Filìpây 2:6 - Ŋwàʼlè ə̀ Fèzhə̀ Mkâyn Mə̂ Fèm

⁶ È tè nyì ke kə Zhə̀fè nyi, pîza ə tàʼa njìə kɔʼsê ə ngɨŋə̂ Vəyn se mɔ̀msè sə nyi èghɨ yî Zhə̀fè.

Filìpây 2:6 ပူးပေါင်းရင်းမြစ်များ

Matyò 1:23

“Ngɔ̀yn zhîzè, mə è paʼà tyəm nyîŋə̀ yî wùndômə̀, Nə̀ tyəmə̂ èndwɔ̂ ə è piə vâyn èndômə̀, Ə tsɨ zə vəyn nə, Ìmanuwɛ̀l.” Zə nə zɨnə nyi nə, “Zhə̀fè nyì ghâsènì.”

Njɔyn 1:18

Wùə pâʼà tyəm fe Zhə̀fè. Ə̀ nyì ke Vayn emɔ̀ʼ vɛ ə è tè nyi kepî kə Fezhə̀, mə È nyi ə Pɨ̀a etipì. Ə̀ nyì ke Vəyn vɛ ə è nyi mə è və fe Zhə̀fè. È və nə̀yn nə ə ke Fèzhə̀.

Njɔyn 10:30

Pɨ̀a è Mi nyi ke sə eghɛ èmɔ̀ʼ.”

Njɔyn 10:33

Ghənə ə pìə sê Vəyn nə, “Ghàs kyiŋə va se tɨmnə̂ ghò kûmə̀ ə̀ghɛ ə chûŋ ghɛ ə Ò nə̀yn. Pîza, ghàs kyiŋə se tɨmnə̂ ghò kûmə̀ nə Ò mɔ̀msə̀ se pì nə Ò nyi Fezhə̀.”

Njɔyn 10:38

Pîza, ə M nə̂ fɨ̂aʼ ətəyn, ghàyn ə tàʼa pomə pì sê Mi, ghàyn ə pomə̂ ə̀ghɛ ghɨm ghe nəghe, endom kə ghàyn ke kwəynsê sə eshìŋə̀ ekwuŋsəze nə Pɨ̀a nyì ghasè Vəyn, M nyi ghasè Pɨ̀a kə ghè tə ghayn.”

Njɔyn 14:28

Ghàyn ə zɨ kə m pî nə, ‘M ndô zâ ghàyn ə m ndu kɛse pəyn sê ghàyn.’ Ə ghàyn kɔ̀ŋɔ̀ Mi, ə ghàyn ə nyi èsaŋnêzè nə m ndùə se Pɨ̀a kûmə̀ nə Pɨ̀a nyîə ngaŋtə̂ tsɛ̂ Mi.

Njɔyn 14:9

Njisə̀s ə pə̀ynsə̀ pfɨfə nə, “Piə e za nyi nə mə ndam ghâsènì sə aghaf nyî ə Filìp, ò ke va Miə? Nâʼàpî ndè vɛ è nyi mə è və fe mi, nyi mə è və fe Pɨ̀a, kûmə̀ ghè ə ghàyn fɨnə pîə nə, ‘Tyə̀yn Pɨ̀a sê ghàs ə?

Njɔyn 17:5

Pɛ̂! fo mi èpomsê ekayntəze zôyn, kèpî èpomsê ekayntə zɛ ə M tè kyi ghasè ghò tsɔ̀fə kə pom mbi.

Njɔyn 20:28

Tɔ̀mɔ̂s ə pìə se Vəyn nə, “Pɛ̂pɛ Vɨm, Zhə̀ fɨmfe!”

Njɔyn 5:18

Wâmnè zɨnə ə nə̀, ghɨə Njûs ghe chisəghe è kyiŋə èndom se zhwiə Njisə̀s, kûmə̀ nə È paʼà kəm chike lâŋ etuʼ endaʼke, pîza ə pa pîə nə Zhə̀fè tè nyi Pɨ̀a Vəyn, famə endom, È və nə̀yn ngɨŋə̂ Vəyn sə̂ nyi èghɨ yî Zhə̀fè.

Njɔyn 5:23

È nəyn nyi kə ghɨghe əkɨ̂m ə ngɨmnə̂ Vayn kè eghɨ kə ə ngɨmnə Pɨ̀a. Nâʼàpî ndè vɛ ə è ngɨmnə va Vayn, vayn kàʼa è ngɨmne Pɨ̀a vɛ ə È tom Vâ ə̀təyn.

Ŋwàʼlè ə̀ Pɔ̂l sê ghɨə Lûmghè 9:5

Ghənə nyi əghɔ ghɔynə pɨa pɨa ghasènìghe. Kə tè piə Klâys kə wùə m̀sɔ̀ŋ, È tè fɨ pə̂yn ə ghənə etàŋ. Tsîtèzè nyì sê Zhə̀fè sə teshìŋə̀ tèkɨ̂m, ə Vəyn vɛ fɨave ekɨ̂m nyi ə vəyn etyə̂ àtyaʼ. Ə ze ə nyi ke zamə.

