Filìpây 2:12 - Ŋwàʼlè ə̀ Fèzhə̀ Mkâyn Mə̂ Fèm

¹² Ghɔnyì ghɨmghe kɔ̀ŋghè, ghàyn tè nyiə zɨə èghɛ zɛ ə m tè pìə kə m tè nyì ghâsènì. Pi zôyn kə m va ə ghàyn ə ngwùŋ, e nyîə ngəsə̂ tsɔ̂fə̀ nə ghàyn nəyn fɨ̂aʼ zɛ m tè pi nə ghàyn nəyn. Ghàyn e kyi èfâyn ə ghàyn ə fètəyn, tsosə̂ sèngɨŋ saynse əchi ə Və shi. Ghàyn momse nâʼà ètyaʼke se nə̀yn efɨaʼ zɛ ə Zhə̀fè kyiŋə nə ghàyn nəyn kə sɔza zɛ ə ghàyn nyi mə ə kyî ə nyi mə ze ə lwiyn kwəyn.

Filìpây 2:12 ပူးပေါင်းရင်းမြစ်များ

Matyò 11:12

Se zhə̀tè etuʼ vɛ ə Njɔyn Foə M̀mò tè zhə̀te se ndàʼa tomə̀ Fèzhə̀ se kɔʼɔ zaʼâ fa fetuʼ, fɔ̂yn ə Fezhə̀vè ə zɨ tsôsè sə ŋaŋ ə gho ə ghɨə noghe, ghɨə eno ətəynghe è nô se kyiə fi efɔ̂yn ə Fezhə̀ nə vɨ̂yn.

Matyò 11:29

Ghàyn pomə se chùmtè ə setàm sɨmse, ə ghàyn zaʼle sê Mi kûmə̀ nə m nyiə ngɨmnə̂, kyi ə̀təm epɔynə. Ghàyn pəyn ə ghàyn kyi zɨ̀tèkè.

Ətefɨ̂aʼ 16:29

Wùə ètsɨ̀ŋnə ndɛ ə̀chaʼ nə vɨ̂yn ə tɔŋɔ, ə pìə nə ə pəyn è lâm ə shɨŋə njiə ndùə, ə pfɨ̀ə ə Pɔ̂l yî Silàs əshi sè tsɨŋtə̂ kə nyi kûmə̀ nə kàyntè efâyn tè nyi mə zə ko vəyn.

Ətefɨ̂aʼ 9:6

Pîza, ndwi ə njiə ndûə əfètəyn èndaʼ, kə ə tsayn ghɛ zɛ ə ò kyi se nə̀yn.”

Ŋwàʼlè ə̀ Pɔ̂l sê ghɨə Lûmghè 2:7

Ghɨə mɔ̀ʼɔ ghə kol təmə ə faŋə nə̂ ndûə kə əghɛ əchûŋghè, kyiŋə epomsê, è kɔʼsêzè. Ghənə tə kyîə èndam zɛ ə ze tə mìə va. Zhə̀fè tə fo èndam zɛ ə ze tə mîə va se kyì əghɨ̀ nə ghɨ̂yn.

1 Kɔlìŋ 15:58

E za nyì ə soyn sɨmse chûŋsè nə, ghàyn fɛte tyəm ə nyi è pɨaʼtêzè. Ghàyn e zâŋsè nyi ke shîŋə̀ tekɨ̂m ə Pɛ̂pɛ efɨ̀aʼ kə ghàyn se ke nə ghɛ zhîze va ə ghàyn nə̀ ə Pɛ̂pɛ efɨ̀aʼ mə ze nyi sə ndô.

1 Kɔlìŋ 2:3

Shîŋə̀ kɛ ə m tè pəyn ə ghàyn əfètəyn, wiyn vɨmve pɔylə̂, m tsɨŋtə̂ fâynə̀ nâʼà sə ŋaŋ.

1 Kɔlìŋ 4:14

M nyâʼà va ghɛ ghɨnə̀ nyî se ghomsê ə ghàyn, m pɨlə nyâʼà se zaʼlə ghàyn kə̂ ghɔyn ekɔ̀ŋ ghɨmə.

2 Kolìŋ 7:15

Shîŋə̀ kɛ ə è kwâʼtə̀ kə ghàyn tè zàŋsə zɨə sê vəyn, fɨnə kwàʼtə̀ kə ghàyn tè fiə vəyn è ngɨmnê eghaʼâzè, kɔ̂ŋ ə vəynze sê ghàyn e ndəmə̂ nduə kə ndò.

Ɛfesùs 6:5

Ghɨ e fɨaʼa, ghàyn e zɨə sê pɛ̀ efɨ̀aʼ ghaynghe, fɛtə ngɨmnə̂ ghənə ètəm ghaynghe ə kɨ̂m. Ghàyn e fɨ̂aʼà kə kə ghàyn fɨaʼà sê Klâys.

Filìpây 1:27

Ghɛ echûŋzè nyì ke nə, ghàyn ə ndamə kə tom èchùŋ ə̀ Klâys kyiŋə kə m pəyn pî ndò se fe ghàyn, kɨ̀sə m faŋ pî se pə̀yn, m mə ke ndò nə ghàyn pa tɛ kə ndò tyəm sə afɨa àmɔ̀ʼ, tsɨ̂yntə̀ fɨ̂aʼà nâʼà è tyaʼa è kwâʼtèzè emɔ̀ʼ sə̂ ndə̂mə̂ ekyî epomə̂ zɛ ə tom èchùŋ zaʼlə.

Filìpây 1:29

M pîə nyî kûmə̀ nə Zhə̀fè ə tyə̀yn təm əchûŋə̀ sê ghàyn ə nə̀ nə ghàyn pomə Klâys ə fɨyn fe ètsôs kûmə̀ vəyn.

