Filìpây 1:26 - Ŋwàʼlè ə̀ Fèzhə̀ Mkâyn Mə̂ Fèm

²⁶ M nə̂ nyiə kə m piə m kɛsə pə̂ sê ghàyn, ə ghàyn ə tɔ̀ʼɔ̀ tyalə kûmə̀ èghɛ zɛ ə Klâys Njisə̀s nə̀yn se ghàyn tɔynə̂ mi.

Filìpây 1:26 ပူးပေါင်းရင်းမြစ်များ

2 Kolìŋ 5:12

Ghàs fɨnə mɔ̂msə̀ va se tsàyn se ghàyn fɨa kɛ ə ghàs nyi kəynke. Pîza ghàs pɨlə kyiŋə nə ghàyn ə kyi eghɛ sə pfɨ̂nə̀ fètwɔ̀ʼ kûmə̀ ghàs, kə ghàyn ə ke sə̂ pə̀ynsə̀ ə̀ghɨ ghɛ ə ghe pfɨnə̀ fètwɔ̀ʼ kûmə̀ əghɛ ghɛ ə fe əghɨ ghe endam, zâmaʼà zɛ ə ze nyi ə ghɨ ətəynghe ətəm.

Filìpây 4:4

Ghàyn e saŋnə̂ shiŋə̀ tekɨ̂m kûmə̀ nə ghàyn nyi əghɨ ə Pɛ̂pɛghe. M pa piə kwəynsə̂ kə ndò nə ghàyn ə saŋnə̂.

Filìpây 3:3

Ə̀ nyi ghâsènì kə nyi mə ə se nam ə ghasènìghe endom vɛ ə kyi se se ətəyn. Zuʼse tsâmtə̀ ghâsènì nə ghâsènì ə ngɨmnə̂ Fèzhə̀. Ghâsènì nyiə saŋnə̂ kə ghâsènì nyì sə afɨa àmɔ̀ʼ ghasènìəghə̀ Njisə̀s Klâys. Ghâsènì ke ndô nə ghɨ msɔ̀ŋghe vayn tsàmtə ghâsènì.

Filìpây 4:10

Kə m nyi ə Pɛ̂pɛ apàs, e nə̂ mi m saŋnə̂ nâʼà sə ŋaŋ. Kûmə̀ nə ghàyn ə tyə̀yn nə ghàyn nyiə tɔ̂ʼnə̀ se mi. M ke ndò nə ghàyn nyiə kyi èkwaʼtè sə tɔ̂ʼnə̀ è shîŋə̀ tèkɨ̂m, pîza ghàyn paʼà kyi zhəm ə təynke se nə̀yn zamə.

Filìpây 3:1

Se mɨ̂sè ə ghɔnyì ghɨmə, ghàyn e saŋnə̂ nə ghâynghə̀ Pɛ̂pɛ nyi sə afɨa əmɔʼ. M pâʼà pɔ sə̂ nyâʼà zɔmtə̂ ə̀ghɛ mə m se nyi mə mə nyàʼ. Ghɛ nə ghɨnə nyi ke se tsɨ̀ŋnè ə ghàyn.

2 Kolìŋ 7:6

Pîza Zhə̀ fɛ ə fe fo təmə ə nə̀, pə̂ Taytùs zè ə fo ghàs è təmə.

Njɔyn 16:24

Se zaʼâ zôyn, ghàyn pâʼà pfɨf fɨa kyîke ə Mì ezə. Ghàyn pfɨf, kə ə fo sê ghàyn, kə saŋnê zaynze ə nyi mə zə lwiyn kwəyn.”

Njɔyn 16:22

Ə̀ nyi zamə kə ze nyi sê ghàyn, zôyn ghàyn nyîə nyi èkosê esəyn, pîza M nə fe kwəynsə̂ ghàyn, ə təm ghaynghe ə nyi mə ghə lwiyn èsaŋnêzè, e kyì esaŋnê zɛ ə wùə vayn kàʼa e fi tsɨ̂sè se ghàyn.

2 Kolìŋ 7:4

M fɛte ke ndò ghàyn, pfɨnə̀ àngàŋtè nâʼà sə ŋaŋ kûmə̀ ghàyn, ə ghàs ə tetsòs tèkɨ̂m, m pa kyi kendò təmə ghaʼâghè, nyi mə mə lwiyn èsaŋnêzè.

2 Kolìŋ 7:14

M tè nyîə pfɨnə̀ àngàŋtè kûmə̀ ghàyn sê vəyn, ghànə tàʼa ghomsə̂ mi. Ghàs ndamə wàmnə̀ kə səmɔʼ sê ghàyn. Naʼapi ghè vɛ ə ghàs tè pfɨyn ngàŋtèkè sê Taytùs kûmə̀ ghàyn tè fɨyn fɨ ke səmɔʼ.

Ngàleshyà 6:4

Nâʼàpî ndè fɛte nayne èndam əvəyn zə ngɨŋ. Ə e tsɔ̂fə̀, ə è və tyalə ə eghɛ zɛ ə è nyi mə è və nə̀yn sə və ngɨŋ, mə è səynə̂ va ngɨŋə̂ vəyn yî wùə vîvè.