Filìpây 2:2 - Ŋwàʼlè ə̀ Fèzhə̀ Mkâyn Mə̂ Fèm

² Ghàyn e nə̂ ə̀ghɛ kè èkwâʼtèzè emɔ̀ʼ, kɔ̂ŋə̀ sèngɨŋ saynse, fɨaʼà sə eghɛ èmɔ̀ʼ, kyi ke èkwaʼtè èmɔ̀ʼ kə saŋnê zɨmze ə nyi mə zə lwiyn kwəyn.

Filìpây 2:2 ပူးပေါင်းရင်းမြစ်များ

Njɔyn 3:29

Wùə vɛ è malə wùə zhɔyn nyi vɛ ə è kyi zhwîə ə̀təyn. Pîza so ə̀ ndom ə̀ wùzhɔyn vɛ ə è tyəm lɨmtə̂ nyîə saŋnə nâʼà sə ŋaŋ ezhoghɛ è zɨ kyə̀ ə̀ ndom ə̀ wùzhɔyn. Ə̀ za nyì kepî zamə kə saŋnê zɨme nyi mə zə lwiyn kwəyn.

Ətefɨ̂aʼ 1:14

Ə̀ tè nyi zâ, ghənə e zâŋsə̀ zûŋtə̀, tsɨ̂yntə̀ nə̂ ètsə̂m yî ghə̀ zəyn yîghe è Mèli nyìə Njisə̀s, è ghɔnyìə Njisə̀sghè.

Ətefɨ̂aʼ 2:1

Ə̀ tè nyi kə tuʼ azhi ə Pentikɔ̀vè pə̀yn, ghɨə poməghe ə zùŋtə̀ elùʼ emɔ̀ʼ.

Ətefɨ̂aʼ 2:46

Ghənə tè pə̂ zûŋtə̀ ə Ndɛ Ètsə̀mə tuʼ mè m̀kɨ̂m se tsə̀m, fɨə kwiə zhiə kə ə ndɛ ə ndɛ, nyi ke sə eghɛ èmɔ̀ʼ, saŋnə kə ndò.

Ətefɨ̂aʼ 5:12

Ghɨətom ə Njisə̀sghè tè nə̂, sèchwìə è ghɛ kayntəghe, ghe tsɨ̂ə kə nyi əfètə̂ ghɨ̀ se tyə̀yn atyaʼa Fezhə̀kè. Nâʼà ghɨə poməghe əkɨ̂m tè zàŋsə zûŋtə̀ Atɔyne ə Sòlomùynkè ə ndɛ ə̀ Fèzhə̀.

Ŋwàʼlè ə̀ Pɔ̂l sê ghɨə Lûmghè 12:16

Ghàyn e nə̂ ə̀ghɛ sə eghɛ èmɔ̀ʼ. Kə ghàyn nə ghaŋsə wiyn, pîza ghàyn e fɨaʼà tsɔ̂fsə̀ ghâyn ghə̀ ghɨ ghɛ ə kɔʼɔ kwəynə va kə ghàyn. Kə ghàyn nə ndəmə nə ghàyn nyîə ke tsɛ̂sè.

1 Kɔlìŋ 1:10

M chyatə̂ ghàyn ə ghɔnyì ghɨmə e zə Pɛ̂pɛ ə ghâsènì Njisə̀s Klâys nə ghàyn ə tyəm ke echo emɔ̀ʼ əghɛ ghɛ ə ghàyn pîə kə châsè zə va ə ghàyn ə fètəyn. Ghàyn kyi sə̂ pɨl nyi ke kə wùə èmɔ̀ʼ, è kɨsè endom vɛ ə ghàyn fe ghɛghe ətəyn.

2 Kolìŋ 13:11

Se kwùŋsè ə ghɔnyì ghɨmə, m pìə nə, ghàyn faŋ ke àchûŋ. Ghàyn mɔmse se ndam mə ləʼke va ə ghàyn endam. Ghàyn fɛte ndəm èghɛ zɛ m pî. Ghàyn e ndamə kə sə eghɛ èmɔ̀ʼ, ndamə è pɔ̂ynè. Ə Zhə̀ fɛ ə fe fo kɔ̂ŋzè è pɔ̂ynè ə nyi ghâyn ghə̀ ghənə.

2 Kolìŋ 2:3

Ə̀ nyiə nyi eghɛ zɛ ə m tè nyaʼ ŋwàʼlè zɛ sê ghàyn, m tè kɔ̀ŋɔ va se pə̀yn se ghàyn nə ghàyn nəyn mi m mə saŋnə̂ va, mə ə̀ pɨl nyi ghàyn ghɛ ə ghàyn kyi se nə̀yn nə mə saŋnə̂. Kûmə̀ nə m lote ke ndò nə shîŋə̀ kɛ m saŋnə, nâʼà ghàyn əkɨ̂m e saŋnə̂ kəpî.

