Filìpây 2:19 - Ŋwàʼlè ə̀ Fèzhə̀ Mkâyn Mə̂ Fèm

¹⁹ Ə ze fə nyi kə Pɛ̂pɛ kyiŋə, m mə kwaʼtə̀ se tomə pə Timotì nə è pəyn môtè ghàyn, ə è kɛse pəyn tsayn èndom vɛ ə ghàyn nyì ətəyn se mi kə ze nəyn m mə saŋnə̂.

Filìpây 2:19 ပူးပေါင်းရင်းမြစ်များ

Matyò 12:21

Ghɨə atum ghəkɨ̂m tə ndəmə̀ kə èkwaʼtè elɨmtə ə ghənə̂zè sê Vəyn.”

Ətefɨ̂aʼ 16:1

Pɔ̂l yî Silàs ə ndò ndûə endaʼ ə Ndepì è endaʼ Lisɨtɨ̀là. Wùə èpomə vîvè èmɔ̀ʼ tè nyîə nyi fu zə vəynze e nyi Timotì. Nyìə vəyn mə ə̀ tè nyì kepî wùə èpomə, tè nyi wùə Njûs, pîza pɨ̀a vəyn e nyi wùə ə̀ Nglêk.

Ŋwàʼlè ə̀ Pɔ̂l sê ghɨə Lûmghè 15:12

Fɨ̀aʼtè Èsayà ə tə pì kepî kə nyi mə ə nyàʼ nə, “Wùə tə fɨə etɔ̀ŋ ə ndɛ ə Njesì mə è tə pə̂ ə è və kyi àtyaʼ etûə ə̀ghɨ ghɛ ə̀ vachi ə̀ghɨ ə Njûsə̀, ə nyì se vəyn ə ghɨ ghɛ ə vachi ə̀ghɨ ə Njûsghè tə ndə̂mə̀ təm ə ghənə̂ghè əkɨ̂m.”

Ŋwàʼlè ə̀ Pɔ̂l sê ghɨə Lûmghè 16:21

Timotì, vɛ ə ghasè vəyn fɨ̂aʼà əmɔʼ tomə ètɔŋtê ə vəynze sê ghàyn. Lusiyùs, Njasɨ̀yn è Sòsìpatà, ə ghɔnyì ghɨm ghə Njûsə̀ tomə kəpi ètɔŋtê se ghàyn.

1 Kɔlìŋ 4:17

Ə̀ za nyi eghɛ zɛ m tom Timotì sê ghàyn. È nyi vayn ekɔ̀ŋ vɨ̂mè, m samsə̂ vəyn kûmə̀ nə è chùmtə̀ Pɛ̂pɛ è təm ə vəynghe əkɨ̂m. È nə̀ nə̂ ə ghàyn ə pyə̂ytə̀ èndam zɛ m ndamə kə̂ wùə Klâys Njisə̀s. Ə̀ zɨnə nyi eghɛ zɛ ə m zaʼlə luʼ tekɨ̂m, è kɨsè ndɛ sə Fèzhə̀ sekɨ̂m.

Ɛfesùs 1:13

Zhə̀fè ə fi kepî ghàyn ghɨ Ɛfesùsghè ə sɔ̀zâ ghàyn tɔynə̂ ə Klâys kə ghàyn zɨ tom è chùŋ zɛ ə è nyi səmɔʼ ə pomə. Ə̀ tè nyi kə ghàyn pomə, Fə chwìə ghàyn è Zuʼse Ŋwaʼa sɛ ə Fe tè tsɨ̀ne,

Filìpây 1:1

Ə̀ nyi mi Pɔ̂l è Timotì əghɨ fɨaʼa Fezhə̀ sê Njisə̀s Klâys ghɛ ə nyâʼà pə̂ ŋwàʼlè zɨ̀nə se ghàyn. Ghàs nyàʼà sê ghàyn ghɛ ə ghàyn fo ngɨŋ saynse sê Zhə̀fè ə Filìpây nâʼà ə̀kɨ̂m sè nyi ghâynghə̀ Klâys Njisə̀s. Ghàs nyàʼà kəpî sê ghàyn tuve è ghɨ ghɛ ə tsâmtə̀ se chiyntê efɨaʼ ə Fezhə̀zè nə ze ndu əshi.

