Filìpây 2:22 - Ŋwàʼlè ə̀ Fèzhə̀ Mkâyn Mə̂ Fèm

²² Ghàyn ngɨŋ saynse əkɨ̂m ke ndô kə Timotì va nyi mə è və chwìtè nə zhi nyîə fɨaʼà tsɔ̂fsə̀. È nə̀ èfɨaʼ ə ndaʼa nə tom èchùŋ kè kə vayn nə̂ fɨaʼà yî pɨ̀a.

Filìpây 2:22 ပူးပေါင်းရင်းမြစ်များ

Ətefɨ̂aʼ 16:2

Ghɨə poməghe əkɨ̂m endaʼ ə Lisɨtɨ̀là è endaʼ Ìkonyùm tè wàmnə̀ kə àchûŋ kûmə̀ Timotì.

Ŋwàʼlè ə̀ Pɔ̂l sê ghɨə Lûmghè 5:4

Kol ətəmze nə̂ ndò ghâsènì e kyi ètsɨsə̂ zɛ ə Zhə̀fè kyiŋə. Tsɨsə̂ nə zɨnə mə ə Zhə̀fè kyiŋə, ə̀ nyi zəynze ə ze nə̂yn ghâsènì e kyi èkwaʼtè nə Zhə̀fè tə nə̂ ndò ghɛ zɛ ə È pì nə È nə̀ nə̂ ndò se ghâsènì.

1 Kɔlìŋ 16:10

Ə Timotì pə̀yn sê ghàyn, ghàyn ə nə̀ èndom se lotə fiə vəyn àchuŋ kûmə̀ nə è fɨ̀aʼà se Pɛ̂pɛ kè kə m fɨaʼà.

1 Kɔlìŋ 4:17

Ə̀ za nyi eghɛ zɛ m tom Timotì sê ghàyn. È nyi vayn ekɔ̀ŋ vɨ̂mè, m samsə̂ vəyn kûmə̀ nə è chùmtə̀ Pɛ̂pɛ è təm ə vəynghe əkɨ̂m. È nə̀ nə̂ ə ghàyn ə pyə̂ytə̀ èndam zɛ m ndamə kə̂ wùə Klâys Njisə̀s. Ə̀ zɨnə nyi eghɛ zɛ ə m zaʼlə luʼ tekɨ̂m, è kɨsè ndɛ sə Fèzhə̀ sekɨ̂m.

2 Kolìŋ 2:9

M tè nyaʼ ŋwàʼlè se ghàyn se kotê endom vɛ ə ghàyn nyi mə ghàyn ə nò nâʼà sə ŋaŋ əfètəyn èmɔ̀m, è kɨsè se kê nə ghàyn pa nyi ke ndò èpɨaʼtêzè sə̂ zɨə ə̀ghɛ ghɛ m pîə mə.

2 Kolìŋ 8:22

Ghàs tomə pə̂ ànyì vâsvè yighə̀ ghənə. Ghàs ə fe sə teshîŋə̀ tetsɨəte nə è nyîə kɔ̂ŋɔ̀ se tsàmtè nə fɨaʼa Fezhə̀zè ə ndûə əshi. Zôyn kə è ke nə ghàyn nyi əghɨ nə̂ èghɛ zɛ ə ghàyn tsɨ̀ynè, kɔ̂ŋ ə vəyn sə̂ tsâmtə̀ èfɨaʼ nə zɨnə̀ ndùə kə eshike.

2 Kolìŋ 8:24

Ghàyn tyəyn kɔ̂ŋ zaynze sê ghənə kə ndɛsə Fezhə̀ sekɨ̂m fe paynsê ə ke nə ghàs pfɨ̀nə̀ va ngàŋtèkè kûmə̀ ghàyn sə ndô.

2 Kolìŋ 8:8

M pìə va nyiə nə m fo sə alàŋ, pîza m tyə̂nə̀ kə se ghàyn ndom vɛ ə ghɨ mɔ̀ʼɔ kyiŋə se tsàmtè nâʼà sə ŋaŋ, kə m fe nə kɔ̂ŋ zaynze nyi səmɔʼ mə nyi akaŋ ə.

Filìpây 1:12

Ghɔnyì ghɨmghe kɔ̀ŋghè, m kyiŋə nə ghàyn ə ke nə ghɛ ghɨnə̀ ə ghe kyânə̀ sê mi nyiə pɨlə tsâmtə̀ se nə̀yn nə tom èchùŋ ə̀ Fèzhə̀ nə ndûə èshike.

