɛ ə̀ ghâsènì Njisə̀s.

2 Pità 1:3

Zhə̀fè ə fo nâʼàpî ghè vɛ ə ghâsènì kyi sə̂ kyi kə ghâsènì ə ndamə èndam e zo zɛ ə ze kwəynə. Fe fo efɨa nə vɨ̂yn tɔynə̂ atyaʼ kɛ ə è kyi kə Fezhə̀, è kɨsè kûmə̀ nə ghâsènì nyîə ke vəyn. È tè tɔŋə ghâsènì tɔynə̂ ə vəyn epomsê è chùŋ ə̀ vəyn.

2 Pità 1:8

Ə ghàyn nə̀ ghɛ nə ghɨ̂yn, nə̂ ndûə kə eshike, ghɛ zɛ ə ghàyn nə̀ ke kûmə̀ Pɛ̂pɛ ə̀ ghâsènì Njisə̀s Klâys ndəmə, ə twɔm echûŋvè mu ə ghàyn endam.

2 Pità 3:18

Pîza ghàyn e ndəmə̂ ndûə kə èshike ə afùʼ, è tɔf ə Pɛ̂pɛze è sɔ̀zà ə̀ ghâsènì Njisə̀s Klâys. Ə pomsêzè ə nyi sê vəyn zôyn, è kɨsè sə teshìŋə̀ tèkɨ̂m! Ə ze ə nyi ke zamə.

1 Njɔyn 1:3

Ghàs tsà ə̀ghɛ ghɨ̀nə̀ sê ghàyn, ə ghɛ ə ghàs nyi mə ə fe ə fɨnə zɨə, kə ə ghâsènì tsɨynte faŋ ke sə afɨa àmɔ̀ʼ ə ghâsènì è Pɨ̀a yî Va Vəyn Njisə̀s Klâys.

1 Njɔyn 2:19

Ghɨ ghɨ̀nə tè fɨ ə ghâsènì ə sendɛ sə Fezhə̀sè, pîza mə ghənə tè va afɨa àmɔ̀ʼ ghasènyìə ghə̀ ghənə. Ə̂ tè nyi kə ghənə ə nyi ə̀ghɨ ə ghasènìghe, mə ghənə ə tə faŋ ghasènyìə ghə̀ ghənə. Ə̀ tè nyì kə ghənə ndô, zɨnə mə ə tyə̀nə̀ ə ndayn nə ghənə əkɨ̂m tè va ghasè nyìə ghə̀ ghənə.

1 Njɔyn 5:20

Ghâsènì ke kepî ndò nə Va Fèzhə̀ ə tə pə̀yn ə mbi, ə zaʼlə ghâsènì kə ə ke Fèzhə̀ fɛ ə Fe nyi səmɔʼ, ə ghâsènì ə tsɨ̂yntè nyi sə afɨa àmɔ̀ʼ, kûmə̀ nə ghâsènì nyì sə afɨa àmɔ̀ʼ è Vâ Vəyn Njisə̀s Klâys. È nyi Fezhə̀ fɛ ə fe nyi səmɔʼ, fo èndam zɛ ə ze tə mîə va.