Filìpây 3:14 - Ŋwàʼlè ə̀ Fèzhə̀ Mkâyn Mə̂ Fèm

¹⁴ M pa mɔ̂msə̀ kə se ndùə əshi se nduə fɨ elùʼ vɛ m ndûə, kə m kaʼa m kyi fɨa vɛ ə Zhə̀fè nyi mə Fə ndə̀m se mi ekwùtwəyn. È və tɔŋɔ̂ mi nə m ndu awulə tɔynə̂ ə Njisə̀s Klâys.

Filìpây 3:14 ပူးပေါင်းရင်းမြစ်များ

Tom èchùŋ kè kə Lûk tè nyaʼ 16:16

Ə tè kwiə etîə Alàŋ ə Mosîskè fɨnə kwiə əfètə̂ ezaʼlê ə sèfɨ̀aʼtè seghaʼâsè se kɔʼɔ tàyn etuʼ ə Njɔyn Foə M̀mòze. Se zhə̀tə̀ kə etuʼ nə vɛ, e sè ndàʼà tom èchùŋ kûmə̀ èfɔ̂yn ə Fezhə̀e, naʼapi ndè e nô kə ndò se nji elùʼ efɔ̀yn nə vɨ̂yn.

Ŋwàʼlè ə̀ Pɔ̂l sê ghɨə Lûmghè 11:29

Zɨnə mə nyi nyî kûmə̀ nə ə Zhə̀fè chite wùə ə pɔsə̂ vəyn, fe vayn fɨnə kwiynê ətəm ə vəynghe.

1 Kɔlìŋ 9:24

Pîə ghàyn ke ndô nə ə səynə̂ ènyɨŋ, ghɨghe e nyɨŋə, tsɨ̂ə kə nyi, pîza ə̂ nə̀ nyɨŋə zhiə kə wùə èmɔ̀ʼ, è ve kyîə èmâʼte ətəynve. E za tyə̂nə̀ nə ghàyn kyi se fɛtə nyɨŋ endom se zhi se kyî emaʼte ətəynve.

2 Kolìŋ 4:17

Tsôs etətə̂ vɨnə̀ ə ghâsènì fe zôyn fa fendiŋə̀ fə ashìŋə̀fè tə pə̂ ghâsènì è pomsê eghaʼazè mə ze tə mìə va, mə ə vayn kaʼa fɨaʼne zɨnə mə è tsôs vɛ ə ghâsènì fe.

Filìpây 3:3

Ə̀ nyi ghâsènì kə nyi mə ə se nam ə ghasènìghe endom vɛ ə kyi se se ətəyn. Zuʼse tsâmtə̀ ghâsènì nə ghâsènì ə ngɨmnə̂ Fèzhə̀. Ghâsènì nyiə saŋnə̂ kə ghâsènì nyì sə afɨa àmɔ̀ʼ ghasènìəghə̀ Njisə̀s Klâys. Ghâsènì ke ndô nə ghɨ msɔ̀ŋghe vayn tsàmtə ghâsènì.

Kòlosè 2:18

Kə ghàyn za nə wùə ə pîə sê ghàyn nə ghàyn kyi sə̂ njiə sèngɨŋ saynse əchi. Kə ghàyn za kepî nə wùə tsayn se ghàyn nə ghàyn kyi sə̂ ngɨmnə̂ sètsì kə è ngɨmnə. Ə ghàyn nə̀yn zamə ə njise mâʼtè vayn vɛ ə Zhə̀fè pì nə è nə̀ fo sê ghàyn. Nâʼàpî ndè vɛ ə è zaʼlə zamə, è pìə nə zhi fe ətelaynəlayn. Kyì ə wûə nə vɛ mə ghaŋsə̂ èwiyn səndô, è ghɛ ə pi ghɛ ə ghe fɨə ə vəyn ətəm, mə è kyi va ghɛ zhîze se pì.

