Filìpây 2:16 - Ŋwàʼlè ə̀ Fèzhə̀ Mkâyn Mə̂ Fèm

¹⁶ Ghàyn fɛte kyî tom èchùŋ nə zɨ̂yn ə è fo ndame nyî, kə shîŋə̀ kɛ ə Klâys tə kɛsə pə̂ ətəyn, m mə nyi kàʼa m ghaŋse wiynve nə m tè nyɨŋə chîəva nyɨŋ nə zɨ̂nə̀ mə sə ndò, è kɨsè nə fɨ̂aʼ zɨme tè vachi səndô.

Filìpây 2:16 ပူးပေါင်းရင်းမြစ်များ

Matyò 10:27

Ghɛ zɛ M tsâ sê ghàyn alɨm, ghàyn kyi se kɛsə tsa ghəynghe ə ndayn sê ghɨə, mə ghɛ zɛ ghàyn ndə̀tè zɨ, ghàyn kyi se tsa paynsê ə ghəynghe ezhɔyn.

Tom èchùŋ kè kə Lûk tè nyaʼ 12:8

M piə sê ghàyn nə, ə tyə̂nə̀ piə ndè ə ghɨghe əshi nə è nyi wùə vɨ̂m, ə Vâ wùə tə pɔŋ pomə ə tsì sə Fezhə̀sè əshi nə è nyi wùə vəyn.

Njɔyn 6:63

Ghɛ zɛ ə ze fo ndam nyi Sezuʼ sə Fezhə̀sè. Wiyn ə wûəvè va nâʼà eghɛ zhîze. Ghɛ ghɛ M tsâ sê ghàyn nyi Sezuʼ è ndame.

Njɔyn 6:68

Shimuyn Pità ə pə̀ynsə̀ nə, “Se fɨnə ndù sê ndè ə Pɛ̂? Ò nyiə kyi èwâmnè zɛ ə ze nə̂ nə wùə ə kyi èndam zɛ ə ze tə mîə va.

Ətefɨ̂aʼ 13:26

Pɔ̂l ə pìə kwəynsə̂ nə, “Ghɔnyì ghɨm ghetɔ̀ŋ ə ndɛ Aplàghâmghè, è ghayn ghɨ ghɛ ə̀ vachi ə̀ghɨ ə Njûs ghɛ ə ghe nyi fâyn, ngɨmnə̂ kəpî Fèzhə̀, tom èchùŋ zɨ̀nə è pə̀ è sɔzaze sê ghɨ nyi mə ə tom sê ghâsènì.

1 Kɔlìŋ 1:8

È nə̀ tsâmtə̀ nə ghàyn ə kyi ke èpomə̂ sê vəyn se zaʼâ ə kwùŋse, kə ghàyn tə nəyn ə kiva ghâmzè ə ezhoghɛ ə Pɛ̂pɛ ə̀ ghâsènì Njisə̀s Klâys kɛse pə̂yn.

1 Kɔlìŋ 9:26

Ə̀ za nyi eghɛ zɛ ə m nyɨŋə va kə wùə vɛ ə è nyɨŋə keva ghɛ zɛ ə è nyɨŋə sətəyn; nô va kə wùə ə è vɨ̀ŋə̀ fèkàm elùʼ ezomve.

Ngàleshyà 2:2

M tè kɔʼ fu kûmə̀ nə Zhə̀fè tè tyə̀yn paynsê sê mi nə m kyi se kɔʼ. Ə̀ tè nyi kə m nyi fu, mə nyaʼtə̂ wâmnə̀ kə epàm ghasè ghɨ ghɛ ə ghe tè nyi tuve, ə tsâ tom è chûŋ zɛ ə m tè tsâ sê ghɨ ghɛ ə ə̀ va əghɨ ə Njûsghè. M tè nə̂ zamə kə fɨ̂aʼ zɛ ə m nə̂ zôyn è zɛ ə m tè nə̂ tàʼa njìsè səndô.

Ngàleshyà 4:11

M fânə̀ nə fɨ̂aʼ zɨm zɛ ə m tè nə̀yn ə ghàyn əfètəyn ə njìsè ke səndô!