Filìpây 1:5

M fo àzɔ̀ŋnè nyi kûmə̀ kə ghàyn tsàmtè mi sə̂ tsâ tom èchùŋ zɨ̀yn kè se zhə̀tè etuʼ vɛ ə ghàyn tè zɨ tom nə zɨ̂yn se kɔʼɔ zaʼâ ndàyn.

Filìpây 1:6

M ke ndô səmɔʼ nə ghàyn tə mɨ̂sə̀ ndò fɨ̂aʼ echûŋ nə zɨ̂yn ə Zhə̀fè zhə̀tè ə ghàyn əfètəyn nyî tsɔ̀fə Klâys se pə̀yn.

Filìpây 2:19

Ə ze fə nyi kə Pɛ̂pɛ kyiŋə, m mə kwaʼtə̀ se tomə pə Timotì nə è pəyn môtè ghàyn, ə è kɛse pəyn tsayn èndom vɛ ə ghàyn nyì ətəyn se mi kə ze nəyn m mə saŋnə̂.

Filìpây 4:1

M pìə sê ghàyn ə ghɔnyìə ghɨmə ghe kɔ̀ŋə̀ nə, ghàyn e tɛ ə ghàyn epomə̂ sê Pɛ̂pɛ. M nyîə kɔ̂ŋə̀ ghàyn, lotə̂ kɔ̂ŋə̀ kə nâʼà se fe ghàyn kûmə̀ nə ghàyn nyi esaŋnê zɨmze, è mâʼtè zɛ m kyi ə mì efɨ̀aʼ.

Filìpây 4:15

Ghàyn ghɨ ə Filìpâyghè, ghàyn nyiə fɛte ke nə shîŋə̀ kɛ m tè zhə̀te se ndàʼa tom èchùŋ mə m ndo pə̂yn ə Masèndonyà, ə̀ tè nyi ghàyn ghɨə Fezhə̀ ə shighe se tsàmtə mi. Ə̀ nyeʼe nyi ke ghàyn kə tè tsàmte mi.

1 Tèsàlonikà 1:3

Ghàs piə tsə̂mə̀ sê Zhə̀fè, ə Pɨ̀a ghâsènì, ghàs e kwâʼtə̀ kə ghàyn nə̂ ghɛ ghɛ ə ghàyn nyi mə ə kyî kyì epomə̂zè se ghəynghe, kwàʼtə̀ kə kɔ̂ŋ zɛ ə ghàyn kyi nə̂ nə ghàyn ə fɨaʼà sə ŋaŋ, è kə kwaʼtè zayn ə Pɛ̂pɛ Njisə̀s Klâys fɛtə tɛ.

2 Timotì 2:10

Ə̀ za nyi eghɛ zɛ m kolə təmə nâʼàpî ə tə ghè kè kûmə̀ ə̀ghɨ ghɛ ə Klâys nyi mə È və chɔʼtê, kə ghənə tə pɔŋ kyî èsɔza zɛ ə ze pə̂ tɔynə̂ ə Klâys Njisə̀s, pə̂ è pomsê zɛ ə ze tə mîə va.

Ipilù 12:1

Se ghâsènì, ghâsènì kyi setsɛ̀ sə saʼse anɔ̀yn mə sə kyìŋ nga ghâsènì. Ghâsènì kyi se maʼa nâʼà pî àpɨ̀aʼa àkè kɛ ə ke tàsə̀ ghâsènì ə fɨyn mâʼà nâʼà pî pi èkè zɛ ə è kolə ghâsènì ə wəynse nyiŋ ènyɨŋ zɛ ə Zhə̀fè ndə̀m nə ghâsènì ə nyɨŋə.

Ipilù 4:1

Zhə̀fè ə tə tsɨ̀nə̀ nə ghâsènì tə kyîə àzɨ̀tè kɛ ə è tè wàmne kûmə̀ kəynke. Ə ghâsènì ə tɔ̂ʼnə̀ kə wùə se ghâsènì tə faŋ se kyî àzɨ̀tè kɛ ə Zhə̀fè tè tsɨ̀ne.

Ipilù 4:11

Ə ghâsènì mɔmse nâʼà è tyaʼa se nji elùʼ ezɨtə nə vɨ̂yn. Kə wùə se ghâsènì tə faŋ se nji kə ghənə tè shwìe kyiŋ se nji kûmə̀ nə ghənə tè kyi va kyî epomə̂zè.

Ipilù 5:9

Ə̀ tè nyì kə è kwəyn mɨ̂sè kə Zhə̀fè tè kyiŋə nə è və nyi, fə ndə̀mə̀ vəyn sə Wûə èsɔza sê ghɨ ghɛ ə ghe zɨə vəyn, nə è və nyi sɔ̀zà ghənə̂ sə teshɨ̀ŋə̀ tèkɨ̂m.

1 Pità 2:11

Soyn sɨmse, ghàyn nyi mə ghàyn tsɛ̀ èndom, ghàyn va əghɨ mbiə fâghe. Ə̀ za nyi eghɛ zɛ ə m chyatə̂ ghàyn nə kə ghàyn ə nə̂ ghɛ ghɛ ə njà se wìynse saynse kyiŋə kûmə̀ nə ghɛ nə ghɨynə nò sezuʼ saynse.

2 Pità 3:18

Pîza ghàyn e ndəmə̂ ndûə kə èshike ə afùʼ, è tɔf ə Pɛ̂pɛze è sɔ̀zà ə̀ ghâsènì Njisə̀s Klâys. Ə pomsêzè ə nyi sê vəyn zôyn, è kɨsè sə teshìŋə̀ tèkɨ̂m! Ə ze ə nyi ke zamə.