1 Tèsàlonikà 2:12

fo ghàyn təm ə tɛghe, pɔsə̂ ə̀təm ghaynghe, pîə kwəynsə̂ kə ndò nə ghàyn ə ndamə endom vɛ ə Zhə̀fè kyiŋə, ə Fèzhə̀ fɛ ə fe tɔŋə ghàyn nə ghàyn ə nyi ə̀ghɨ ə vəyn elùʼ efɔ̀yn, è kɨsè ə vəyn epomsê.

2 Timotì 1:9

Zhə̀fè tè sɔ̀zâ ghâsènì ə tɔŋə ghâsènì nə ə nyi ə̀ghɨ Vəynghe ŋwaʼaghe, ə̀ vachi kûmə̀ èghɛ zhîze kə ghâsènì nə̀yn, pîza e nyi ke kə È nyi mə È və ndə̀m ə vəyn afùʼ. È tè fo afùʼ nə kɨ̂yn tɔynə̂ ə Klâys Njisə̀s tsɔ̀fə kə mbi zhəte.

Ipilù 3:1

E za nyi nə ghàyn kyi se fɛtə̂ ndə̀mə ekwâʼtè zaynze sê Njisə̀s ə ghɔnyìə ghɨm ghe Ŋwaʼa ghɛ ə Zhə̀fè pɔŋ tɔŋɔ nə ghàyn ə nyi ə̀ghɨ vəynghe. Ə̀ nyi vəyn vɛ ə ghâsènì njì kə wùətom ə̀ ghâsènì è wùə èkɔʼsə nə èshyə̀ èngaŋtə kwəynə.

Ipilù 6:1

E za tyə̀nə̀ nə ghâsènì kyi se zà ezaʼlê ə shi zɛ ə tè zaʼle sê ghâsènì kûmə̀ Klâys se njiə ndù əfètəyn èzaʼlê e ghəʼnəze. Kə ghâsènì faŋ ke əghɛ ə əshi sə̂ zaʼlə̂ kə nə ghɨ kwiyne təmə ə ghɛ epiə kə ghe pə̂ è kwue ə pomə Zhə̀fè,

1 Pità 1:13

Nyiəmə ghàyn pɨaʼte kwâʼtè taynte, nyi elɨmtêzè, ə ghàyn ndəm kwâʼtè zaynze ekɨ̂m ə afùʼ kɛ ə tə fo sê ghàyn ezhoghɛ ə Njisə̀s Klâys kɛse pə̂yn.

1 Pità 5:10

Ghàyn nə̀ fe ngəʼ kè sə fendiŋə̀ fə ashìŋə̀fè nyi, epàm ətəyn, ə Zhə̀ fɛ ə fe nə̂ chùŋ se ghâsènì əghɛ ə̀kɨ̂m, mə Fe ə tɔŋə̂ ghâsènì nə ə nyi paʼsê kepî ə vəyn ə fètəyn èghaʼ sə afɨa àmɔ̀ʼ è Klâys. Nâʼà vəyn è ngɨŋə̂ vəyn tə nə̂ kwəynsə̂ nə ghàyn ə kyi àtyaʼ, tyəm tɛ ə ghàyn e samsê, ə è nəyn ə ghàyn ə ndam kyi ekol ətəmze.

2 Pità 1:3

Zhə̀fè ə fo nâʼàpî ghè vɛ ə ghâsènì kyi sə̂ kyi kə ghâsènì ə ndamə èndam e zo zɛ ə ze kwəynə. Fe fo efɨa nə vɨ̂yn tɔynə̂ atyaʼ kɛ ə è kyi kə Fezhə̀, è kɨsè kûmə̀ nə ghâsènì nyîə ke vəyn. È tè tɔŋə ghâsènì tɔynə̂ ə vəyn epomsê è chùŋ ə̀ vəyn.

Etyə̂yn ə paynsêzè 3:21

Ə̀ nò zhi pîndè, ə m fo vəyn è tyaʼke nə è tsɨsə ə mì etipì, ə mì ə fekyə̀ fə efɔ̀ynfè. Kè kə M se nyi mə mə nò ə zhiə sè tsɨs zôyn ə Pɨ̀a vɨ̂mvè etipì, ə Vəyn elùʼ efɔ̀yn.