Filìpây 3:6 - Ŋwàʼlè ə̀ Fèzhə̀ Mkâyn Mə̂ Fèm

⁶ M tè nyîə tɨ̂mə̀ tsɛsə̀ èwiynve, endom nə m tè nyîə tsə̀fsə̀ ə̀ghɨ poməghe. Wùə vîvè tè vayn kàʼa è pi nə m kyi ndô pi zhizè ə mì ewìyn kûmə̀ nə m tè nyîə ndə̂mə̀ èlwɔ̂ŋ əghɨ̀ ə Njûsvè ekɨ̂m.

Filìpây 3:6 ပူးပေါင်းရင်းမြစ်များ

Matyò 23:25

Ngəʼ èghaʼâ nyì sê ghàyn ə tyə̀ynsè sə alàŋsè è ghɨə Falàsîə. Ghàyn ghɨnə ə ghàyn kaŋkaŋa nə̂ ghɛ nyi! Ghàyn shùə tsɨ̀m ə̀ wà è kaŋke, pîza fɨa zhiə vɛ ə ve nyi əfètə̂ ətəyn e nyi mə ghàyn kyi fi sê ghɨə sə atyaʼ kûmə̀ əshi ə fɨə.

Matyò 5:20

M tsâ sê ghàyn nə, ghàyn tə njiə elùʼ efɔ̀yn ə Fezhə̀zè kè ezhoghɛ ghɛ zɛ ə ghàyn nə̀ sê Zhə̀fè tsɨ̀ə zə setyə̀ynsè se elwɔ̀ŋsè è ghɨ Falàsîə.

Tom èchùŋ kè kə Lûk tè nyaʼ 1:6

Ghənə tè nyi əkɨ̂m, ndamə chichi ə Zhə̀fè əshi, nə̂ əghɛ ghɛ ə fe pi nâʼà ə̀kɨ̂m, fɨnə ndəmə̀ tesaʼ tə Pɛ̂pɛ te nâʼà tèkɨ̂m, kyi va pi nâʼà səkɔs.

Ətefɨ̂aʼ 21:20

Ə pə̀ kə ghənə zɨte mɨsè sê vəyn, ghənə əkɨ̂m ə fo àzɔ̀ŋnè se Zhə̀fè. Ghənə ə ke pì nə, “Ànyì vâsvè Pɔ̂l, o fe kə ghɨə Njûsə̀ kamse tsɨəse pomə sê Zhə̀fè è ndom vɛ ə ghənə ndə̂mə̀ lâŋkè ətə?

Ətefɨ̂aʼ 22:5

Wùə èkɔʼsə nə èshyə̀ è ngaŋtə kwəynə è chəʼse endaʼ sekɨ̂m kàʼa ə se tɔʼte nə m pîə èghɛ səmɔʼ. Mə tə fi ŋwàʼlèsè mə se ndo sê ghənə, mə ə nyaʼ sê ghɨ ə Njûsə̀ ə Ndàmakùsghè, mə ndùə fu ə ko ə̀ghɨ nə ghɨ̂yn, ə pə̀yn è ghənə ə sechaʼ ə Njèlusalɛ̀m nə ə pɔynse ghənə.

Ətefɨ̂aʼ 26:5

Ghənə tè kɨte kê ndò mi, mə ə ghənə kɔ̂ŋɔ̀ se tsàyn, ə ghənə tsayn nə sə shi, m tè lote nyi wùə vɛ m tè ndə̀mə ndomtə Fezhə̀tè nâʼà àchûŋ. M ndəmə̀ təynte kə nâʼà pì ndè anɔ̀yn ə ghɨ̀ ə Falàsîkè ndə̀mə̀.

Ətefɨ̂aʼ 8:3

Pîza, Sɔ̂l ə zhə̀tə̀ kyiŋə èndom nə ghɨə ndɛ ə̀ Fèzhə̀ghè mi, sè njiə kə ə ndɛ ə ndɛ, shînə̀ fɨsə̂ ə̀ ndômnè è zənə, ndə̂mə̀ ghənə ə ndɛ ə̀chaʼ.

Ŋwàʼlè ə̀ Pɔ̂l sê ghɨə Lûmghè 7:9

Shîŋə̀kè tè nyì ndô mə m keva lâŋkè. Pîza shîŋə̀ kɛ ə m tè ke lâŋkè ətəyn, shi ə fɨə ghɨmghe ə chiyntə̂ mi nə m nəyn pi, mə kwuə.

1 Kɔlìŋ 10:32

Ghàyn e ndamə endom kə ve vayn pə̀yn è tsôsvè sê wùə vîvè kɨ̀sə ə̀ nyi əghɨ Njûsə̀, kɨ̀sə ə ghɨ ghɛ ə̀ va əghɨ ə Njûsghè kɨ̀sə əghɨ ə poməghe.

1 Kɔlìŋ 15:9

Kûmə̀ nə m nyi wùə vɛ è tətə kwûŋsə̀ əfètəyn ə̀ghɨtomə, kûmə̀ nə mə tə tsə̀fsè ndɛ ə̀ Fèzhə̀.

Filìpây 2:15

Kə wùə ə vayn kàʼa è pi nə ghàyn ə nə̀yn pofsê ghɛze, kɨ̀sə ghàyn kyi ndô ləʼke; kûmə̀ nə ghàyn nyi əghɔyn ə Fezhə̀ ə Ŋwaʼa ghɛ ghe ndamə ə mbi əfètəyn ə̀ghɨ̀ epi ghɛ ə ghe kɔ̂ŋə̀ sə̂ nə̂ ndûə kə pi shîŋə̀ tekɨ̂m. Ghàyn nyi ə ghənə əfètəyn ə mbi kə mlî mɛ m̀ panə.

Filìpây 3:9

M mə nyi fɨake amɔ̀ʼ ghasè Vəyn. Ə̀ vachi se chùmtè alâŋ ə ze nə̂yn mi nə mə nyi chichi ə Zhə̀fè əshi, pîza m nyi chichi ə Zhə̀fè əshi kûmə̀ nə mə pomə̂ Klâys, mə ə̀ nəyn Fezhə̀ nə mə nyi chichi kûmə̀ nə mə pomə̂ Klâys.

1 Timotì 1:13

pi kə m tè nyi mə mə wàmnè ghɛ epighe sə mɨ kûmə̀ Vəyn, ə tsə̀fsə̀ Vəyn, ə fɨnə sôylə̀ Vəyn. Pîza Zhə̀fè tè nyîə kyi èkosê esəyn sê mi kûmə̀ nə m tè nyìəm kyi va kyî epomə̂zè, nyiəmə, nə̂ èghɛ nə zɨnə mə kepî va ghɛ zɛ m nə̂.