2 Kolìŋ 7:7

Ə̀ tè vachi ke èpə̂yn ə vəynze ə ze tè nəyn nə ghàs ə saŋnə̂, pîza è kɨsè èndom vɛ ə è tè tsàyn sê ghàs nə ghàyn ə fo vəyn è təmə ə zɨtəghe. Ghàs tè nyiə saŋnə̂ kəpi kûmə̀ nə è və tə tsàyn kə ghàyn tè lotə kɔ̂ŋə̀ se fe mi, è ndom vɛ ə ghàyn kosə kyaʼà ətəyn, è ndom vɛ ə ghàyn nyi èpɨaʼtêzè ətəyn se tɔ̀ʼɔ̀ mi, kûmə̀ ə̀ghɛ nə ghɨ̂yn kə m zɨ, m lotə̂ ngɛsə̂ saŋnə̂ ndò zôyn.

Filìpây 1:4

m piə tsə̂mə̀ nə Zhə̀fè tsamte ghàyn nâʼà ə̀kɨ̂m pî ashìŋə̀ àkè, m tsə̂mə̀ è èsaŋnêzè.

Filìpây 2:16

Ghàyn fɛte kyî tom èchùŋ nə zɨ̂yn ə è fo ndame nyî, kə shîŋə̀ kɛ ə Klâys tə kɛsə pə̂ ətəyn, m mə nyi kàʼa m ghaŋse wiynve nə m tè nyɨŋə chîəva nyɨŋ nə zɨ̂nə̀ mə sə ndò, è kɨsè nə fɨ̂aʼ zɨme tè vachi səndô.

Filìpây 2:20

M kyi va wùə vîvè ə̀ tsɛ̂ kə va Timotì vɛ ə è lote kyi èkɔ̂ŋ è kwaʼtèzè sè ghàyn.

Filìpây 4:2

Èyondìa è Sìntîs, m chyatə̂ nə ghàyn ə nyi sə eghɛ èmɔ̀ʼ mə ə zɔ̂ va kə ghɔnyì ghe ə Pɛ̂pɛ.

Kòlosè 2:5

Pî kə m va ə ghàyn ə fètəyn ə njà èwìyn, m pa nyi ke ndô ghâsènì ə sezuʼ. Pi kə m va ghâsènì, m saŋnə̂ ndò kûmə̀ nə kyî epomə̂ zaynze sê Klâys nyiə tɛ.

2 Tèsàlonikà 2:13

Ghɔnyìə, ghàs kyi ndô sə fo àzɔ̀ŋnè sê Zhə̀fè shîŋə̀ tekɨ̂m kûmə̀ ghàyn. Pɛ̂pɛ ə kɔ̀ŋ ghàyn, ghàyn e nyi anɔ̂yn ə ghɨ̀ kɛ ə fe tè chɔʼ ə zhə̀te se sɔzà tɔynə̂ efɨ̀aʼ zɛ ə Zuʼse Ŋwaʼase nə̂, è kɨsè tɔynə̂ ə ghàyn ekyî epomə̂zè eghɛ zɛ ə ze nyi səmɔʼ kə è nəyn ghàyn ə ghàyn ə nyi ə̀ ghɨə vəyn ghe ŋwaʼaghe.

2 Timotì 1:4

M kwàʼtə̀ kə ò tè chîə, m kɔ̂ŋə̀ se fe gho nâʼà sə ŋaŋ kə ze nəyn ə mə nyi mə mə lwiyn è saŋnêzè.

Filemùyn 1:20

Ànyì vɨm, nə̀yn tsâmtè zɨ̀nə sê mi kûmə̀ Pɛ̂pɛ. Nə̀yn nə mə saŋnə̂, kûmə̀ nə ghasè ghò nyi ə ghɔnyìghe ə Klâys.

2 Njɔyn 1:4

M saŋnə̂ nâʼà sə ŋaŋ kə m fe ghɔyn ghɛghe nə̂ kə èghɛ zɛ ə ze nyi səmɔʼ, ndamə kə eghɨ kə Pɨ̀a tè pì sê ghâsènì.

3 Njɔyn 1:4

Ghɛ zhîze va ə ze kaʼa ze nəyn, ə m fɨyn tɔʼ saŋne tsɛ̂ kə m zɨ nə ghɔyn ghɨmə tyəm ke eghɛ zɛ ə ze nyi səmɔʼ.