2 Kolìŋ 4:4

Ghənə pomə va pɔ̀m nə kwaʼtè tə ghənə̂tè nyi mə Zhə̀fè epi fə mbi fɨnə fe ə ndə̀m ə alɨm. Fe nyi mə fə ndə̀tè nə kə ghənə ə fe èpayn zɛ ə ze nyi ə ghənə ewìyn, mə nyi epayn zɛ ə ze ndô pə̂ ə Tom Èchùŋ zɛ ə è tsà kûmə̀ èpomsê ə Klâyszè, mə È lote nyi kə Fezhə̀.

2 Kolìŋ 8:9

Ghàyn kendô fùʼ kɛ ə Pɛ̂pɛ ə̀ ghâsènì Njisə̀s Klâys tè tyə̀yn sê ghâsènì. È tè nyi wùə èkɛ, ə kɛsə fɨfə kûmə̀ ghàyn, kə fɨfə Vəynke nəyn, kə ghàyn ə nyi ə̀ghɨ kɛghe ə Zhə̀fè shi.

1 Timotì 1:17

Ghàs tsə̂mə̀ nə ə fɔ̀yn vɛ ə è saʼa se zaʼâ kə mbi tə mi, ə vɛ è kyi ndam zɛ ə ze tə mîə va, e vayn kaʼa fe vəyn, mə ə̀ nyì ke vəyn Zhə̀fè, kyi sə̂ kyi èkɔʼsê è kɨsè pomsêzè sə teshìŋə̀ tèkɨ̂m. Ə zə nyi ke zamə.

1 Timotì 3:16

Wùə vîvè vayn kwiynsê nə pomə ə ghasènìze nyîə kyi èghɛ e ndətəze, ze ghaʼa kə nyi: Klâys ə tə pə̀yn sə wûə m̀sɔ̀ŋ, Zuʼse Ŋwaʼase ə tyə̀nə̀ nə è nyi va Fèzhə̀, tsìsè ə fe vəyn, ə tə ndàʼà tom kûmə̀ vəyn ə tèndâʼà tèkɨ̂m, ghɨghe ə pomə se vəyn ə telùʼ tekɨ̂m ə mbi, Zhə̀fè ə njìə kɔʼsə̂ vəyn ekwùtwəyn.

Taytùs 2:13

kə ghâsènì lɨmtə è kwâʼtè elɨmtəze tuʼ fe kayntəfe kə pomsê ə Fezhə̀ fə ghâsènì fe ghaʼâfè è sɔ̀zà Njisə̀s Klâys tə pə̂.

Ipilù 1:3

Va vəyn nə vɨ̂yn panə kə epomsê ə Fezhə̀zè, nyi ke èghɨ kə Fèzhə̀. Tɔynə̂ ə vəyn ewàmnè zɛ ə ze nyi, è və nə̀yn nə ghɛ ghɛ ə ghe nyi ə nyi ndu kendò. Ə̀ tè nyì kə è nə̀yn nə ə lɛse fo sèpi sə ghɨ̀sè, è və tsɨsə̂ ə Zhə̀fè ekɔyn etwɔve ekwùtwəyn, ə fɛ ə fe kyi kàyntè àtyaʼ.

Ipilù 1:6

Ə̀ tè nyi kepî kə Zhə̀fè kyiŋə se tomə Va vəyn ve ndomə̀ sə shi, ə pìə nə, “Tsì sə Fezhə̀sè nâʼà sèkɨ̂m kyi sə̂ ngɨmnə̂ vəyn.”

Ipilù 1:8

Pîza ə̀ tè nyi kə fe wâmnə̀ kûmə̀ Va vəyn, fə pìə nə: “Fɔ̂yn vɛve ə Zhə̀fè tə ndamə faŋə kəndò! Ò saʼa ə̀ghɨ ghɛghe kɔ̂ŋə̀ va ghɨ mɔ̀ʼɔghe tsɛ̂ yîghe.

Ipilù 13:8

Njisə̀s Klâys kwiynə̂ tsɛ̂ va, è nyì ke èghɨ kə è va nyi zhɔynghɛ, è ndàyn, nyi sə̂ nyi ke zamə nâʼà kə ghè tə ghayn.

Etyə̂yn ə paynsêzè 21:6

È və pìə kəpi sê mi nə, “Mə nə̀yn ghɛ ghɨ̀nə̀ ə̀kɨ̂m! M nyi Alfà fɨyn nyi Òmengà, ə zhə̀te, è kwùŋse. Nâʼàpî ndè vɛ ə pfɨ̀ŋ m̀mò zuʼsə vəyn, m nə̀ fo èndom nə è mɨ môm ə tɔŋ m̀mò zɛ ə è fo mô mɛ ə m̀ fo ndamze ndɔ̀ʼɔ è ndaʼ.