Filìpây 2:20 - Ŋwàʼlè ə̀ Fèzhə̀ Mkâyn Mə̂ Fèm

²⁰ M kyi va wùə vîvè ə̀ tsɛ̂ kə va Timotì vɛ ə è lote kyi èkɔ̂ŋ è kwaʼtèzè sè ghàyn.

Filìpây 2:20 ပူးပေါင်းရင်းမြစ်များ

Njɔyn 10:13

Wùə vɛ ə ndâʼà zâ tə ndô kûmə̀ nə è nyì ke wùə èndaʼa kɔ̂ŋə̀ va se tɔ̀ʼnè è ndzè sə təynse.

Njɔyn 12:6

È tè paʼà wàmnè nyi kûmə̀ nə è tè kyi èkwâʼtè se tɔ̀ʼnè è ghɨ afɨfə. Ə̀ tè nyi kûmə̀ nə è tè nyi wùə chɔŋɔ, ə̀ ndə̂mə̀ vəyn shəyn èkɛ, faŋa va se njiə vîve ətəyn se nə̀yn eghɛ vəynze kɔ̀ŋzè ətəyn.

Ŋwàʼlè ə̀ Pɔ̂l sê ghɨə Lûmghè 15:5

Ə m tsə̂mə̀ nə Zhə̀ fɛ ə fe nə̂ nə ghâsènì ə kolə ə̀təm, fɨnə fo ghâsènì è təmghe, nə fe nəyn nə ghàyn ə nyi choze emɔ̀ʼ è ngɨŋ saynse kə ghàyn chùmtə̀ Njisə̀s Klâys.

1 Kɔlìŋ 16:10

Ə Timotì pə̀yn sê ghàyn, ghàyn ə nə̀ èndom se lotə fiə vəyn àchuŋ kûmə̀ nə è fɨ̀aʼà se Pɛ̂pɛ kè kə m fɨaʼà.

Filìpây 2:2

Ghàyn e nə̂ ə̀ghɛ kè èkwâʼtèzè emɔ̀ʼ, kɔ̂ŋə̀ sèngɨŋ saynse, fɨaʼà sə eghɛ èmɔ̀ʼ, kyi ke èkwaʼtè èmɔ̀ʼ kə saŋnê zɨmze ə nyi mə zə lwiyn kwəyn.

Filìpây 2:22

Ghàyn ngɨŋ saynse əkɨ̂m ke ndô kə Timotì va nyi mə è və chwìtè nə zhi nyîə fɨaʼà tsɔ̂fsə̀. È nə̀ èfɨaʼ ə ndaʼa nə tom èchùŋ kè kə vayn nə̂ fɨaʼà yî pɨ̀a.

Kòlosè 4:11

Njoshwà vɛ ə tɔŋtə kəpi nə Njustùs, pi nə m tɔŋte sê ghàyn. Ghɨ̂nə̀ ə̀ ta nyeʼe nyi ke ə̀ghɨ Njûs epomə̂ ghɛ ə ghasè ghə̀ ghənə fɨaʼà ə Zhə̀fè efɔ̀yn, ghənə e lotê nyi mə ə nə̀yn kàyntè ètsàmtè se mi.

1 Timotì 1:2

ŋwàʼlè ə̀təyn ndûə sê Timotì. Ò nyi kə kàyntə̀ vayn sê mi kûmə̀ nə ghasè ghò ə̀kɨ̂m samsə̂ ndò se Klâys. Ə Zhə̀fè, mə ə̀ za nyi Pɨ̀a, yî Klâys Njisə̀s Pɛ̂pɛ ə̀ ghâsènì, fo ghàyn fùʼkè, è kosê esəynze, è pɔ̂ynè.

1 Timotì 4:6

Ə ò zaʼlə ghɨə poməghe è ghɛ nə ghɨnə ə m pîə nyî, ə ò nyi ke nâʼà wùə è fɨ̀aʼa èchùŋ sê Klâys Njisə̀s, ə Zhə̀fè nə fe pɔŋ zaʼlê ghò tɔynə̂ ekyî epomə̂zè, è zaʼlê echûŋ zɛ ə ò nyi mə o ndə̀m zəynze.

2 Timotì 1:5

M pa kwâʼtə̀ ndò kàyntè èkyî èpomə̂ zɛ ə ò kyi sê Klâys, ə̀ nyì ke èkyî èpomə zɛ ə Luîs, nyìə nɛ̂, yî Yunìs nɛ̂ tè kyi. M lote ke ndò səmɔʼ nə ò kyi kepî ndò kyî epomə̂ nə zɛ.

2 Timotì 3:10

Pîza, sê ghò ə Timotì, ò se nyi mə o chùmtè kɔʼ pəyn zaʼlê zɨmze è ndam zɨmze è ghɛ zɛ ə m tè kwàʼtə se tə nə̀yn endam. Ò ə naynê kɔʼ pəyn kyî epomə̂ zɨmze, è kol ətəm zɨmze, è kɔ̂ŋ zɨmze, è wəynsê ewìyn zɨmze.