Filìpây 1:7 - Ŋwàʼlè ə̀ Fèzhə̀ Mkâyn Mə̂ Fèm

⁷ M vayn kàʼa m faŋ sə̂ kwaʼtə̀ èndom vɛ m kwaʼtə̀ ətəyn kûmə̀ ghàyn kûmə̀ nə ghàyn nyi ə̀ kɔ̂ŋə̀ mi nâʼà sə ŋaŋ. Zhə̀fè ə tyə̀yn təm ə Vəynghe, ghe ghɛ ghe nə̂yn nə ghâsènì ə fɨaʼà sə afɨa àmɔ̀ʼ, kɨ̀sə m nyi ə chaʼ kɨ̀sə m tyəm tsɛ̀ èsaʼ kûmə̀ tom èchùŋ, zaʼlə əghɨ nə ə ke nə è nyi səmɔʼ.

Filìpây 1:7 ပူးပေါင်းရင်းမြစ်များ

Ətefɨ̂aʼ 20:23

M ke ke nə nâʼà pî endaʼ èkè, Zuʼse Ŋwaʼase nyi mə sə fo fɨ̀as se mi nə ndɛ ə̀ chaʼ è tsôstè lɨmtə̂ mi.

Ətefɨ̂aʼ 21:33

Tuə sesôkə̀ʼ nə kɛ ə ndùə pîə nə ə kyi Pɔ̂l ə fâ vəyn è chaʼ sepɛ̀, ə pfɨfə sê ghɨ ətəynghe nə, “Ə̀ vɨ̀nə mə nyi nde? è kɨ̂sè nə è pi nə ghe?”

1 Kɔlìŋ 13:7

Wùə vɛ ə è kɔ̂ŋè, è pɔ tsɛ̂ va, shîŋə̀ tekɨ̂m è nyiə kyi èpomə, è nyiə kwaʼtə̀ lɨmtə̂ se kyî afɨa kɛ ə è lɨmtə, kyi kepî èwəynsê ewìynze.

1 Kɔlìŋ 9:23

M nə̂ ə̀ghɛ nə ghɨnə̀ ə̀kɨ̂m kə ghɨ setsɨ̀ setsɨ̀ zɨ tom èchùŋ kûmə̀ Klâys kè se nə̀yn nə tom èchùŋ zham nduke èshike kə̂ m pɔŋ kyî epɔsê zɛ ə ze nyi ətəyn.

2 Kolìŋ 3:2

Ghàyn è ngɨŋ saynse nyi ŋwàʼlè zâszè mə ə nyàʼ ə ghàs ətəm nə nâʼàpî ndè ke ə è tɔŋɔ.

2 Kolìŋ 7:3

M pìə va ghɛ nə ghɨ̂yn se pì nə ghàyn ə nə̀yn pofsê ghɛze. M se nyi mə mə pì nə ghàs nyîə kɔ̂ŋɔ̀ ghàyn nâʼà sə ŋaŋ, nyi sə̂ pa kɔ̂ŋɔ̀ kə ndò ghàyn, kə kyàyn pî ghè.

Ngàleshyà 5:6

E nyi nyî kûmə̀ nə ə ghâsènì se nyi ghasènìghə̀ Klâys Njisə̀s, kɨ̀sə wùə se nam ə vəynghe kə è tàʼa se zemə kwiynə̂ va ghɛ zhîze. Ghɛ etɛ zɛ ə ze nyi, nyi se tyə̀yn ekyî epomə̂zè tɔynə̂ ekɔ̀ŋ.

Ɛfesùs 3:1

Ə̀ nyi ke kûmə̀ ètsɨ̂yntè ə ghâsènì nə zɨ̂nə̀ ə m tsə̂mə̀ sê Zhə̀fè kûmə̀ ghàyn. M nyi wùə ə ndɛ̂ chaʼ kûmə̀ èfɨ̀aʼ zɛ ə Klâys Njisə̀s fo sê mi nə mə ndàʼà tom èchùŋ sê ghàyn ghɨ etumə.

