Filìpây 2:11 - Ŋwàʼlè ə̀ Fèzhə̀ Mkâyn Mə̂ Fèm

¹¹ ə nâʼàpî ndè pi ə ndayn nə Njisə̀s Klâys nyi Pɛ̂pɛ, È pîə nyi, pomsê ətəynze e ndûə sê Zhə̀fè, ə̀ nyi pɨ̀a.

Filìpây 2:11 ပူးပေါင်းရင်းမြစ်များ

Matyò 10:32

Ghɨ ghɛ ə pîə ə ndayn nə ə nyi ghɨmə, M tə nə̂ kəpî èghɨ sê ghənə ə pɨ̀a vɨ̂mvè əshi ekwùtwəyn.

Tom èchùŋ kè kə Lûk tè nyaʼ 2:11

Ə̀ piə Tsàmtè se ghàyn ndâyn ə tɔ̂ŋ ə̀ Ndàfît, ə̀ nyi Klâys Pɛ̂pɛ.

Njɔyn 12:42

Nâʼà pîza, ghɨ ə chisə è ghɨ Njûs yîghe ə pomə sê Njisə̀s, tsɨ̀ə kə nyi, pîza ə tàʼa fɨ ə ndayn kûmə̀ nə ghənə tè fànə nə ə fɨ, ə ghɨə Falàsîə chum ghənə ə ndɛ̂ atsɨ̀ynte.

Njɔyn 13:13

Ghàyn tɔŋtə̂ mi nə tyə̀ynsè, fɨnə tɔŋtə̂ nə Pɛ̂pɛ, e nyi ke nâʼà səmɔʼ kûmə̀ nə ə̀ lote nyi àfɨa kɛ m nyi kəynke.

Njɔyn 13:14

Ə Mi vɛ M nyi Pɛ̂pɛ è Tyə̀ynsè vâynvè ə kwùʼtè shu ghol ghanə, è za nyi nə pîndè ə ghàyn ə fètəyn kyi sə̂ shûə ə̀gholə ànyì vəynghe.

Njɔyn 14:13

M nə̀ nə̂ nâʼàpî èghɛ èkè zɛ ə ghàyn pfɨf ə Mi ezə, kə Pɨ̀a tyəyn pomsê ə vəynze tɔynə̂ ə Vayn.

Njɔyn 14:23

Njisə̀s ə pə̀ynsə̀ sê vəyn nə, “Ghɨ ghɛ ə kɔ̂ŋɔ̀ Mi nə̀ ndə̂mə̀ tè zaʼlê tɨmte. Pɨ̀a vɨm tə kɔ̂ŋɔ̀ ghənə, ə Pɨ̀a vɨm è Mi tə pəyn se ghənə ə ndam ghasè ghənə.

Njɔyn 17:1

Ə pə̀ kə Njisə̀s wàmnè mɨ̂sè ghɛ nə ghɨ̂yn ə naynə̂ kɔʼsə̂ è kwùtwəyn ə tsə̀mə̀ nə, “Pɛ̂, shîŋə̀kè ə kwəyn zôyn. Fo pomsê ekayntəze sê Vayn vɛ, kə Vayn vɛ̂vè fo pomsê ekayntəze sê Ghò,

Njɔyn 20:28

Tɔ̀mɔ̂s ə pìə se Vəyn nə, “Pɛ̂pɛ Vɨm, Zhə̀ fɨmfe!”

Njɔyn 5:23

È nəyn nyi kə ghɨghe əkɨ̂m ə ngɨmnə̂ Vayn kè eghɨ kə ə ngɨmnə Pɨ̀a. Nâʼàpî ndè vɛ ə è ngɨmnə va Vayn, vayn kàʼa è ngɨmne Pɨ̀a vɛ ə È tom Vâ ə̀təyn.

Njɔyn 9:22

Pɨ̀a vəyn yî nyì ə̀ vəyn tè wàmnə̀ nyî kûmə̀ kə ghənə tè fànə ghɨə chisə ghɨə Njûsghè. Ghənə tè nyi mə ə ndə̀m nə ə̀ tɔ̀ʼ pi ndè nə Njisə̀s nyi wùə vɛ ə nyi mə chɔʼ ndəm, ə chum vəyn, ə è və fɨnə njiə va ə ndɛ̂ atsɨ̀ynte.

Ətefɨ̂aʼ 10:36

Ghàyn nyiə ke tom zɛ ə Zhə̀fè tè tom sê ghɨə Isìlâyghè, ə̀ nyi tom èchùŋ zɛ ə è pə̀ è pɔ̂ynè tɔynə̂ ə Njisə̀s Klâys. Njisə̀s nə vɨ̂yn nyi Pɛ̂pɛ sê ghɨghe əkɨ̂m.

Ətefɨ̂aʼ 2:36

Pità ə fɨnə pîə nə, “Ghàyn ghɨə Isìlâyghè ə̀kɨ̂m, ghàyn ə ke səmɔʼ nə m wàmnə̀ kûmə̀ Njisə̀s vɛ ə ghàyn tè nəyn ə payntə̂ Vəyn ə awâmnè, pîza Zhə̀fè ə nə̀ nə è və nyi Pɛ̂pɛ, fɨyn nyi vɛ ə chɔʼ ndə̂m.”

