Filìpây 2:17 - Ŋwàʼlè ə̀ Fèzhə̀ Mkâyn Mə̂ Fèm

¹⁷ Pîza, ə zhwi pî mi zôyn, ə ndə̂m mɨ̂mè sɨsə kə efo sê Zhə̀fè, kèpî kə ndom vɛ ə ghàyn nyi mə ə kɔʼsê Zhə̀fè ətəyn səmɔʼ nyi efo sê Zhə̀fè. Təm ghɨmə nyîə saŋnə̂, m saŋnə̂ kəpî se ghàyn.

Filìpây 2:17 ပူးပေါင်းရင်းမြစ်များ

Ətefɨ̂aʼ 20:24

Pîza m njiə pi va ndam zɨme nâʼà sə eghɛ zhîze, kè ezhoghɛ m mɨsè nyɨŋ nə zɨ̂yn, ə mɨ̂sə̀ àfɨaʼ kɛ ə Pɛ̂pɛ Njisə̀s nyi mə è və fo se Mi, mə ə̀ nyì se ndàʼà ə tom èchùŋ kûmə̀ àfùʼ kɛ ə Zhə̀fè kyi sê ghɨghe.

Ətefɨ̂aʼ 21:13

Pɔ̂l ə pə̀ynsə̀ nə, “Kûmə̀ ghè ə ghàyn chìə, nə̂ nə mə kyi èfɨmsê ə mì ə təmə? M nyi èpɨaʼtêzè nə kə kol ke ndò mi, pîza m nyi kepî ndò èpɨaʼtêzè se kwu ə Njèlusalɛ̀m kûmə̀ èzə ə Pɛ̂pɛ Njisə̀s è.”

Ŋwàʼlè ə̀ Pɔ̂l sê ghɨə Lûmghè 12:1

Nyiəmə ə ghɔnyì ghɨmə, m chyatə̂ ghàyn, kûmə̀ èkosê esəyn ə Fezhə̀ eghaʼâzè sê ghâsènì, ghàyn fo ngɨŋ saynse kə efo zɛ ə ze kyi ndamze sê Zhə̀fè. Ə fo nə zɨnə mə ə nyi è ŋwaʼze kə fɨ̂aʼ zaynze ə nyi chichi ə və shi. Ə̀ zɨnə nyi engɨmnê ə səmɔʼ zɛ ə ghàyn kyi sə̂ ngɨmnə̂.

Ŋwàʼlè ə̀ Pɔ̂l sê ghɨə Lûmghè 15:16

Zhə̀fè ə fo mi fùʼ nə kɛ mə nə mə nyi wùə èfɨ̀aʼa ə̀ Njisə̀s Klâys, nə mə ndaʼà tom èchùŋ sê ghɨ ghɛ ə̀ va əghɨ ə Njûsghè. M fɨaʼà kə wùə èkɔʼsə nə̂ èshyə̀ sə̂ ndaʼà tom èchùŋ zɛ ə è ndò sê Zhə̀fè, kə ghɨ ghɛ ə va əghɨ ə Njûsghè ə nyi kə efo zɛ ə Zhə̀fè nyi mə fe ə pomə. Zhə̀fè tə pomə ghənə kûmə̀ nə Zuʼse Ŋwaʼase ə nə̀yn ghənə e nyi è ŋwaʼze ə fəynfe əshi.

2 Kolìŋ 12:15

M nə̀ nə̂ m mə saŋnə̂ se pofsê nâʼàpî akè kɛ m kyi se paʼsê è ngɨŋ zɨ̂mzè kè endom se tsàmtè ə ghàyn. Kûmə̀ ghè m kɔ̂ŋɔ̀ tsɛ̂sə̀ ghàyn nyi, ghàyn e kɔ̂ŋɔ̀ kə mi se chə ə?

2 Kolìŋ 4:12

E za tyə̀nə̀ nə ghàs nò ekwu tuʼmè m̀kɨ̂m endom kə ghàyn kyi ndamze.

2 Kolìŋ 6:10

Ghàs ndamə saŋnə̂ kə ndò nâʼàpî əfètəyn ètsôs. Ghàs kyàʼà kə əghɨ afɨfə pîza nə̂ nə ghɨghe ə kyi èghaʼ. Ghàs kyaʼà kə kə kyi va fɨake, pîza kyi èfɨa èkɨ̂m.