Ɛfesùs 4:1

M sè chyatə̂ ghàyn kûmə̀ èfɨ̀aʼ nə zɨ̂nə̀ ə Pɛ̂pɛ nə̂yn sê ghâsènì nə, ghàyn nə ndamə tèndam, te kwəynə̂ endom vɛ ə Zhə̀fè tè kyiŋə nə ghàyn ə ndamə ətəyn etuʼ vɛ fe tè tɔŋɔ fɨse ghàyn. Ghàyn ke nə m nyi nyî, nyi wùə ə ndɛ̂ chaʼ kûmə̀ efɨ̀aʼ zɛ m nə̂ sê Pɛ̂pɛ.

Ɛfesùs 6:20

M nyi mə tom nə m pəyn ə mə ndâʼà tom èchùŋ nə zɨ̂yn nâʼà pî kə m nyi zôyn ə chaʼ. Ghàyn tsə̂m nə mə tsâ kè kə m kyi sə̂ tsâ, fànə̀ va fɨake.

Filìpây 1:12

Ghɔnyì ghɨmghe kɔ̀ŋghè, m kyiŋə nə ghàyn ə ke nə ghɛ ghɨnə̀ ə ghe kyânə̀ sê mi nyiə pɨlə tsâmtə̀ se nə̀yn nə tom èchùŋ ə̀ Fèzhə̀ nə ndûə èshike.

Filìpây 1:13

Nâʼà sèsokə̀ʼ sɛ ə se tsɨ̀ŋnə̀ tɔʼ sèkɨ̂m, è ghɨ fa nâʼà ə̀kɨ̂m ke ndô nə m nyi ə ndɛ̂ ə̀ chaʼ kûmə̀ nə m fɨaʼà sê Klâys.

Filìpây 1:14

Ndɛ chaʼ zɨ̂nə̀ ə m nyi ətəyn ə nə̀yn ghɨə pomə setsɨ̀ ghɛ ghe fɨyn fɛte fo təm ə ghənə̂ghè sê Pɛ̂pɛ kûmə̀ èghɛ zɛ ə ghənə fe kə è nə̀yn sê mi. Ghənə e sè ndaʼà tom ə̀ Fèzhə̀ zôyn è təm ə tɛ fɨnə fànə̀ va wùə.

Filìpây 1:5

M fo àzɔ̀ŋnè nyi kûmə̀ kə ghàyn tsàmtè mi sə̂ tsâ tom èchùŋ zɨ̀yn kè se zhə̀tè etuʼ vɛ ə ghàyn tè zɨ tom nə zɨ̂yn se kɔʼɔ zaʼâ ndàyn.

Filìpây 2:22

Ghàyn ngɨŋ saynse əkɨ̂m ke ndô kə Timotì va nyi mə è və chwìtè nə zhi nyîə fɨaʼà tsɔ̂fsə̀. È nə̀ èfɨaʼ ə ndaʼa nə tom èchùŋ kè kə vayn nə̂ fɨaʼà yî pɨ̀a.

Filìpây 4:14

Pîza, e tè nyiə tsɔ̂fə̀ kə ghàyn tè tsàmte mi ə mì əfètəyn ètsòs.

Filìpây 4:15

Ghàyn ghɨ ə Filìpâyghè, ghàyn nyiə fɛte ke nə shîŋə̀ kɛ m tè zhə̀te se ndàʼa tom èchùŋ mə m ndo pə̂yn ə Masèndonyà, ə̀ tè nyi ghàyn ghɨə Fezhə̀ ə shighe se tsàmtə mi. Ə̀ nyeʼe nyi ke ghàyn kə tè tsàmte mi.

Filìpây 4:3

M wamnə̀ kəpî sè ghò soyn vɨm vɛ ə ghasè vəyn fɨaʼà əmɔʼ, m kyiŋə nə ò tsamte zəyn ghɨ̀nə ə ghənə ə nyi sə eghɛ èmɔ̀ʼ mə ə zɔ̂ va. Zəyn nə ghɨnə mə əpɛ̀, è Klimə̀yn, è ghɨ fɨ̀aʼa ə mɔ̀ʼɔghe tè nyi ə mì etipì. Ghasè ghənə ə fɨ̂aʼ nâʼà sə atyaʼ se ndàʼa ə tom èchùŋ. Zə ə ghənə̂ghè əkɨ̂m nyi ə ŋwàʼlè èndam.

