Filìpây 3:10 - Ŋwàʼlè ə̀ Fèzhə̀ Mkâyn Mə̂ Fèm

¹⁰ M kɔ̂ŋə̀ se kê ə Klâys, kyiŋə se kyî atyaʼ kɛ ə è tè kyi kə è tè zòmə. M kyiŋə sə̂ pa zɨə kə ngəʼ eghɨ kə è tè zɨə. M kɔ̂ŋə̀ se kyiə kəpì etsôs vɛ ə è tè kyi, se zaʼâ kə ə zhwi kepî mi kə tè zhwi Vəyn.

Filìpây 3:10 ပူးပေါင်းရင်းမြစ်များ

Matyò 20:23

Njisə̀s ə pìə sê ghənə nə, “Səmɔʼ, ghàyn tə fe ndò ngəʼ zɛ ə m nyi se tə fe, pîza ə va chi eluʼ vɨmve se chɔʼɔ wùə vɛ ə è tə tsɨsə ə mi ekɔyn etwɔ è kɨ̂sè ə mì ekɔyn ekôvè. Pîza luʼ ətəyn nyi sê ghɨ ghɛ ə Pɨ̀a vɨ̂m pɨaʼte ndə̂m sê ghənə.”

Njɔyn 10:18

Wùə vîvè va ə è kàʼa è nji tsɨsè èndam zɨme se Mi. Ə̀ kɔ̀ŋɔ̀ kə nâʼà Mi se kwu. M nyîə kyi àtyaʼ se fo endam Zɨme, fɨyn kyi àtyaʼ se kɛsə fiə pə̀yn. Ə̀ zɨnə nyi eghɛ zɛ ə Pɨ̀a nyi mə È və fo tyaʼa nə Mə nə̂.”

Njɔyn 17:3

Mə ndam zɛ ə ze tə mîə va nyi se kê ə gho Zhə̀ fɛ ə Fe nyi səmɔʼ è kɨsè Njisə̀s Klâys vɛ ə ò tom.

Ŋwàʼlè ə̀ Pɔ̂l sê ghɨə Lûmghè 8:17

Kə ghâsènì se nyi ə̀ ghɔyn ə vəynghe, ghâsènì tə kyîə ndò pɔsê tɛ ə È ndə̀m sê ghɔ vəynghe, ə kyi kepî ghasènyìə ghə̀ Klâys fɨa vɛ ə Zhə̀fè nyi mə fə ndə̀m se Vəyn, kûmə̀ nə ə ghâsènì zɨ tsôsvè ghasènyìə ghə̀ Klâys, ə ghâsènì tə kyî kepî èpomsê ə vəynze.

Ŋwàʼlè ə̀ Pɔ̂l sê ghɨə Lûmghè 8:29

Ghɨ ghɛ ə Zhə̀fè tè nyi mə fe ə kàynè chitê nə tsɨnè ə̀ ghənə ə nyi kə zə Vâ Vəyn, kə vayn nə vɨnə mə tə pəyn ə è və nyi Vâ ə̀shi se ghɔnyì ə vəynghe.

Ŋwàʼlè ə̀ Pɔ̂l sê ghɨə Lûmghè 8:36

Ŋwàʼlè ə̀ Fèzhə̀ pi nə, “Ghàs tyəm ke əkwuze cho tuʼmè m̀kɨ̂m kûmə̀ ghò. Ə naynə̂ ghàs kə pfɨ ə̀ ndzè ə ndûə se se.”

2 Kolìŋ 1:10

È və tè sɔ̀zâ ghàs ə kwuze cho, nyi se tə fɨnə sɔza ghàs, ghàs e nyi mə ə ndə̀m kwaʼtè zas zekɨ̂m ə Vəyn ewìyn nə È tə pa sɔza kəndò ghàs

2 Kolìŋ 1:5

Kè kə ze nyi səmɔʼ nə ghâsènì nyi mə ə chàtè ə Klâys ə se ngəʼ se tsɨəse, ə̀ nyì kepî zamə kə tɔynə̂ ə Klâys, ghâsènì ə chàtè ə Zhə̀fè etsàmtè eghâʼazè.

2 Kolìŋ 13:4

E nyi səmɔʼ nə è tè kyi va tyaʼa ashìŋə̀ kɛ ə tè payntə̂ vəyn awâmnè pîza, sè ndamə tɔynə̂ àtyaʼ ə Fezhə̀kè. Pîza tɔynə̂ ə Zhə̀fè atyaʼ, ghàs tə chyâtə̀ ə vəyn endam ə ghàs akaʼ amɔ̀ʼ è vəyn tɔynə̂ ə ghàs efɨ̀aʼ sê ghàyn.

Ngàleshyà 2:20

kə mə fɨnə ndamə va, pîza ə̀ nyi Klâys kə è ndamə ə mì ə fètəyn. Ndam zɛ ə m ndamə zôyn nyi kûmə̀ èkyî èpomə zɛ ə m kyi sê Va Fèzhə̀ vɛ ə è tè kɔ̂ŋ mi ə fo ngɨŋ ə vəyn ə kwu kûmə̀ mi.