2 Kolìŋ 7:4

M fɛte ke ndò ghàyn, pfɨnə̀ àngàŋtè nâʼà sə ŋaŋ kûmə̀ ghàyn, ə ghàs ə tetsòs tèkɨ̂m, m pa kyi kendò təmə ghaʼâghè, nyi mə mə lwiyn èsaŋnêzè.

Filìpây 1:20

Ghɛ e ghaʼà zɛ ə ze nyi ə mì ətəm zôyn, è zɛ m kyiŋə se nə̀yn nyì ke nə kə m tə nəyn èghɛ ə mì efɨ̀aʼ se Zhə̀fè mə ze kaʼa ə ze pəyn èghomə̂zè. Pîza m pɨlə kyiŋə nə nâʼàpî ashìŋə̀ àkè kɛ m nə̂ fɨaʼa təynze, se zhə̀tə ndù zôyn, nə mə nə̂ zeynze fanə̀ va ghɛ zhîze se fo èkɔʼsê sê zə Klâyszè. Ə̀ zɨnə nyi eghɛ zɛ m kyiŋə se nə̀yn, kɨ̀sə m tɛ ndô kɨ̀sə m kwu ndô.

Filìpây 2:18

Ghàyn e pɔŋɔ saŋnə̂ kəpi kə mi.

Filìpây 2:30

Ghâsènì kyi sə̂ kɔʼsə̂ vəyn kûmə̀ nə è və tə fo ngɨŋ ə̀ vəyn èkɨ̂m se fɨ̂aʼ se Klâys ə ndɛtə̂ se kwu. È və tə nə̀yn ghɛghe mə è tè kyi va se nə̀yn, se tsàmtə mi se nə̀yn efɨaʼ zɛ ə ghàyn tè vayn kàʼa nəyn.

Filìpây 4:18

M pîə sê ghàyn zôyn nə mə kotê nâʼà fɨave ekɨ̂m vɛ ə ghàyn tè tom, ə kyiə kwəynsə̂ pi və mɔ̀ʼɔve. Èpàfàlonditùs ə tə pə̀yn nâʼà pî è ghè vɛ ə ghàyn tè fo nə è pəyn fo sê mi. Fɨa nə vɨ̂yn nyi kə emaʼte, è foze kə fo sê Zhə̀fè, ve lɨ̂mtə̀ fɔmə kə nyî, mə Fə fi, ve tsɔ̀fə sê vəyn.

Kòlosè 1:24

M saŋnə̂ ndò zôyn kə m zɨə ngəʼ kûmə̀ ghàyn. Kə m zɨə ngəʼ nə zɨnə mə, mə mɨ̀sè zɨə ngəʼ ə Njisə̀s zɛ ə ze tè kyi sə̂ nyi ə vəyn ewìyn vɛ, ə ve nyi əghɨ̀ ghɛ ə ghe pomə sê vəyn.

1 Tèsàlonikà 2:8

Kûmə̀ èkɔ̂ŋ zɛ ə ghàs tè kyi se ghàyn, ghàs tè nyi èpɨaʼtêzè se ndàʼa tom èchùŋ sê ghàyn mə è ndò pə̂yn se Zhə̀fè, nyi kepî èpɨaʼtêzè se kwu kûmə̀ ghàyn. Ghàs tè nyîə kɔ̂ŋə̀ ghàyn nâʼà sə ŋaŋ!

2 Timotì 4:6

Sê mi, shîŋə̀kè ə kwəyn kə ə fo mi sə efo, ə̀ zo nyi ashîŋə̀ se mi kə m za ndam zɨ̀nə̀.

1 Pità 2:5

Ghàyn pɔŋ nyi kepî kə əchi ghɛ ə ghe kyi ndamze. Ghàyn za ngɨŋ saynse kə ə nji ghàyn ə pɛ ndɛ ə̀ Fèzhə̀ ətəyn, mə ghàyn fɨaʼà kə əghɨ èkɔʼsə nə eshyə̀ ə ŋwaʼaghe, fo tèfo tɛ ə zuʼsə Fezhə̀ sè chiyntə nə ghənə ə fo mə Zhə̀fè nyîə fiə təynte kûmə̀ èghɛ zɛ ə Njisə̀s Klâys nyi mə È və nə̀yn.

1 Njɔyn 3:16

Kwu zɛ ə Njisə̀s Klâys tè kwu ə ghâsènì ə tu, tyə̂nə̀ àfɨa kɛ ə kɔ̂ŋzè nyi kəynke sê ghâsènì. Nyiəmə, ghâsènì kyi sə̂ nyi kepî èpɨaʼtêzè se kwu ə ghɔnyì ə ghâsènì ghə tu.