Kòlosè 4:18

Ə̀ zɨnə zɔ̂yn nyaʼ mi è gho kɨmke nə, tɔŋtêzè sê ghàyn mə ze ndô pə̂ se Pɔ̂l. Kə ghàyn lɛse nə m nyi ə ndɛ̂ chaʼ. Ə fùʼ ə Fezhə̀kè ə nyi ghâynghə̀ ghənə.

Kòlosè 4:3

Ghàyn e pɔŋɔ tsə̂mə̀ sê ghàs nə, Zhə̀fè nəyn ə ghàs kyi zhəm echûŋkè se ndàʼà ə tom kûmə̀ ə̀ghɛ ə ndətə ə Klâysghè. Kûmə̀ nə m nyi ə ndɛ ə̀ chaʼ kûmə̀ tom èchùŋ nə zɨ̂nə̀.

1 Tèsàlonikà 5:5

M piə nyî kûmə̀ nə ghàyn əkɨ̂m nə̀ ə̀ghɛ àchûŋ, ndamə chichi, mə ze nyi kepî eghɨ kə ndamə epayn, nyi ə̀ghɨ zo chwîghè.

2 Timotì 1:8

E za tyə̀nə̀ nə ò kyi va sə̂ ghomə̂ se tsàyn eghɛ zɛ ò ke kûmə̀ Pɛ̂pɛ, pî sə ghomə̂ kûmə̀ mi, ə wùə ndɛ ə̀chaʼ kûmə̀ Klâys. Pɨl njì vɛve nə eluʼ sə̂ zɨə ngəʼ kûmə̀ tom èchùŋ, kè kə Zhə̀fè fo ghô è tyaʼke.

2 Timotì 2:9

Kè kûmə̀ nə m ndaʼà tom èchùŋ, m zɨə ètsôs, fɨyn nyi mə ə kol mi kə wùə ndɛ ə̀chaʼ. Pîza ə paʼà fà ghɛ ə Fezhə̀zè ə sechaʼ.

Filemùyn 1:13

Kə m se nyi ə ndɛ̂ əchaʼ nyi kûmə̀ nə m ndaʼà tom èchùŋ, m fè kàʼa mə kɔ̀ŋɔ̀ se ndə̀m ə vəyn nə è faŋ kè fàyn kə è nji luʼ vɛve ə è və tsâmtə̀ mi,

Ipilù 3:1

E za nyi nə ghàyn kyi se fɛtə̂ ndə̀mə ekwâʼtè zaynze sê Njisə̀s ə ghɔnyìə ghɨm ghe Ŋwaʼa ghɛ ə Zhə̀fè pɔŋ tɔŋɔ nə ghàyn ə nyi ə̀ghɨ vəynghe. Ə̀ nyi vəyn vɛ ə ghâsènì njì kə wùətom ə̀ ghâsènì è wùə èkɔʼsə nə èshyə̀ èngaŋtə kwəynə.

1 Pità 4:13

Ghàyn e pɨlə saŋnə̂ nə ghàyn pɔŋɔ fe ngəʼ kèpi kə Klâys kə è tə pî è kɛsə̂ pə̂ endom ekayntə vîve, ə ghàyn ə saŋnə̂ nâʼà sə ŋaŋ.

1 Pità 5:1

Ə mi kèpî kə chəʼ, ə wùə vɛ ə m tsâ sê ghɨ kə Klâys tè fe ngəʼ, mə m nyi wùə mə pomsê ə Klâyszè tə pə̂ kəpî sê mi, m chyatə̂ ghàyn nə,

2 Pità 1:13

M kwaʼtə̀ nə ə̀ nyi efə̂ zɨmze nə mə pɨ̂əytə̀ ghàyn famə əghɛ kè kə m pa ndamə.

1 Njɔyn 3:14

Ghâsènì ke ndô nə ghâsènì ə tɛ tsɛ tyaʼa ekwuke, kyi èndam zɛ ə ze tə mîə va, kûmə̀ èkɔ̂ŋ zɛ ə ghâsènì kyi sê ghɔnyì ə ghasènìghe. Wùə vɛ ə è kɔ̀ŋɔ̀ va ghɔnyiə vəynghe pa nyi ke etyə̂ àtyaʼ ə ekwuke.