Filìpây 3:1 - Ŋwàʼlè ə̀ Fèzhə̀ Mkâyn Mə̂ Fèm

¹ Se mɨ̂sè ə ghɔnyì ghɨmə, ghàyn e saŋnə̂ nə ghâynghə̀ Pɛ̂pɛ nyi sə afɨa əmɔʼ. M pâʼà pɔ sə̂ nyâʼà zɔmtə̂ ə̀ghɛ mə m se nyi mə mə nyàʼ. Ghɛ nə ghɨnə nyi ke se tsɨ̀ŋnè ə ghàyn.

Filìpây 3:1 ပူးပေါင်းရင်းမြစ်များ

Matyò 5:12

Ghàyn e saŋnə̂ fɨnə tyalə, kûmə̀ nə ə ndə̀m mâʼte eghaʼâvè ekwùtwəyn sê ghàyn. Ə̀ nyì kepî za kə ə tè chɔʼɔ ghol ə sèfɨ̀aʼtè sə shise.

Tom èchùŋ kè kə Lûk tè nyaʼ 1:47

fɨnə saŋnə̂ sê Zhə̀fè, ə sɔ̀zà vɨ̂mvè.

Ŋwàʼlè ə̀ Pɔ̂l sê ghɨə Lûmghè 5:11

Pîza ze paʼà mì kendò zâ, ghâsènì nyîə saŋnə̂ kûmə̀ nə Zhə̀fè ə nə̀yn nə ghâsènì ə nyi ə̀ghɨ Vəynghe, tɔynə̂ se Pɛ̂pɛ Njisə̀s Klâys vɛ ə È nə̀yn nə ghâsènì ə nyi choze emɔ̀ʼ ghasènyìə ghə̀ Zhə̀fè.

2 Kolìŋ 13:11

Se kwùŋsè ə ghɔnyì ghɨmə, m pìə nə, ghàyn faŋ ke àchûŋ. Ghàyn mɔmse se ndam mə ləʼke va ə ghàyn endam. Ghàyn fɛte ndəm èghɛ zɛ m pî. Ghàyn e ndamə kə sə eghɛ èmɔ̀ʼ, ndamə è pɔ̂ynè. Ə Zhə̀ fɛ ə fe fo kɔ̂ŋzè è pɔ̂ynè ə nyi ghâyn ghə̀ ghənə.

Ɛfesùs 6:10

Se kwùŋsè, m pìə nə ghàyn zaʼne kə Zhə̀fè ewìyn, ə fe fo tyaʼa sê ghàyn kûmə̀ nə fe kyi ndô tyaʼa kayntəke.

Filìpây 3:3

Ə̀ nyi ghâsènì kə nyi mə ə se nam ə ghasènìghe endom vɛ ə kyi se se ətəyn. Zuʼse tsâmtə̀ ghâsènì nə ghâsènì ə ngɨmnə̂ Fèzhə̀. Ghâsènì nyiə saŋnə̂ kə ghâsènì nyì sə afɨa àmɔ̀ʼ ghasènìəghə̀ Njisə̀s Klâys. Ghâsènì ke ndô nə ghɨ msɔ̀ŋghe vayn tsàmtə ghâsènì.

Filìpây 4:4

Ghàyn e saŋnə̂ shiŋə̀ tekɨ̂m kûmə̀ nə ghàyn nyi əghɨ ə Pɛ̂pɛghe. M pa piə kwəynsə̂ kə ndò nə ghàyn ə saŋnə̂.

Filìpây 4:8

Ghɛ ekwuŋsəze ə ghɔnyì ghɨmə nyi nə, ghàyn e kwaʼtə̀ ə̀ghɛ ghɨnə shîŋə̀ tekɨ̂m. Ghàyn e kwaʼtə̀ nâʼàpî èghɛ èkè zɛ ə ze nyi səmɔʼ, nâʼàpî eghɛ èkè zɛ ə̀ nyi eghɛ echuŋzè, nâʼàpî èghɛ èkè zɛ ə ze nyi chichi, nâʼàpi èghɛ èkè zɛ ə ze kyi va ləʼke, nâʼàpi èghɛ zɛ ə ghɨə kyi sə̂ kɔ̂ŋə̀, è nâʼàpî èghɛ èkè zɛ ə ghàyn fe nə ze tsɔ̂fə̀ ndò se ghàyn. Ghàyn e kwaʼtə̀ ə̀ghɛ ghɛ ə ghe ngəsə̂ tsɔ̂fə̀, ghɨghe e pîə nə ghe nyiə tsɔ̂fə̀. Ə̀ nyi ə kyì əghɛ ghɨnə̀ ə ghàyn kyi sə̂ ndə̂mə̀ ə ghàyn ə fètə̂ ə̀təm nâʼà shîŋə̀ tekɨ̂m.

1 Tèsàlonikà 4:1

Se mɨsè ə ghɔnyiə, ghàyn tè zaʼle sê ghàs ndom vɛ ə kaʼa ndamə ətəyn se nə̀yn nə Zhə̀fè ə saŋnə̂. Səmɔʼ ə̀ vɨnə mə nyi ke nâʼà èndom vɛ ə ghàyn ndamə ətəyn. Ghàs chyatə̂ ghàyn zôyn nâʼà sə ŋaŋ, ezə ə Pɛ̂pɛ Njisə̀szè nə ghàyn fɨyn nəyn tsɛ za.

1 Tèsàlonikà 5:16

Ghàyn e sɨŋə shîŋə̀ tekɨ̂m,

Njə̂m 1:2

Ghɔnyì ghɨm ghe poməghe, ghàyn e saŋnə̂ nâʼà sə ŋaŋ, ezhoghɛ ə kyì tə temɔ̀mtè pə̀yn ə ghàyn endom,

1 Pità 3:8

Se kwùŋsè, ghàyn e tsɨ̂yntè kyi ke èkwâʼtè èmɔ̀ʼ, kosə̂ èsəyn, kɔ̂ŋɔ̀ sèngɨŋ saynse, kyi ə̀təm əchûŋə̀ fɨyn kyi va ghaŋsê ewìynze.

1 Pità 4:13

Ghàyn e pɨlə saŋnə̂ nə ghàyn pɔŋɔ fe ngəʼ kèpi kə Klâys kə è tə pî è kɛsə̂ pə̂ endom ekayntə vîve, ə ghàyn ə saŋnə̂ nâʼà sə ŋaŋ.

2 Pità 3:1

Soyn sɨmse kɔ̀ŋsè, ə̀ kɨnə nyi akòmte ə ŋwàʼlèkè m nyâʼà sê ghàyn. Famə ə fètə̂ sèŋwàʼlè nə sɨ̂nə̀ mə sepɛ̀ ə m nyâʼ sê ghàyn, mə mɔ̀msè sə ŋaŋ se nə̀yn nə ghàyn ə kwaʼtə̀ ə̀ghɛ ghɛ ə ghe tsɔ̂fə̀ tɔynə̂ epɨəytè zɛ ə m pɨ̂əytə̀ ghɛ ətəynghe sê ghàyn.