Ngàleshyà 6:17

Se mɨ̂sè, m pìə nə, kə wùə vîvè nə fɨyn fo ètsôs sê mi kûmə̀ nə ndwɔ vɨ̀nə ə mì ewìyn tyə̂nə̀ nə m nyi wùə èfɨaʼa ə̀ Njisə̀s.

Ɛfesùs 4:13

se zaʼâ kə ghâsènì ə̀kɨ̂m tə tsɨ̂yntè ə nyi sə afɨa àmɔ̀ʼ ə ghâsènì ekyî epomə̂zè fɨyn nyi ke sə̂ afɨa àmɔ̀ʼ eghɛ zɛ ə ghâsènì ke kûmə̀ Va Fèzhə̀. Nyî ə ghâsènì ghəʼne kwəyn ə sè nyi kepî kə Klâys.

Filìpây 3:8

Ə̀ va ke zɛ mə, m fe nâʼà pîghè nə ə̀ nyi kàyntè ènjìsè, ghɛ zhîze e va zɛ ə ze ghaʼa tsɛ̂ se ke Njisə̀s Klâys kə Pɛ̂pɛ. Kûmə̀ vəyn, mə màʼà ghɛghe əkɨ̂m, fe ghəynghe kə eliŋ kə m kaʼa m ke Njisə̀s Klâys.

Kòlosè 1:24

M saŋnə̂ ndò zôyn kə m zɨə ngəʼ kûmə̀ ghàyn. Kə m zɨə ngəʼ nə zɨnə mə, mə mɨ̀sè zɨə ngəʼ ə Njisə̀s zɛ ə ze tè kyi sə̂ nyi ə vəyn ewìyn vɛ, ə ve nyi əghɨ̀ ghɛ ə ghe pomə sê vəyn.

Kòlosè 2:13

Ə̀ tè nyì sə shi, ghàyn e nyi kəpiə ghàyn kwu ndô kûmə̀ èlwɔ̂ŋ ə Fezhə̀ vɛ ə ghàyn tè kyim. Ə̀ tè nyì fumə ashìŋə̀ ndɔ̀ʼɔ Klâys nyiəm nji tsɨsè tsɨnè èpi ə ghàyn ewìyn. Pîza Zhə̀fè ə fo ghàyn èndam efeze zôyn kə è zòmsè ghâsènì, ghasènìghə̀ Klâys. È və lɛ̀sè fo pi sə ghâsènì sekɨ̂m.

Kòlosè 3:1

E nyi zôyn kəpi, kə Zhə̀fè zòmsè Klâys, ghàyn ə zômə̀ kepî ghâyn ghə̀ vəyn. Nyiəmə, ghàyn e kyi ə̀təm efɨa vɛ ə ve nyi ekwùtwəyn, eluʼ vɛ ə Klâys tsɨs ə və fekyə̀ fə efɔ̀ynfè ə Zhə̀fè ekɔyn etwɔve.

1 Pità 1:3

Ə ghâsènì ə tsɨ̂tə̀ Fèzhə̀, Pɨ̀a Pɛ̂pɛ ə̀ ghâsènì Njisə̀s Klâys! Fe ə kose səyn sê ghâsènì nâʼà sə ŋaŋ ə fo èndam e fe sê ghâsènì endom nə Fe ə tə zòmsè Njisə̀s Klâys ekwu, zɨnə mə nə̂ ghàs ə kyi ekwâʼtè elɨmtə zɛ ə ze vayn kàʼa ə ze pfɨse ghàs,

2 Pità 1:13

M kwaʼtə̀ nə ə̀ nyi efə̂ zɨmze nə mə pɨ̂əytə̀ ghàyn famə əghɛ kè kə m pa ndamə.

1 Njɔyn 2:3

Ə ghâsènì ndə̀mə̀ lwɔ̂ŋ ə Fezhə̀vè, ə zə nyi səmɔʼ nə ghâsènì nyîə ke Fəynfe.

1 Njɔyn 2:5

Pîza mə ə ndə̀mə̀ pîndè ghɛ zɛ ə fe piə, ə kɔ̂ŋ zɛ ə è kyi sê Zhə̀fè ə nyi mə zə lwiyn kwəyn. Ə̀ za nyi endom vɛ ə ghâsènì ke ətəyn nə ə nyi sə afɨa amɔ̀ʼ ghasènìə ghə̀ Zhə̀fè.

Etyə̂yn ə paynsêzè 1:18

ə vɛ ə È Fo Ndamze, mə tə kwu, zôyn, fekə m nyîə ndamə nâʼà kə ghè tə ghayn. M nyi vɛ È ə è pì nə zhi tè kwu ə kɛsə̂ sè ndamə, nyi sə̂ nyi ke ndò sə teshìŋə̀ tekɨ̂m! Zôyn m kyi ndô tyaʼke se chɔʼ eluʼ vɛ ə ghɨə kwuəghe nyi ətəyn se nə̀yn nə ghənə kɛse pəyn endam.