Filìpây 2:29 - Ŋwàʼlè ə̀ Fèzhə̀ Mkâyn Mə̂ Fèm

²⁹ Ghàyn fi ke nâʼà vəyn è saŋnêzè kûmə̀ nə è nyi ànyì epomə̂ kè kə ghàyn nyi. Ghàyn e ngɨmnə̂ kəpî ə̀ghɨ kə vəyn.

Filìpây 2:29 ပူးပေါင်းရင်းမြစ်များ

Tom èchùŋ kè kə Lûk tè nyaʼ 9:5

Ə ghàyn ndù naʼapi ghayn, ghɨə ətəynghe ə tàʼa fiə ghàyn, ghà piə ndô ndò, ghà puʼə sètsɨm saynse sê ghənə kə ghənə ke nə ghənə nə̀yn shwîə.”

Njɔyn 13:20

M pîə sê ghàyn səmɔʼ nə, ə̂ fi ndzɨse pîndè wùə vɛ ə m tom, ə ə̀ nyi mə è fi ndzɨsê mi, ə̂ fiə ndzɨsə̂ pîndè mi, ə ə̀ nyi mə è fi ndzɨsê vɛ ə è tom mi.”

Ətefɨ̂aʼ 2:46

Ghənə tè pə̂ zûŋtə̀ ə Ndɛ Ètsə̀mə tuʼ mè m̀kɨ̂m se tsə̀m, fɨə kwiə zhiə kə ə ndɛ ə ndɛ, nyi ke sə eghɛ èmɔ̀ʼ, saŋnə kə ndò.

Ətefɨ̂aʼ 28:10

Ghɨ endaʼ nə ghɛ ə màʼtə̀ ghàs èfɨave ve tsɨ̂ə kə nyî. Ə pə̀ kə ghàs kyiŋə se ndò, ghənə ə ndə̀mə̀ efɨa èkɨ̂m vɛ ə ghàs tè kyiŋə ə ngwùʼ èghaʼâ kwəynə, kə ghàs ndùə kwîə ətəynze.

Ətefɨ̂aʼ 8:8

Zɨnə mə ə nə̀ nâʼà ə̀ghɨ ə̀kɨ̂m fumə endaʼ e nyi èsaŋnêzè.

Ŋwàʼlè ə̀ Pɔ̂l sê ghɨə Lûmghè 10:15

Wùə kàʼa è ndaʼa zayn tom nə zɨ̂yn sê ghɨ ndɔ̀ʼɔ ə tom və ə? Ə nyi mə ə nyàʼ ə ŋwàʼlè ə̀ Fèzhə̀ nə, “Ə wùə pə̀ è tom èchùŋ, è pə̀ è saŋnêzè.”

Ŋwàʼlè ə̀ Pɔ̂l sê ghɨə Lûmghè 16:2

Ə è pə̀yn sê ghàyn, ghàyn ə fi vəyn ə Zhə̀fè ezə, kə ghɨ ə Fezhə̀ghè, ə fo nâʼàpî ètsâmtè èkè zɛ ə è kyiŋə sê ghàyn. Ghàyn e ke nə è və tsàmtè ghɨghe setsɨ̀, ə tsàmtə̀ kəpi mi.

1 Kɔlìŋ 16:10

Ə Timotì pə̀yn sê ghàyn, ghàyn ə nə̀ èndom se lotə fiə vəyn àchuŋ kûmə̀ nə è fɨ̀aʼà se Pɛ̂pɛ kè kə m fɨaʼà.

1 Kɔlìŋ 16:18

Ghənə ə tɨ̀msè təm ghɨmə kèpî èghɨ kə ghənə tɨ̂msè ghanə. Ghàyn e ngɨmnê ə̀ghɨ nyi kə ghɨnə mə.

2 Kolìŋ 10:18

Ə Pɛ̂pɛ kwàʼtè achûŋ kûmə̀ ghâsènì, ə nji ghâsènì kə ghɨ ə chûŋghè, pîza ə vachi ghâsènì sə̂ kwaʼtə̀ chùŋ kûmə̀ sèngɨŋ sə ghasènìse kə njîə ghâsènì sə ə̀ghɨ̀ ə chûŋghè.

2 Kolìŋ 7:2

Ghàyn tyəyn kɔ̂ŋ zayn sê ghàs. Ghàs pâʼà nə̀yn tsas ghɛze sê wùə; ghàs pâʼà nə̀yn wùə ve njìse ndom; ghàs pâʼà lesê fi fɨa əwûəkè.

Filìpây 2:28

Ə̀ za nyi eghɛ zɛ ə ze nə̂yn, m fɨnə luŋə nâʼà se kɛsə tiynsə̂ vəyn sê ghàyn kûmə̀ nə m ke nə ghàyn nyîə kɔ̂ŋɔ̀ se fe vəyn. Ə ghàyn fe vəyn ə saŋnə̂, ə mə fɨyn kyi va fɨmsê zhîze kûmə̀ ghàyn.

Kòlosè 4:10

Àlistakùs vɛ ə ghasè vəyn nyi ə ndɛ̂ chaʼ pi nə m tɔŋte sê ghàyn, Mâk ə ànyìə Pànapàs pîə kəpi za. Ghàyn se nyi mə ghàyn ə zɨ nə ghàyn fi ndzɨsê Mâk nâʼà àchûŋ ezhoghɛ ə è pə̀yn se fe ghàyn.

1 Tèsàlonikà 5:12

Ghɔnyìə, ghàs chyatə̂ nə, ghàyn ə fɛtə ngɨmnə̂ ə̀ghɨ ghɛ ə ghe fɨ̂aʼà ə ghàyn əfètəyn, chwîtə̀ ghàyn, fɨnə təftə̂ ghàyn, endom ə Pɛ̂pɛve kə ndɔ̀ʼɔ ghàyn tə pfɨ ə pi.

1 Timotì 5:17

Ə kyi sə̂ kɔʼsə fɨnə ndaʼà zɔmtə̂ sè chəʼ sɛ ə se fɛtə nə̂ fɨ̂aʼ ə ghənə̂zè, paynpayn ghɛ ə ghənə ndâʼà tom fɨnə zaʼlə̂ ə̀ghɨ̀,

Ipilù 13:17

Ghàyn e zɨə se tu vaynve, kə ghàyn ə tɛ è tuke sê ghənə. Ghənə nyiə naynə̂ ghàyn kûmə̀ nə ghənə taŋə njo sê Zhə̀fè ə ghənə efɨ̀aʼ. Ə ghàyn zɨə sê ghənə, ə ghənə ə nə̂ èfɨ̂aʼ ətəyn è èsaŋnêzè, ə ghàyn sè tɛ è tuve, ə ghənə ə nə̂ èfɨaʼ ətəynze è təm ə tɨləghe, ə zɛ mə tàʼa tsàmtə ghàyn.

3 Njɔyn 1:10

M tə pə̀ nâʼàpî ashìŋə̀ àkè ə m tsàyn sê nɔ̂yn əghɨ̀ ə poməke ghɛghə kɨ̀m ghɛ ə è nə̀ mə ghe nyi etipì. M tə tsâ ə̀ghɛ ə kwəmnə ghɛ ə è pì kûmə̀ ghâsènì è kaŋ kɛ ə è wam. È tè nə̂yn zâ ze ə tàʼa mìə kə zamə. È tə sə̂ fiə ə̀ ghɔ nyiə fɨnə tâmtə̀ əghɨ ghɛ ə kyiŋə sə̂ fiə, chûmə̀ fɨsə ghənə ə anɔ̀yn ə ghɨ ə poməke.