Filìpây 2:8 - Ŋwàʼlè ə̀ Fèzhə̀ Mkâyn Mə̂ Fèm

⁸ È və tə njì wiyn ə wûə m̀sɔ̀ŋve, ə tsosə̂ ngɨŋə̂ Vəyn əchi, ə pomə̂ se kwu. È və tə pomə pî se kwu, ekwu awâmnèzè.

Filìpây 2:8 ပူးပေါင်းရင်းမြစ်များ

Matyò 17:2

Ghənə ə naynə̂, ə fe kə wiynə Njisə̀sè kwiyne, kyaʼ ə vəynze nyaynə̂ kə ezhwi. Ndzɨs sə vəynse ə kɛsə̂ sè fɨfə kə nyi fɨnə nyaynə̂.

Matyò 26:39

È və kɨŋtə̂ ndûə əshi sechə, ə nyɨ̀ŋə̀ ə chi è kyaʼzè ə tsə̀mə̀ nə, “Pɨ̀a vɨm, ə e pɔynə̂ o njìə tsɨsə̀ ngəʼ zɨ̀yn sê mi! ə̀ vachi èghɛ zɛ m kɔ̂ŋɔ̀ pîza zɛ ə ò kɔ̀ŋə̀.”

Matyò 26:42

È və kɛse ndò ə ndùə sè tsə̂mə̀ pîə nə, “Pɨ̀a vɨ̂m, ə ò va se fiə tsɨ̀sè akɛ̀ ə ngəʼ kɨ̂nə̀ ə mì ətu, mə m paʼà pɨ̀aʼà kəynke, o nə̀ èghɛ zɛ ə ò kàʼa ò nəyn.”

Tom èchùŋ kè kə Lûk tè nyaʼ 9:29

Kə Njisə̀s tè tsə̂mə̀, kyâʼ ə vəynze ə pfɨ̀ŋə̀ kwiynə̂, ndzɨs sə vəynse e sè fɨfə kə nyi, ŋwâŋtə̀.

Njɔyn 10:18

Wùə vîvè va ə è kàʼa è nji tsɨsè èndam zɨme se Mi. Ə̀ kɔ̀ŋɔ̀ kə nâʼà Mi se kwu. M nyîə kyi àtyaʼ se fo endam Zɨme, fɨyn kyi àtyaʼ se kɛsə fiə pə̀yn. Ə̀ zɨnə nyi eghɛ zɛ ə Pɨ̀a nyi mə È və fo tyaʼa nə Mə nə̂.”

Njɔyn 14:31

pîza ghɨ mbiə e kyi sə̂ ke nə m kɔ̂ŋɔ̀ ndò Pɨ̀a, nə̂ kə èghɛ zɛ ə è pì nə mə nə̂. Ghàyn pəyn ə ghâsènì ndo fa elùʼ.”

Njɔyn 15:10

Ə ghàyn ndə̀mə̀ lwɔ̂ŋ vɨmve, M mə pa kɔ̂ŋɔ̀ kə ndò ghàyn. E nyi kepî èghɨ kə M ndəmə̀ lwɔ̂ŋ ə Pɨ̀a vɨ̂mvè, è pa kɔ̂ŋɔ̀ kə ndò Mi.

Njɔyn 4:34

Njisə̀s ə pìə sê ghənə nə, “Fɨazhiə vɨmve nyi se nə̀yn efɨaʼ ə Vɛ ə È tom Mi nə M nəyn è kɨsè se mɨsè efɨ̂aʼ zɛ ə È tom nə M pəyn nəyn.

Ətefɨ̂aʼ 8:33

Ə tè ghomsê vəyn, ə fiə àtyaʼ ə vəynke. Ə̀ tə tsâ ndè ghɛze kûmə̀ fèghâŋ fə vəynfe ə? ə tə njì tsɨsè ndamə vəynze fa mbiə.”

Ŋwàʼlè ə̀ Pɔ̂l sê ghɨə Lûmghè 5:19

Kè kə wùə Andàm tè tàʼa zɨ se Zhə̀fè, ze ə tə nə̀yn wùə m̀sɔ̀ŋ e nyi wùə èpi. Kèpi famə endom kə wùə èmɔ̀ʼ, Klâys tè zɨ se Zhə̀fè, ze ə nə̀yn ghɨ tsɨəghe nyi chichi ə Zhə̀fè əshi.

2 Kolìŋ 8:9

Ghàyn kendô fùʼ kɛ ə Pɛ̂pɛ ə̀ ghâsènì Njisə̀s Klâys tè tyə̀yn sê ghâsènì. È tè nyi wùə èkɛ, ə kɛsə fɨfə kûmə̀ ghàyn, kə fɨfə Vəynke nəyn, kə ghàyn ə nyi ə̀ghɨ kɛghe ə Zhə̀fè shi.

Ngàleshyà 3:13

Klâys ə tə zhɔyn tuə ghasènìke se ndi zɛ ə Lâŋà pə̀yn è zə̂yn endom nə è və tə fi ndi ə̀təyn ə ghâsènì elùʼ, kè kə nyi mə ə nyàʼ nə, “Ndi ə̀ Fèzhə̀ nyì nâʼàpî sê ndè vɛ ə nyi mə ə ghaŋsê vəyn awâmnè.”

Taytùs 2:14

È və tə fo ngɨŋ ə vəyn se sɔ̀sè ghâsènì ə sepi sekɨ̂m, se fɨnə nə̀yn nə ghâsènì zo kwəyne sə̂ nyi ə̀ghɨ vəyn ghə ngɨŋghe, mə ə fo ngɨŋ sə ghənə̂sè sə̂ nə̂ èfɨaʼ echûŋzè.

Ipilù 12:2

Ə ghâsènì ə naynə̂ ndûə kə sê Njisə̀s. Ə̀ nyi vəyn vɛ ə è pùʼ ndom ekyî epomə̂ ə ghasènìze, ə fɨyn nyi ke vəyn ə è chisə pomə ətəynze se ndùə tânə̀ əkwùŋse. È və tə pomə̂ se kwu awâmnè ə tàʼa njì eghomə zɛ ə ze tè nyi e kyì ekwu nə zɨ̂nə̀ sə eghɛ kûmə̀ nə è tè nyiə ke nə ə̀ tə nyi epàm ətəyn, ə è və saŋnə̂. È nyi zôyn, tsɨs ekɔyn e twɔ ə fekyə̀ efɔ̀yn ə Fezhə̀vè.

Ipilù 12:4

E nyi səmɔʼ nə ghàyn nô pi ə ghàyn ə tendam pîza wùə vîvè paʼà nò se nduə fɨ andiŋ kɛ kə zhwi vəyn.

1 Pità 2:24

È və tə pɨàʼà pi sə ghasènìse ə ndùə è səynse awâmnè. È tè nəyn nyi kə ghâsènì ə pɨlə ndamə chichi, pi e fɨyn kyi va ghɛze se nə̀yn ə ghâsènì etsɨsə̂. Ə̀ nəyn tefiŋ tɛ ə è tè kyi nə ghàyn tɛ,

1 Pità 3:18

M pîə nyî kûmə̀ nə Klâys tè kwu ke shîŋə̀ze emɔ̀ʼ ətû ə̀ghɨ̀ ə pighe. È tè nyi wùə ə̀ chichi, ə kwuə kə è kàʼa è nji pəyn è ghâsènì sê Zhə̀fè. Ə̀ tè zhwi vəyn pîza Zuʼsə Fezhə̀sè ə nə̀ è və zòmə̀.