Filìpây 2:30 - Ŋwàʼlè ə̀ Fèzhə̀ Mkâyn Mə̂ Fèm

³⁰ Ghâsènì kyi sə̂ kɔʼsə̂ vəyn kûmə̀ nə è və tə fo ngɨŋ ə̀ vəyn èkɨ̂m se fɨ̂aʼ se Klâys ə ndɛtə̂ se kwu. È və tə nə̀yn ghɛghe mə è tè kyi va se nə̀yn, se tsàmtə mi se nə̀yn efɨaʼ zɛ ə ghàyn tè vayn kàʼa nəyn.

Filìpây 2:30 ပူးပေါင်းရင်းမြစ်များ

Ətefɨ̂aʼ 20:24

Pîza m njiə pi va ndam zɨme nâʼà sə eghɛ zhîze, kè ezhoghɛ m mɨsè nyɨŋ nə zɨ̂yn, ə mɨ̂sə̀ àfɨaʼ kɛ ə Pɛ̂pɛ Njisə̀s nyi mə è və fo se Mi, mə ə̀ nyì se ndàʼà ə tom èchùŋ kûmə̀ àfùʼ kɛ ə Zhə̀fè kyi sê ghɨghe.

Ŋwàʼlè ə̀ Pɔ̂l sê ghɨə Lûmghè 16:4

M fo àzɔ̀ŋnè se ghənə kə ghənə tè pomə se kwu ə mì ətu, ə va ke mi ə m fo zɔ̀ŋnèkè sê ghənə, pîza ndɛ sə Fezhə̀ sə ghɨ̀ ghɛ ə̀ va əghɨ ə Njûsghè fo kəpî ndò zɔ̀ŋnèkè sê ghənə.

1 Kɔlìŋ 15:53

Kûmə̀ nə wiyn vɛ ə ve fîə kyi se kwiynə pə̀yn se vɛ ə ve fîə va, ə wiyn vɛ ə ve tə kwuə ə kyi se kwiynə pə̀yn se vɛ ə ve tə kwuə va.

1 Kɔlìŋ 16:10

Ə Timotì pə̀yn sê ghàyn, ghàyn ə nə̀ èndom se lotə fiə vəyn àchuŋ kûmə̀ nə è fɨ̀aʼà se Pɛ̂pɛ kè kə m fɨaʼà.

1 Kɔlìŋ 16:17

M nyîə saŋnə̂ kûmə̀ è pə̂ Sɨ̀tefanàszè è Fòtùnatùs è Achayikùs, kûmə̀ nə ghənə tè pə̀yn se njì eluʼ vaynve.

2 Kolìŋ 12:15

M nə̀ nə̂ m mə saŋnə̂ se pofsê nâʼàpî akè kɛ m kyi se paʼsê è ngɨŋ zɨ̂mzè kè endom se tsàmtè ə ghàyn. Kûmə̀ ghè m kɔ̂ŋɔ̀ tsɛ̂sə̀ ghàyn nyi, ghàyn e kɔ̂ŋɔ̀ kə mi se chə ə?

2 Kolìŋ 4:12

E za tyə̀nə̀ nə ghàs nò ekwu tuʼmè m̀kɨ̂m endom kə ghàyn kyi ndamze.

Filìpây 2:17

Pîza, ə zhwi pî mi zôyn, ə ndə̂m mɨ̂mè sɨsə kə efo sê Zhə̀fè, kèpî kə ndom vɛ ə ghàyn nyi mə ə kɔʼsê Zhə̀fè ətəyn səmɔʼ nyi efo sê Zhə̀fè. Təm ghɨmə nyîə saŋnə̂, m saŋnə̂ kəpî se ghàyn.

Filìpây 2:27

È və tə zaf nâʼà sə ŋaŋ ə ndɛtə̂ kə nyiə se kwu; pîza, Zhə̀fè ə kosə èsəyn se vəyn ə kosə kəpi sê mi, ə̀ va za mə mə tə kyî kwəynsê kyə̀ynkè etùə kyîke.

Filìpây 4:10

Kə m nyi ə Pɛ̂pɛ apàs, e nə̂ mi m saŋnə̂ nâʼà sə ŋaŋ. Kûmə̀ nə ghàyn ə tyə̀yn nə ghàyn nyiə tɔ̂ʼnə̀ se mi. M ke ndò nə ghàyn nyiə kyi èkwaʼtè sə tɔ̂ʼnə̀ è shîŋə̀ tèkɨ̂m, pîza ghàyn paʼà kyi zhəm ə təynke se nə̀yn zamə.

Filìpây 4:18

M pîə sê ghàyn zôyn nə mə kotê nâʼà fɨave ekɨ̂m vɛ ə ghàyn tè tom, ə kyiə kwəynsə̂ pi və mɔ̀ʼɔve. Èpàfàlonditùs ə tə pə̀yn nâʼà pî è ghè vɛ ə ghàyn tè fo nə è pəyn fo sê mi. Fɨa nə vɨ̂yn nyi kə emaʼte, è foze kə fo sê Zhə̀fè, ve lɨ̂mtə̀ fɔmə kə nyî, mə Fə fi, ve tsɔ̀fə sê vəyn.

Filemùyn 1:13

Kə m se nyi ə ndɛ̂ əchaʼ nyi kûmə̀ nə m ndaʼà tom èchùŋ, m fè kàʼa mə kɔ̀ŋɔ̀ se ndə̀m ə vəyn nə è faŋ kè fàyn kə è nji luʼ vɛve ə è və tsâmtə̀ mi,

Etyə̂yn ə paynsêzè 12:11

Ghɔnyì ə ghâsènì nə ghɨ̀nə̀ ə nò ə zhiə vəyn tɔynə̂ m̀ndəm mə Va Ndzèm, tɔynə̂ ə səmɔʼ zɛ ə ghənə tè tsâ, è kɨsè nə ghənə tè nyîə nyi èpɨaʼtêzè se kwu ezhoghɛ ə kwuze pə̂yn.