Filìpây 3:20 - Ŋwàʼlè ə̀ Fèzhə̀ Mkâyn Mə̂ Fèm

²⁰ Pîza, ghâsènì nyi əghɨ ghɛ ə ndaʼa ghənə̂zè nyi awulə, eluʼ vɛ ə Pɛ̂pɛ Njisə̀s Klâys ndamə ətəyn. Ghàs lɨmtə̂ sɔ̀zà vâsvè Njisə̀s Klâys nə è ndo pəyn awulə ə è tso pəyn ə chi.

Filìpây 3:20 ပူးပေါင်းရင်းမြစ်များ

Matyò 19:21

Njisə̀s ə pìə sê vəyn nə, “Ə̂ ò kɔ̀ŋɔ̀ sə̂ nyi chichi ə Zhə̀fè əshi, o ndùə pəʼlə̂ èfɨa vɛve nâʼà èkɨ̂m ə fo èkɛ ətəyn sê ghɨafɨfə. Ə ò nə̀yn zɨnə mə, ə ò tə kyî èghaʼ ekwùtwəynze. Ə̂ ò se pə chûmtə̀ mi.”

Tom èchùŋ kè kə Lûk tè nyaʼ 12:21

Njisə̀s ə wàmnə̀ mɨ̂sè nyi ə piə nə, “Ə̀ nyi nyiə kə ze nyi sê wùə vɛ ə è tuʼ ndəm fɨae sê ngɨŋ ə vəyn, kwənə va nâʼà èghɛ ə Zhə̀fè əshi.”

Tom èchùŋ kè kə Lûk tè nyaʼ 14:14

Ə ò nə̀yn za, ə pɔsêzè pə̀yn sê ghò kûmə̀ nə ghənə tə kɛsə̂ ndâʼà va gho. Ə Zhə̀fè tə ndàʼ ghò etuʼ vɛ ghɨ ghɛ ghe nyi chichi ə və shi kɛse zômə̀.”

Ətefɨ̂aʼ 1:11

Ndômnè nə ghɨ̂nə̀ ə̀pɛ̀ ə ke ə pfɨf sê chùmtè èpàm nə sɛ nə, “Kûmə̀ ghè ə ghàyn tyəm naynə̂ kɔʼsə̂ è kwùtwəyn nyi ə ghɨ Ngalìlîə? Njisə̀s vɨ̂yn, ə nji ə ghàyn əfètəyn È ve È kɔʼ ekwùtwəyn, tə kɛsə̂ pə̀ kə endom vɛ ə ghàyn fe È ndùə ətəyn.”

1 Kɔlìŋ 1:7

Ze ə nə̀yn nə ghàyn tə faŋə va se fiə nâʼàpi èpɔse èkè zɛ Zuʼse ə Fezhə̀sè fo kə ghàyn lɨmtə shîŋə̀ kɛ ə Pɛ̂pɛ ə̀ ghâsènì Njisə̀s Klâys tə tyə̂nə̀ paynsə̂ ngɨŋə̂ vəyn ətəyn.

1 Kɔlìŋ 15:48

Ghɨ ghɛ ghe nyi ə chi nyi ke kə wùə vɛ ə tè fɛte è chimè, ghɨ ghɛ ghe nyi ekwùtwəyn nyi kə wùə vɛ ə è tè pəyn ekwùtwəyn.

2 Kolìŋ 4:18

Nyiəmə ghàs ndə̀mə̀ va təm ghasghe efɨa vɛ ə kaʼa fe è shiə, ghàs pɨlə ndə̂mə̀ ndûə èfɨa vɛ ə vayn kàʼa fe, kûmə̀ nə fɨa vɛ ə fe ndamə kə sə fendîŋə̀ fə ashìŋə̀fè, pîza vɛ ə fe va tə ndamə faŋ.

2 Kolìŋ 5:8

Ghâsènì nyîə ngɛse kyi ə̀təm, kɔ̂ŋɔ̀ kə se za ewiyn vɨ̂yn se ndù sə̂ ndamə ə Pɛ̂pɛ elùʼ.

Ngàleshyà 4:26

Pîza Njèlusalɛ̀m zɛ è nyì awulə va àkɔ̂s, ə̀ nyi nyì sê ghâsènì.

Ɛfesùs 2:19

E za tyə̀nə̀ nə ghàyn ghɨ ghɛ ə̀ vachi ə̀ghɨ Njûsghè fɨyn va ə̀ghɨ e motə pə, ghàyn nyi əghɨ endaʼ èmɔ̀ʼɔ ghayn ghə̀ Zhə̀fè, fɨyn nyi ə̀ghɨ esas ə ndɛ Fezhə̀ghè.

Ɛfesùs 2:6

Zhə̀fè tè zòmse Klâys Njisə̀s paʼsə̂ kə è ghâsènì kaʼke amɔ̀ʼ ə ndə̂mə̀ Vəyn è ghâsènì əfekyə̀ fə tefɔ̀ynfè ekwùtwəyn kə è və saʼa, ghâsènì e pɔŋɔ saʼa ə Və atyaʼ.

