Filìpây 2:7 - Ŋwàʼlè ə̀ Fèzhə̀ Mkâyn Mə̂ Fèm

⁷ È və tə pɨl nəyn ngɨŋə̂ Vəyn sə va nâʼà eghɛ zhîze, È və njìə eluʼ ə wûə èfɨ̀aʼave, Ə pîə kə nâʼà Vəyn kə wùə m̀sɔ̀ŋ.

Filìpây 2:7 ပူးပေါင်းရင်းမြစ်များ

Matyò 12:18

“Nayne kə, ə̀ vɨ̀nə nyi wùə èfɨ̀aʼa vɨ̂m vɛ ə m chɔʼ, M kɔŋə̀ ndò vəyn kɛsə̂ saŋnə̂ ghasè vəyn. M tə tomə Sèzuʼ sɨmse ə sə nyi yîghə̀ vəyn, ə è tsɛse saʼə səmɔʼe sê ghɨatumə.

Matyò 20:28

E za nyi kepî eghəs kə Va Wùə tè tàʼa pə̀yn nə ə fɨ̂aʼà sê vəyn. È tè pə̀yn sə̂ fɨ̂aʼà sê ghɨ, se fɨnə fo ngɨŋə̂ ə̀ vəyn se sɔzà əghɨ tsɨəghe.”

Ŋwàʼlè ə̀ Mâk 9:12

È və pìə sê ghənə nə, “E nyi ke nâʼà səmɔʼ nə Èlanjà pə̂ ndò sə shi, se pɨaʼtə nâʼà əghɛ ə̀kɨ̂m. Pîza, kûmə̀ ghè ə nyâʼ ə Ŋwàʼlè ə̀ Fèzhə̀ nə Vâ Wùə nə fe ngəʼ nâʼà sə ŋaŋ, ə fɨyn kwiynse nə è va afɨa ə?

Tom èchùŋ kè kə Lûk tè nyaʼ 22:27

Wùə ə ngaŋtə nə̀ nə̂ ə se nyi vɨ̂yn və, e vɛ e tsɨs zhiə kə ndò mə, e vɛ e tsɛsə fɨazhiə və? Piə ə nyi vɛ e tsɨs, zhiə kə ndo? Se mi m nyi ə ghàyn ə fètəyn kə wùə èfɨaʼa.

Njɔyn 1:14

Kyə̀ ə̀təyn ə kɛsə̂ sə wûə èwàmnə, ə ndamə ə ghâsènì ə fètəyn. È tè nyi mə È və lwiyn è fùʼkè, ə tyə̀nə̀ kə səmɔʼ nyi kûmə̀ Fezhə̀. Ghâsènì ə fe èpomsê ə vəynze, epomsê zɛ ə è fi kə vayn vɛ ə̂ tè nyì ke vəyn sê pɨ̀a.

Ŋwàʼlè ə̀ Pɔ̂l sê ghɨə Lûmghè 1:3

Tom èchùŋ nə zɨ̂yn wàmnə̀ kûmə̀ Vâ Fèzhə̀, ə Pɛ̂pɛ ə̀ ghâsènì Njisə̀s Klâys. È tè piə è pə̀ ə chi sə wûə m̀sɔ̀ŋ, ə pîə Vəyn esas ə ndɛ ə Ndàfîtzè.

Ŋwàʼlè ə̀ Pɔ̂l sê ghɨə Lûmghè 15:3

Nâʼà Klâys paʼà tîəm nəyn ghɛze sə̂ saŋnə̂ kə è ngɨŋ Vəyn. Pîza è nə̂ kə nyi mə ə nyàʼ ə Ŋwàʼlè ə Fèzhə̀ nə, “Nâʼà tèsoylè tèkɨ̂m tɛ ə ghɨ tè sòylə ghàyn ə pfɨ̀ ə mì ə tu.”

Ŋwàʼlè ə̀ Pɔ̂l sê ghɨə Lûmghè 15:8

M tsâ se ghàyn nə Klâys tè pəyn sə wûə èfɨ̀aʼa sê ghɨ Njûsə̀ se tyə̀yn sê ghənə nə tsɨ̂nè ə Fezhə̀zè pfɨ̀ə tsɛ̂ va. È tè nəyn nyi se lwiynse etsɨnè zɛ ə Zhə̀fè tè nə̀yn sê pɨ̀a ə pɨ̀a ə ghənə̂ghè.