Filìpây 1:10

M tsə̂mə̀ nyî kə ghàyn ə ke èghɛ zɛ ə ze tsɔ̂fə̀ kwənə nyi èzoze kyi va tsasze, kə ghàyn tə nəyn ə kiva ləʼke etuʼ vɛ ə Klâys pə̀yn.

Filìpây 1:6

M ke ndô səmɔʼ nə ghàyn tə mɨ̂sə̀ ndò fɨ̂aʼ echûŋ nə zɨ̂yn ə Zhə̀fè zhə̀tè ə ghàyn əfètəyn nyî tsɔ̀fə Klâys se pə̀yn.

1 Tèsàlonikà 2:19

M tè kyiŋə se pə̀yn sê ghàyn kûmə̀ nə ə̀ nyi ghàyn ə ghàyn nə̂ nə ghàs ə kwaʼtə̀ lɨmtə, fɨnə nə̂ ghàs esaŋnə̂, kûmə̀ ghàyn, ghàs tə nə̂ ə pfɨ̂nə̀ àngàŋtè ə Pɛ̂pɛ ə̀ ghâsènì Njisə̀s əshi nə ghàs ə tɨm zhi ashìŋə̀ kɛ ə è kɛse pə̂yn.

1 Tèsàlonikà 3:5

Ə̀ za nyi eghɛ zɛ ə ze tè nəyn mə tiynsə̂ Timotì. M tè tiynse nə è pəyn fe nə ghàyn ghe tɔ̀ʼɔ̀ samsə̂ Klâys, è kûmə̀ nə m tè vayn kàʼa m fɨyn kol ə̀təm sə̂ ndamə, ke va nə ə̀ kyàynə̀ ghè sê ghàyn ə. M tè fànə kə nə ndə̂plè kàʼa è zə nyi mə è zə mɔ̀m ghàyn, ə nə̀ nə fɨ̂aʼ etsɨə kɛ ə ghàs tè nəyn ə ghàyn əfètəyn ə njìse səndô.

Ipilù 4:12

Ghɛ zɛ ə Zhə̀fè pì nyi kə ze nyîə ndamə, kyi àtyaʼ, tɔfə tsɛ̂ efɛ̂ eghɔ̀ŋ zɛ ə ze tɔfə pɨ̂asvè èpɨ̀a. E nyîə se njiə ndûə nâʼà ə fètəyn, se nduə tàyn elùʼ vɛ ə təmə yî zuʼse kə̂mnə̀ fɨnə ndûə tânə̀ elùʼ vɛ ə fɔmze yî zhûŋəke pə̂ kə̂mnə̀. Ze ke ndô ghɛ ghɛ ə ghɨ kwâʼtə̀, è ghɛ ə ghənə kyiŋə.

1 Pità 1:23

E kyi sə̂ nyi nyî kûmə̀ nə ə kɛse pîə ghàyn kə ghɔyn ə ghɨ̀ msɔ̀ŋghe ə ghe kwuə, pîza sê Zhə̀ fɛ ə fe kwuə va.

1 Njɔyn 1:1

Ghàs tsà sê ghàyn kûmə̀ tom zɛ ə è fo ndamze. Tom nə zɨ̂yn tè nyì ndò tsɔ̀fə kə mbi zhə̀te. Ghàs ə tè zɨ kə è tè wàmnə̀ sə ghàs ə ngɨŋ, ə fe kə nâʼà vəyn è shi ghasə ə fɨnə kûmə̀ kə nâʼà vəyn è gho ghasə sè wâmnə̀ zôyn kûmə̀ vəyn.

Etyə̂yn ə paynsêzè 22:17

Zuʼse yî Zhwìə ndom pi nə, “Pə.” Naʼapi ndè vɛ ə è zɨ ghɛ zɨ̂nə̀ kyi kepî ndò se pì nə, “Pə.” Ə pfɨ̀ŋ m̀mò zuʼsə nâʼàpî ndè e kyiŋə se mɨ mmo, è və pə̀ fiə m̀mo mɛ ə m̀ fo ndamze, ə mɨə səndô.