Filìpây 1:25 - Ŋwàʼlè ə̀ Fèzhə̀ Mkâyn Mə̂ Fèm

²⁵ M ke kol ndò ghɛ zɨ̀yn, ə za nyi eghɛ zɛ ə ze nə̂yn nə pəyn m mə nyi è ghàyn əkɨ̂m kə m tsamte ə ghàyn ndəmə̂, saŋnə̂ ə ghàyn ekyî epomə̂zè.

Filìpây 1:25 ပူးပေါင်းရင်းမြစ်များ

Filìpây 2:24

M samsə̂ se Pɛ̂pɛ nə mi è ngɨŋ zɨ̂mè nə̀ kwuʼtə̀ pə̂ fe ndò ghàyn.

2 Kolìŋ 1:24

Ghàs mɔ̀msə̀ chîəva se ŋamnê ə ghàyn nə ghàyn pomə ghɛ zɛ ə ghàyn kɔ̀ŋə̀ va, ghàs nyîə ke nə ghàyn fɛte tyəm ndò ə ghàyn epomə̂. Ghàs pɨlə fɨaʼà è ghàyn sə ghàyn ə chùŋ.

Ŋwàʼlè ə̀ Pɔ̂l sê ghɨə Lûmghè 15:13

Ə Zhə̀fè mə za nyi eluʼ vɛ ə kwâʼtèzè ndò pə̂ ətəyn, lwiynse ghàyn è saŋnêzè ekɨ̂m, ə ghàyn ə nyi è pɔ̂ynè kûmə̀ èpomə̂ zaynze sê vəyn. Zɨnə mə tə nə̂ ə pomə̂ zaynze ə ndəmə̂ ndûə kə èshike atyaʼ ə Sezuʼ se Ŋwaʼake.

Ŋwàʼlè ə̀ Pɔ̂l sê ghɨə Lûmghè 5:2

Ə̀ chwi vəyn èndomve sê ghâsènì ətə epomə̂ zɛ ə ghâsènì kyi, ze nə̂ nə ghâsènì ə ke àfùʼ ə Fezhə̀kè. Nyiəmə ghâsènì saŋnə̂ nâʼà sə ŋaŋ kûmə̀ nə ghâsènì kyi ndô kwâʼtèzè nə ə tə kyîə èpomsê ə Fezhə̀zè.

Ətefɨ̂aʼ 20:25

Mə kwì ka ə ghàyn ə fètəyn ə̀kɨ̂m ndaʼà tom kûmə̀ èfɔ̂yn ə Fezhə̀vè. Mə zôyn m ke ndô nə wùə se ghàyn tə fɨnə fe va mi.

1 Pità 1:8

Ghàyn nyîə kɔ̂ŋɔ̀ vəyn pi kə ghàyn tàʼa tyəmə fe vəyn, ghàyn e fɨnə pomə sê vəyn, fe pî va vəyn zôyn. Ghàyn e saŋnə nâʼà sə ŋaŋ, endom e kayntə vîve mə wùə vayn kàʼa è tsayn.

Ŋwàʼlè ə̀ Pɔ̂l sê ghɨə Lûmghè 15:29

Shîŋə̀ kɛ ə m pə̂yn sê ghàyn, m ke ndô nə m tə pə̂ è kàyntè èpɔsê ə Klâyszè.

Ŋwàʼlè ə̀ Pɔ̂l sê ghɨə Lûmghè 15:18

M vayn kaʼa m wamne ghɛ zhize ə̀ tsɛ̂ kə va se wàmnè kûmə̀ èfɨaʼ zɛ ə Klâys nə̀yn, m nyi kàʼa m nəyn nə ghɨ ghɛ ə̀ vachi ə̀ghɨ ə Njûsghè ə nə̂ kə Zhə̀fè kyiŋə. Ghɛ ghɛ m wâmnè, è ghɛ ə m nə̂yn nyi əghɛ ghɛ ə ghənə kyi se wàmnè, è kɨsè se nə̀yn.

Ətefɨ̂aʼ 14:22

Nâʼà pi elùʼ èkè vɛ ə ghənə tè nduə fɨə, ghənə ə nə̀ nə ghɨ poməghe tɔʼ kyî èpomə̂ ə ghənə̂zè ə fɨyn ndəm ətəm ə ghənə̂ eghɛ zɛ ə ghənə pomə. Ghənə tè zaʼlə nə, “Ghâsènì kyi se tsɛ tɔynê əfètəyn tètsòs te tsɨ̂ə kə nyi tsɔ̀fə ə se nji elùʼ efɔ̀yn ə Fezhə̀vè.”

Ətefɨ̂aʼ 11:23

Ə pə̀ kə è ndù fɨ fu, ə fe endom vɛ ə Zhə̀fè nyi mə Fe pɔsê ghɨghe, è ve saŋnə̂ nâʼà sə ŋaŋ ə təftə̂ ghənə nə ghənə ə chumtə̀ Fèzhə̀ è təm ə ghənə̂ ghəkɨ̂m.

Tom èchùŋ kè kə Lûk tè nyaʼ 22:32

pîza mə tsə̀m se ghò nə kə̂ pomə zɛze nə pfɨ mɨ̂sè. O kɛse pəyn se mi o nəyn kə təmə ghɔnɛ ghə tɛ.”

Filìpây 1:24

pîza fe nə ə̀ nyì nâʼà èghɛ chûŋ nə m faŋ ə mə ndamə kè kûmə̀ kə ghàyn.

Filemùyn 1:22

Se kwəynse, m chyatə̂ nə ò fɛte luʼ e ndaməve ə ghò ndɛ sê mi kûmə̀ nə m kwaʼtə̀ lɨmtə̂ ndò nə, Zhə̀fè nə̀ zɨə ètsə̂m zayn əkɨ̂m ə è nə̀yn ə fɨse mi əchaʼ kə m fɨyn pə̀yn fe ghàyn.