Filìpây 3:11 - Ŋwàʼlè ə̀ Fèzhə̀ Mkâyn Mə̂ Fèm

¹¹ Mə ndə̀m təm ghɨmə nə ghɛ nə ghɨ̂yn ə̀kɨ̂m tə kyânə̀ kə Zhə̀fè tə nəyn m zomə.

Filìpây 3:11 ပူးပေါင်းရင်းမြစ်များ

Tom èchùŋ kè kə Lûk tè nyaʼ 14:14

Ə ò nə̀yn za, ə pɔsêzè pə̀yn sê ghò kûmə̀ nə ghənə tə kɛsə̂ ndâʼà va gho. Ə Zhə̀fè tə ndàʼ ghò etuʼ vɛ ghɨ ghɛ ghe nyi chichi ə və shi kɛse zômə̀.”

Njɔyn 11:24

Maltà ə pìə sê vəyn nə, “M ke ndô nə è tə zômə̀ etuʼ e kwuŋsəve.”

Ətefɨ̂aʼ 23:6

Ə̀ tè nyi kə Pɔ̂l fe nə ghɨ yîghe fa anɔ̀yn nyi əghɨ ə Sandùsîə, yîghe nyi ə̀ghɨ Falàsîə, è və pɨa pîə nâʼà sə ŋaŋ nə, “Ghɔnyì ghɨmə, m nyi wùə ə̀ Falàsî, mə pɨ̀a ghɨmə tè nyi ə ghɨə Falàsîə. Ə saʼa mi fayn kûmə̀ nə m pomə̂ nə Zhə̀fè tə nə̂, ə ghɨ kwutəghe zomə.”

Ətefɨ̂aʼ 26:7

Ə zɨnə nyi etsɨnè zɛ ə tâŋ tə ghasènìte eghɨm njòse pɛ̀ kwâʼtə̀ se tə kyî kə ghənə tè ngɨmnə Zhə̀fè èchwì è kɨsè etuʼve. Ə̀ nyi kûmə̀ èkwaʼtè elɨmtə zɨ̀nə̀ ə fɔ̀yn Àngɨ̀lipà, ə ghɨə Njûsə̀ ndə̀m ghɛghə mìə tu.

Ətefɨ̂aʼ 27:12

Luʼ vɛ ə ngwùʼ èghaʼâ kwəynə tè tyə̂m ətəyn tè vachi eluʼ echûŋvè se ndam ətəyn, kûmə̀ nə fofke tè nyîə nyi tsɛ̂sè. Ghɨ tsɨəghe e kɔ̂ŋɔ̀ nə ə ndùə kə shi əfètəyn ènjwì ə fengwaŋve, kə ndû tayn ə Fonìs ə tyəmte fu. Fonìs tè nyi eluʼ vɛ ə ngwùʼse ghaʼa kwəynəse tè ndùə tyəmə ətəyn apàs endaʼ ə Klitkè, ve kyaʼà kɔʼsə̂, kyaʼà tsosə̂. Ə nyì fumə kə ghənə tè nyi se zaʼâ kə shîŋə̀ kɛ ə fofke tè nyì tsɛsè ətəyn mi.

Ŋwàʼlè ə̀ Pɔ̂l sê ghɨə Lûmghè 11:14

Zho fîfe, m kaʼa m nəyn ə ghɨ ghɨm ghe ndaʼa, mə nyi əghɨ ə Njûsghè, ə ghənə kyi ghə̀ʼkè, kə yîghe ə ghənə ə fètəyn kyi sɔzaze.

1 Kɔlìŋ 15:23

Pîza nâʼàpî ndè tə zômə̀ kə vəyn ashìŋə̀, ə Klâys sə shi, ashìŋə̀ kɛ ə è pə̀yn, ə ghɨ ghɛ ə̀ nyi ghə Və zomə.