Ŋwàʼlè ə̀ Pɔ̂l sê ghɨə Lûmghè 8:3

Ghɛ zɛ lâŋkè tè vayn kàʼa ə ke nəyn, kûmə̀ nə wiyn ə wûə m̀sɔ̀ŋve tè kiva tyaʼke se njiə tsɨ̀sè ə pi. Nyiəmə Zhə̀fè ə tə nə̀yn ghɛze mə lâŋkè tè vayn kàʼa ə ke nəyn. È və tə tom Vâ vəyn ewìyn ə wûə m̀sɔ̀ŋ vɛ ə ve nə̂ pi nə È mɨse tyaʼa ghɛ pike. Kə Zhə̀fè tè nəyn nyiəmə, È və mɨ̀sə̀ àtyaʼ əghɛ ə pighe ə wùə m̀sɔ̀ŋ ewìyn.

2 Kolìŋ 13:4

E nyi səmɔʼ nə è tè kyi va tyaʼa ashìŋə̀ kɛ ə tè payntə̂ vəyn awâmnè pîza, sè ndamə tɔynə̂ àtyaʼ ə Fezhə̀kè. Pîza tɔynə̂ ə Zhə̀fè atyaʼ, ghàs tə chyâtə̀ ə vəyn endam ə ghàs akaʼ amɔ̀ʼ è vəyn tɔynə̂ ə ghàs efɨ̀aʼ sê ghàyn.

2 Kolìŋ 8:9

Ghàyn kendô fùʼ kɛ ə Pɛ̂pɛ ə̀ ghâsènì Njisə̀s Klâys tè tyə̀yn sê ghâsènì. È tè nyi wùə èkɛ, ə kɛsə fɨfə kûmə̀ ghàyn, kə fɨfə Vəynke nəyn, kə ghàyn ə nyi ə̀ghɨ kɛghe ə Zhə̀fè shi.

Ngàleshyà 4:4

Pîza kə shîŋə̀ ə təynke tè kwəyn, Zhə̀fè ə tomə Va vəyn nə wùzhɔyn piə, ə è ndəmə kɔʼ etyə̂ Alàŋ əghɨ Njûskè,

Filìpây 2:6

È tè nyì ke kə Zhə̀fè nyi, pîza ə tàʼa njìə kɔʼsê ə ngɨŋə̂ Vəyn se mɔ̀msè sə nyi èghɨ yî Zhə̀fè.

Ipilù 12:2

Ə ghâsènì ə naynə̂ ndûə kə sê Njisə̀s. Ə̀ nyi vəyn vɛ ə è pùʼ ndom ekyî epomə̂ ə ghasènìze, ə fɨyn nyi ke vəyn ə è chisə pomə ətəynze se ndùə tânə̀ əkwùŋse. È və tə pomə̂ se kwu awâmnè ə tàʼa njì eghomə zɛ ə ze tè nyi e kyì ekwu nə zɨ̂nə̀ sə eghɛ kûmə̀ nə è tè nyiə ke nə ə̀ tə nyi epàm ətəyn, ə è və saŋnə̂. È nyi zôyn, tsɨs ekɔyn e twɔ ə fekyə̀ efɔ̀yn ə Fezhə̀vè.

Ipilù 13:3

Ghàyn e kwâʼtə̀ ə̀ghɨ ghɛ ə ghe nyi ə ndɛ̂ chaʼ kəpiə ghâynghə̀ ghənə nyi fumə əmɔʼ. Ghàyn e kwâʼtə̀ kə pi əghɨ ghɛ ə ghe fe tsôsvè, kəpiə ghâynghə̀ ghənə fe ètsôs ətəynve əmɔʼ.

Ipilù 4:15

Ghâsènì nyiə kyi wùə èkɔʼsə nə eshyə̀ engaŋtə kwəynə, è fɛtê ke tèndom tɛ ə ghâsènì pɔlə̂ ətəyn, kosə̂ èsəyn sê ghâsènì, mə mɔ̂m zè ə tè pə̀yn sê vəyn kè ə tendom ə tendom, kèpi kə ze pə̂ sê ghâsènì, pîza è və tàʼa nə̂ pi.