Ŋwàʼlè ə̀ Pɔ̂l sê ghɨə Lûmghè 14:11

Ə nyàʼ ə ŋwàʼlè ə Fèzhə̀ nə, “Zhə̀fè pi nə, kè kə m nyi Fezhə̀ fɛ ə m ndamə, pî ndè pə̀ tɨmə ə̀ ngwùʼ ə mì əshi, ə nâʼàpî ndè tsɛ̀ fɨaʼtèzè nə m nyi Fezhə̀.”

Ŋwàʼlè ə̀ Pɔ̂l sê ghɨə Lûmghè 14:9

Ghɛ zɛ ə ze tè nəyn kə Klâys kwu, ə è zomə, ə è və nyi ètwɔ, nyi kə è və nyi Pɛ̂pɛ se ghɨ ghɛ ə nyi mə ə kwu è ghɛ ə ghe nyi etwɔ.

Ŋwàʼlè ə̀ Pɔ̂l sê ghɨə Lûmghè 15:9

È tè pə̀yn se nə̀yn nə ghɨə ghɛ ə̀ va əghɨ ə Njûsghè ə pɔmsə̂ Fèzhə̀ ə Fəynfe ekosê esəynze. E nyi kə nyâʼ ə ŋwàʼlè ə̀ Fèzhə̀ nə, “Nyiəmə m tə tsîtə̀ ghò ə fètə̂ ə̀ghɨ ghɛ ə vachi ə̀ghɨ ə Njûsghè. M nə zhəmə sènjàŋ tsitə̀ èzə zɛze.”

1 Kɔlìŋ 12:3

M kyiŋə nə ghàyn ke nə wùə vîvè va mə chisə Sèzuʼ sə Fezhə̀sè è vəyn ə è kàʼa è pi nə, “Ə ndi ə Njisə̀s ə tu” mə wùə vîvè vayn kàʼa è pi nə, “Njisə̀s nyi Pɛ̂pɛ,” mə ə̀ chisə va Zuʼse Ŋwaʼase vəyn.

1 Kɔlìŋ 15:47

Andàm ə̀shi vɛ ə tè fɛte mchi tè pə̀yn mchi, Andàm e kòmtə ə pə̀ ekwùtwəyn.

1 Kɔlìŋ 8:6

Pîza ghâsènì, e ke nə, Zhə̀fè nyì ke fèmɔ̀ʼ, mə za nyi Pɨ̀a. Ə̀ fɛte Vəyn fɨave ekɨ̂m, ghâsènì e ndamə mə ə zaʼnə̂ kə se vəyn. Ə̀ fɨyn nyi ke Pɛ̂pɛ emɔ̀ʼ, mə ə̀ za nyi Njisə̀s Klâys, mə ə tè fɛte efɨa ekɨ̂m toynə̂ ə Vəyn, ghâsènì nə ndamə kə kûmə̀ vəyn.

1 Pità 1:21

Ə̀ nyi kûmə̀ Klâys nə vɨ̂yn ə ghàyn pomə sê Zhə̀ fɛ ə fe tè zômsè vəyn, ə ndə̀mə̀ vəyn elùʼ engaŋtəve, ghɛ ətəynze e nə̂, ghàyn e kyi èkyî epomə̂zè, è kɨsè kwaʼtè elɨmtəze sê Zhə̀fè.

1 Njɔyn 4:15

Nâʼàpî ndè vɛ ə è pì nə Njisə̀s nyi Va Fèzhə̀, è və nyi sə afɨa amɔ̀ʼ yî Zhə̀fè, Zhə̀fè e nyi sə afɨa amɔ̀ʼ yî vəyn.

1 Njɔyn 4:2

Ghɛ zɛ ə ghàyn kaʼa ə ghàyn nəyn se ke nə wùə kyi tê Sèzuʼ sə Fezhə̀ nyi nə, nâʼàpî ndè vɛ ə è pì nə Njisə̀s Klâys te pə̀yn ə mbi ewìyn ə wûə m̀sɔ̀ŋve, ə nyi mə è nyîə kyi Sèzuʼ sə Fezhə̀ sè.

2 Njɔyn 1:7

Ghɨə akaŋ ghə fɨ kwîə tsɛ̂ ə mbi, tsɨ̀ə kə nyi, pomə̂ va nə Njisə̀s Klâys ə tə pə̀ ə chi ewiyn ə wûəvè. Nâʼàpî ndè əfètə̂ ə̀ ghɨ nə ghɨyn nyi pàyn ə Klâys, lesə̂ əghɨ.

Etyə̂yn ə paynsêzè 3:5

Ghɨ ghɛ ə ghe nò zhi tə lafə kəpî famə endom è ndzɨs se fɨfə̂sè. M tə kəʼsə̂ va zə ə ghənə̂ghè ə ŋwàʼlè zɛ ə ghɨ ghɛ ə ghe kyi ndam zɛ ə ze tə mîə va nyi ətəyn. M tə tyəmə̂ pìə kə nâʼà ə ndayn nə m ke ndô ghənə ə Pɨ̀a vɨm və shi yî tsì sə vəynse.