1 Kɔlìŋ 9:22

Shîŋə̀ kɛ ə m ndu sê ghɨ ghɛ ə ghənə pɔlə̂, m nyi ke kə wùə ə è pɔlə endom se nə̀yn nə ghənə chumte Klâys. Mə kɛse sè nyi ke èfɨa èkɨ̂m se ghɨ ghəkɨ̂m se mɔ̀msè ətendom tèkɨ̂m nə ghənə yîghe kyi sɔzaze ezhoghɛ ə ze pɔynə.

1 Kɔlìŋ 9:27

Ngaŋ, M fo ngəʼ sê wiyn vɨmve kə̂ ve ə nyi àkɔs se mi, ə̀ va zâ ə m ndaʼa tom èchùŋ sê ghɨə mɔ̀ʼɔghe, ə tə nəyn ə nyi a kwùŋse, ə Zhə̀fè pi nə m kwəynə̂ va se səynê ènyɨŋ ətəynze.

2 Kolìŋ 11:3

M pìə nyî fànə̀ nə ghɨ kàʼa pəyn lesê ghàyn, kèpî kə mbam tè lɛse Îf, ə ghàyn ə fɨnə ndə̂mə̀ va təm ghaynghe, pîəva səmɔʼ zâynzè endom vɛ ə ghàyn nə̀ ghɛghe ghâynghə̀ Klâys.

1 Tèsàlonikà 3:5

Ə̀ za nyi eghɛ zɛ ə ze tè nəyn mə tiynsə̂ Timotì. M tè tiynse nə è pəyn fe nə ghàyn ghe tɔ̀ʼɔ̀ samsə̂ Klâys, è kûmə̀ nə m tè vayn kàʼa m fɨyn kol ə̀təm sə̂ ndamə, ke va nə ə̀ kyàynə̀ ghè sê ghàyn ə. M tè fànə kə nə ndə̂plè kàʼa è zə nyi mə è zə mɔ̀m ghàyn, ə nə̀ nə fɨ̂aʼ etsɨə kɛ ə ghàs tè nəyn ə ghàyn əfètəyn ə njìse səndô.

2 Tèsàlonikà 2:3

Kə ghàyn za nə wùə vîvè lese ghàyn nâʼà endom vîve kûmə̀ nə tuʼ nə vɛ tə pə̂ va se zaʼâ mə ghɨ ə tsɨə pâʼà pfɨ̀ fɨ, ə wùə etəm epiə pfɨ̀ŋə̀ pəyn, ə vɛ ə è ndùə elùʼ ewùs.

2 Timotì 4:8

M lɨmtə kə èmâʼte ə endam ə chichi zɨmze zôyn. Pɛ̂pɛ ə̀ ghâsènì vɛ ə è saʼa ghɨ səmɔʼ tə fo èmâʼtè nə zɨ̂yn sê mi fumə fetuʼ. È tə fo kə va sê mi, È tə fo kəpî sê ghɨ ghɛ ə ghe tè lɨmtə pə ə Vəynze èkɔ̂ŋzè.

Ipilù 11:35

Tɔynə̂ ekyî epomə̂zè, Zəynghe ə tə kɛse kyi ghɨ ə ghənə ghɛ ə ghe tè nyi mə ghə kwu kə zômsè. Ə tè fo tsôsè sê ghɨə mɔ̀ʼɔ nâʼà sə ŋaŋ kûmə̀ nə ghənə ə tə tə nə ghənə fiə va sɔ̂sèzè, ghənə ə tə pomə̂ se kwu se kyi endam echûŋzè ezhoghɛ ə kɛse zômə̀.

Etyə̂yn ə paynsêzè 20:5

Ghɨə mɔ̀ʼɔ ghəkɨ̂m ghɛ ə tè kwu, tə zômə̀ va se zaʼâ kə pìŋ nə sɨ̂nə̀ kam mi. Zɨnə mə nyi ezomə̀ ə shi zɛ ə ghɨ tə zòmə̀.