Filìpây 1:16

Ghɨ nə ghɨ̀nə̀ ə ghe ndaʼà è təm əchûŋə̀, ə ndàʼà kûmə̀ kə ghənə kɔ̂ŋɔ̀ mi, ke nə ə fa mi ə ndɛ̂ chaʼ kûmə̀ nə m tè pìə nə tom èchùŋ ə̀ Fèzhə̀ nyì səmɔʼ.

Filìpây 1:5

M fo àzɔ̀ŋnè nyi kûmə̀ kə ghàyn tsàmtè mi sə̂ tsâ tom èchùŋ zɨ̀yn kè se zhə̀tè etuʼ vɛ ə ghàyn tè zɨ tom nə zɨ̂yn se kɔʼɔ zaʼâ ndàyn.

Filìpây 1:7

M vayn kàʼa m faŋ sə̂ kwaʼtə̀ èndom vɛ m kwaʼtə̀ ətəyn kûmə̀ ghàyn kûmə̀ nə ghàyn nyi ə̀ kɔ̂ŋə̀ mi nâʼà sə ŋaŋ. Zhə̀fè ə tyə̀yn təm ə Vəynghe, ghe ghɛ ghe nə̂yn nə ghâsènì ə fɨaʼà sə afɨa àmɔ̀ʼ, kɨ̀sə m nyi ə chaʼ kɨ̀sə m tyəm tsɛ̀ èsaʼ kûmə̀ tom èchùŋ, zaʼlə əghɨ nə ə ke nə è nyi səmɔʼ.

Filìpây 2:20

M kyi va wùə vîvè ə̀ tsɛ̂ kə va Timotì vɛ ə è lote kyi èkɔ̂ŋ è kwaʼtèzè sè ghàyn.

1 Timotì 1:18

Vayn vɨm Timotì, m fo ètəftê zɨ̀nə se ghò mə ze nyi kepî èghɨ èghɛ ghɛ ə fɨ̀aʼtèsè tè pi kûmə̀ ghò. Njì ghɛ ghɨ̂nə ə tsâ sê ghò nyi se nò enô echûŋzè.

1 Timotì 1:2

ŋwàʼlè ə̀təyn ndûə sê Timotì. Ò nyi kə kàyntə̀ vayn sê mi kûmə̀ nə ghasè ghò ə̀kɨ̂m samsə̂ ndò se Klâys. Ə Zhə̀fè, mə ə̀ za nyi Pɨ̀a, yî Klâys Njisə̀s Pɛ̂pɛ ə̀ ghâsènì, fo ghàyn fùʼkè, è kosê esəynze, è pɔ̂ynè.

1 Timotì 4:6

Ə ò zaʼlə ghɨə poməghe è ghɛ nə ghɨnə ə m pîə nyî, ə ò nyi ke nâʼà wùə è fɨ̀aʼa èchùŋ sê Klâys Njisə̀s, ə Zhə̀fè nə fe pɔŋ zaʼlê ghò tɔynə̂ ekyî epomə̂zè, è zaʼlê echûŋ zɛ ə ò nyi mə o ndə̀m zəynze.

2 Timotì 1:2

Timotì, vâyn èkɔ̀ŋ vɨm, ə Zhə̀fè, mə za nyi Pɨ̀a, yî Klâys Njisə̀s, ə Pɛ̂pɛ ə̀ ghâsènì fo fùʼ ə vəynke sê ghò, è kosê esəyn, è pɔ̂ynè.

2 Timotì 3:10

Pîza, sê ghò ə Timotì, ò se nyi mə o chùmtè kɔʼ pəyn zaʼlê zɨmze è ndam zɨmze è ghɛ zɛ ə m tè kwàʼtə se tə nə̀yn endam. Ò ə naynê kɔʼ pəyn kyî epomə̂ zɨmze, è kol ətəm zɨmze, è kɔ̂ŋ zɨmze, è wəynsê ewìyn zɨmze.

Taytùs 1:4

M nyâʼà sê ghò ə Taytùs. Ò nyi ke nâʼà kə kàyntə̀ vayn vɨ̂mvè kûmə̀ nə ghasè ghò kyi ke èkyî epomə̂zè emɔ̀ʼ. Ə Zhə̀fè Pɨ̀a, è Klâys Njisə̀s sɔ̀zà ə̀ ghâsènì fo ghô fùʼkè è pɔ̂ynè.