Filìpây 1:10

M tsə̂mə̀ nyî kə ghàyn ə ke èghɛ zɛ ə ze tsɔ̂fə̀ kwənə nyi èzoze kyi va tsasze, kə ghàyn tə nəyn ə kiva ləʼke etuʼ vɛ ə Klâys pə̀yn.

Filìpây 1:27

Ghɛ echûŋzè nyì ke nə, ghàyn ə ndamə kə tom èchùŋ ə̀ Klâys kyiŋə kə m pəyn pî ndò se fe ghàyn, kɨ̀sə m faŋ pî se pə̀yn, m mə ke ndò nə ghàyn pa tɛ kə ndò tyəm sə afɨa àmɔ̀ʼ, tsɨ̂yntə̀ fɨ̂aʼà nâʼà è tyaʼa è kwâʼtèzè emɔ̀ʼ sə̂ ndə̂mə̂ ekyî epomə̂ zɛ ə tom èchùŋ zaʼlə.

Kòlosè 1:5

Ghàs ke ndô nə ghàyn nə̀ zamə kûmə̀ nə, ghàyn kwàʼtə̀ ndò ə ghàyn ətəm nə ghàyn tə kyîə ndò pɔsê zɛ ə Zhə̀fè tè ndə̀m sê ghàyn ekwùtwəyn. Ghàyn ə tə kàynè zɨ ghɛghe kûmə̀ èpɔsê nə zɛ mə, kə tè ndàʼa tom èchùŋ, è səmɔʼ sê ghàyn sə shi.

1 Tèsàlonikà 1:10

Ghənə ə fɨyn tsayn kə ghàyn lɨmtə nə Va Fèzhə̀ tə kɛse pəyn ekwùtwəyn. Ə və zòmsè Njisə̀s nə vɨnə mə, è vɛ è sɔ̀zâ ghâsènì ə Zhə̀fè enyɔ̀ʼsè etɔŋ vɛ ə ve tə pɔynsə ghɨ ghɛ ə ghe nə̂yn pi.

1 Tèsàlonikà 4:16

Ə̀ tə pə̂ ə nyi etuʼ vɛ ə Pɛ̂pɛ nâʼà è ngɨŋ ə vəyn tso pə̂yn ekwùtwəyn, ə è pɨa è kyə̀ è tɛ, ə tsì èghaʼâ ə wâmnə̀, ə ghɨ fɨyn zɨ kə tɔŋ sɔŋ ə Fezhə̀zè, ə ghɨ ghɛ ə ghe tè piə kwuə ndò, samsə̂ Klâys, ə zômə̀ sə shi.

2 Timotì 4:8

M lɨmtə kə èmâʼte ə endam ə chichi zɨmze zôyn. Pɛ̂pɛ ə̀ ghâsènì vɛ ə è saʼa ghɨ səmɔʼ tə fo èmâʼtè nə zɨ̂yn sê mi fumə fetuʼ. È tə fo kə va sê mi, È tə fo kəpî sê ghɨ ghɛ ə ghe tè lɨmtə pə ə Vəynze èkɔ̂ŋzè.

Taytùs 2:13

kə ghâsènì lɨmtə è kwâʼtè elɨmtəze tuʼ fe kayntəfe kə pomsê ə Fezhə̀ fə ghâsènì fe ghaʼâfè è sɔ̀zà Njisə̀s Klâys tə pə̂.

Ipilù 12:22

Ghàyn ə pɨl pəyn etipìə pfɨyn ə̀ Zayɔ̀n, ə tɔ̂ŋ èghaʼâ ə̀ Fezhə̀ fɛ ə fe fo ndamze, mə za nyi Njèlusalɛ̀m èkwùtwəyn. Tsìsè kamse setsɨ̀ e nyi fu mə sə zùŋtè saŋnə̂.

Ipilù 9:28

Ə za nyi kepî endom nə vɨ̂yn ə tè fo Klâys sə efo, è və kwuə kə shîŋə̀ emɔ̀ʼ se tsɨsə sepi sə ghɨ̀sè. È tə kɛse pə̂ pîza ə è və fɨnə pə̂ va se shù se pi sə ghɨ̀sè, è tə pə̂ se sɔzà əghɨ ghɛ ə tsɨs lɨmtə̂ vəyn.

Etyə̂yn ə paynsêzè 1:7

Ghàyn fe kə, è vɛ è pə̂ əfètəyn sembàʼ, nâʼàpî ndè e nyi se fe vəyn, paʼsə̂ è ghɨghe əkɨ̂m ghɛ ə ghe tè so vəyn èghɔŋ. Nâʼà ə̀ghɨ ə̀kɨ̂m ə chi tə nə̂ ə chìə kûmə̀ vəyn. E nyi ke nâʼà səmɔʼ! ə zə nyi ke zamə.