Filìpây 2:10 - Ŋwàʼlè ə̀ Fèzhə̀ Mkâyn Mə̂ Fèm

¹⁰ Zhə̀fè tè nəyn zɨnə mə kə nâʼàpî àshîŋə̀ àkè ə tɔŋte zə ə Njisə̀s nə zɨ̂yn, nâʼàpî àkè kɛ ke nyi, kɨ̀sə ke nyi ekwùtwəyn kɨ̀sə ke nyi ə chi kɨ̀sə ke nyi nâʼàpî etyə̂ àchi ə ngwûʼə̂ ə chi ngɨmnə̂ Njisə̀s,

Filìpây 2:10 ပူးပေါင်းရင်းမြစ်များ

Matyò 12:40

Njonà tè nyi ə mbwɔ̀ èghaʼâ ke ndwɔ̀ sə mtuʼ mta. Kè eghɨ ə̀ nyi nyiə mə kə Va Wùə tè nyi etyiə m̀chi sə mtuʼ mta.

Matyò 27:29

Ghənə ə ke pɛ afɔ m̀sòlèndzɔŋke ə sò ə vəyn atu ə fɨnə ndə̂mə̀ mbàŋ ə̀ fèngɔ ə vəyn agho etwɔke, ə se tɨm əngwuʼ ə vəyn əshi sè nyə̂ʼsə̀. Ghənə tè piə nə, “Ndam e tyâzè ə fɔ̀yn ə̀ ghɨə Njûsghè!”

Matyò 28:18

Njisə̀s ə kɨŋtə̂ paʼsə̂ ndûə sê ghənə ə pìə nə, “Zhə̀fè ə fo tyaʼke akɨ̂m sê mi ekwùtwəyn è kɨsè ə chi.

Ŋwàʼlè ə̀ Pɔ̂l sê ghɨə Lûmghè 11:4

Ə̀ nyi apə̂ynse àkè ə Zhə̀fè tè fo sê vəyn ə? È tè pə̀ynse vəyn nə, “Mə ndə̀m ghɨ kamse esɛ̀mbɛ nə ə̂ nyi ə̀ghɨ ghɨmghe. Ghənə nyi əghɨ ghɛ ə ngɨmnə va Pâl, ə̀ nyi Fèzhə̀ fə akaŋfe.”

Ɛfesùs 1:10

Zhə̀fè ə ndə̀m nə tuʼfe tə kwənə, ə Fe tsɨynte fɨave ekɨ̂m ekwùtwəyn ə Fe fɨyn tsɨ̂yntè ə chi ə Fe ndə̂m ke ə Klâys etyə̀.

Ɛfesùs 3:14

Ə̀ za nyi eghɛ zɛ ə ze nə̂yn m vɛ m tɨm ndzɨs ghɨmə ə Pɨ̀a ə shi tsə̂mə̀ sê ghàyn,

Ɛfesùs 4:9

Ə sè pìə nə è və tè “Kɔʼ elùʼ vɛ ə ve ngaŋtə kwəynə” e tyə̂nə̀ nə è və tè tso mɨ̀se ke nâʼà fa əchi?

Ipilù 1:6

Ə̀ tè nyi kepî kə Zhə̀fè kyiŋə se tomə Va vəyn ve ndomə̀ sə shi, ə pìə nə, “Tsì sə Fezhə̀sè nâʼà sèkɨ̂m kyi sə̂ ngɨmnə̂ vəyn.”

Etyə̂yn ə paynsêzè 20:13

Ghɨ ghɛ ə ghe tè kwute enjwì ə fengwaŋve ə ndùə nə Zhə̀fè saʼ ghənə. Ghɨə ghɛ ə kwuze è ndaʼ əghɨ ə kwuəze tè kyi ə tə fɨ ndu kepî nə Zhə̀fè saʼ ghənə. Zhə̀fè ə tè saʼ ghənə mə fe chûmtə̀ kə èghɛ zɛ ə nâʼàpî ndè tè nə̂.

Etyə̂yn ə paynsêzè 4:10

chəʼ sɛ mghɨm pɛ̀ njòse kyàʼ ə tɨmə ə̀ngwuʼ ə wùə vɛ əshi ə è tsɨs əfekyə̀ fə efɔ̀ynfè za ngɨmnə̂ vəyn vɛ ə è ndamə sə teshìŋə̀ tekɨ̂m. Ghənə tè màʼà kepî fɔ ə ghənə̂ və tefɔ̀ynvè ashi ə fèkyə̂ fə efɔ̀yn nə fɛ, pìə nə,

Etyə̂yn ə paynsêzè 5:3

Pîza wùə e va ekwùtwəyn, va ə chi, va endaʼ ə ghɨ ekwuəze kə è tè kàʼa ə è zhəyn ŋwàʼlè èngɛ ə̀təyn ə è naynə fe eghɛ zɛ ə ze nyi əfètə̂ ə̀təyn.