Filìpây 2:18

Ghàyn e pɔŋɔ saŋnə̂ kəpi kə mi.

Filìpây 2:28

Ə̀ za nyi eghɛ zɛ ə ze nə̂yn, m fɨnə luŋə nâʼà se kɛsə tiynsə̂ vəyn sê ghàyn kûmə̀ nə m ke nə ghàyn nyîə kɔ̂ŋɔ̀ se fe vəyn. Ə ghàyn fe vəyn ə saŋnə̂, ə mə fɨyn kyi va fɨmsê zhîze kûmə̀ ghàyn.

1 Tèsàlonikà 3:2

Ghàs ə tomə ànyì vâsvè Timotì vɛ ə ghasè ghə̀ ghənə fɨaʼà sê Zhə̀fè, ndàʼà tom è chùŋ kûmə̀ Klâys. Ghàs tomə nə è pəyn tsâmtè ə è nəyn nə ghàyn pomə è tyaʼa se Klâys, è kɨsè se fo ghàyn è təm ə tɛghe nə ghàyn ə kyi ndu ke ndò kyî epomə̂zè èshike,

1 Tèsàlonikà 3:5

Ə̀ za nyi eghɛ zɛ ə ze tè nəyn mə tiynsə̂ Timotì. M tè tiynse nə è pəyn fe nə ghàyn ghe tɔ̀ʼɔ̀ samsə̂ Klâys, è kûmə̀ nə m tè vayn kàʼa m fɨyn kol ə̀təm sə̂ ndamə, ke va nə ə̀ kyàynə̀ ghè sê ghàyn ə. M tè fànə kə nə ndə̂plè kàʼa è zə nyi mə è zə mɔ̀m ghàyn, ə nə̀ nə fɨ̂aʼ etsɨə kɛ ə ghàs tè nəyn ə ghàyn əfètəyn ə njìse səndô.

2 Tèsàlonikà 1:3

Ghàs kyi sə̂ fo àzɔ̀ŋnè sê Zhə̀fè shîŋə̀ tekɨ̂m kûmə̀ ghàyn ə ghɔnyìə. Ə̀ nyì ke nâʼà èghɛ echuŋzè kə ghàs nə̂ nyi kûmə̀ nə kyî epomə̂ zaynze sê Klâys ndəmə̂ ndûə kə èshike, kɔ̂ŋ zaynze sê ngɨŋ saynse e fɨnə ndəmə̂ ndûə kə èshike.

2 Timotì 1:12

Ə̀ za nyi eghɛ zɛ ə m zɨə ngəʼ endom nə vɨ̂yn. Pîza m pa ke kendò səmɔʼ nə, kûmə̀ nə m ke ndô wùə vɛ m samsə̂ vəyn, ke kendò səmɔʼ nə è nyi kàʼa e fɛte ndəm tom zɛ ə è tè fo sê mi se zaʼâ etuʼ ekwuŋsəve.

Njə̂m 4:15

Ghàyn pɨl kyi sə̂ piə nə, “Ə ze kwəynə sê Pɛ̂pɛ, ə ghàs ndam ə nəyn ghɛ zɨ̀yn kɨ̀sə zhîə.”

1 Pità 1:21

Ə̀ nyi kûmə̀ Klâys nə vɨ̂yn ə ghàyn pomə sê Zhə̀ fɛ ə fe tè zômsè vəyn, ə ndə̀mə̀ vəyn elùʼ engaŋtəve, ghɛ ətəynze e nə̂, ghàyn e kyi èkyî epomə̂zè, è kɨsè kwaʼtè elɨmtəze sê Zhə̀fè.