Filìpây 1:19 - Ŋwàʼlè ə̀ Fèzhə̀ Mkâyn Mə̂ Fèm

¹⁹ M saŋnə̂ kûmə̀ nə m ke ndô nə tsə̂m zaynze, è Zuʼsə Njisə̀s Klaysè nə̀ nə̂ mi nə m kyi sɔzaze.

Filìpây 1:19 ပူးပေါင်းရင်းမြစ်များ

Ətefɨ̂aʼ 16:7

Ə tè nyi kə ghənə ndû tâyn ekwàŋ apàs endaʼ ə Maisyàkè, ə mɔ̀msə̀ se njiə tɔynê endomve epɨ̀as endaʼ ə Pìtinyàvè, pîza Zuʼse ə Njisə̀sè ə tàʼa zà nə ghənə nji fu.

Ŋwàʼlè ə̀ Pɔ̂l sê ghɨə Lûmghè 8:28

Ghâsènì kendô nə nâʼà pi èghɛ èkè zɛ ə ze kyâynə̀, Zhə̀fè nə̀ zəynze sə chùŋ ə̀ghɨ̀ ghɛ ə kɔ̂ŋə̀ Fəynfe. Ə ghənə ghɛ è nyi mə È və tɔŋɔ nə ə nəyn kə È kyiŋə.

Ŋwàʼlè ə̀ Pɔ̂l sê ghɨə Lûmghè 8:9

Pîza ghàyn ndamə va kə njà saynse wìynse kyiŋə. Ghàyn pɨlə ndamə kə zuʼse kyiŋə, ezhoghɛ ə zuʼsə Fezhə̀sè ndɨŋ nyi ə ghàyn ətəm. Nâʼàpî ndè vɛ ə è kiva zuʼsə Klaysè, va yî vəyn.

1 Kɔlìŋ 4:17

Ə̀ za nyi eghɛ zɛ m tom Timotì sê ghàyn. È nyi vayn ekɔ̀ŋ vɨ̂mè, m samsə̂ vəyn kûmə̀ nə è chùmtə̀ Pɛ̂pɛ è təm ə vəynghe əkɨ̂m. È nə̀ nə̂ ə ghàyn ə pyə̂ytə̀ èndam zɛ m ndamə kə̂ wùə Klâys Njisə̀s. Ə̀ zɨnə nyi eghɛ zɛ ə m zaʼlə luʼ tekɨ̂m, è kɨsè ndɛ sə Fèzhə̀ sekɨ̂m.

2 Kolìŋ 1:11

kə ghàyn tè tsàmte ghàs tɔynə̂ ə ghàyn etsə̀m se ghàs. E za nyi nə tsə̂m te tsɨə tɛ ə ghàyn tsə̀mə̀ se ghàs tə pə̂ ə tə nyi mə Zhə̀fè ə zɨ ə pə̀ynsə̀, ə Zhə̀fè pɔse ghàs, ə tsɨ̀tsɨ̂ kɔʼse kyə̀ sə ghənə̂sè se fo àzɔ̀ŋnè sê Zhə̀fè sê ghâsènì.

Ngàleshyà 3:5

Zhə̀fè tè fo Sezuʼ sə vəynse sê ghàyn ə fɨnə nə̀ ə̀ghɛ ə kayntəghe ə ghàyn ə fètəyn kûmə̀ kə ghàyn ndə̀mə̀ Lâŋà mə, mə kûmə̀ kə ghàyn zɨ tom è chùŋ ə pomə̂ ə?

Ngàleshyà 4:6

Kə ghàyn se nyi ə̀ghɔyn sê Zhə̀fè, fə fo Zuʼsə Va vəynse ə ghâsènì ətəm, Zuʼsə təynse e pɨa wâmnə̀ è kyə̂ ètɛ tɔŋtə̂ Fèzhə̀ nə, “Pàpa, Pàpa vɨm.”

Filìpây 1:18

Pîza tsôsvè va! kɨ̀sə wùə tsâ tom ə Klâys mə è kaŋkaŋa nə̂ ndò, kɨ̀sə è tsà səmɔʼ m saŋnə̂ kə ndò kûmə̀ nə tom èchùŋ ə̀ Klâys nyîə zhamə ndùə kə əshi.

1 Pità 1:11

mɔ̂msə̀ se kê ashîŋə̀ ə təynke è kɨsè kə ze tə kyânə̀. Ə kɨnə nyi ashîŋə̀ kɛ ə Zuʼse ə Klâys sɛ ə se tè ndamə ə ghənə ə fètəyn tè wàmnə̀ kûmə̀ kəynke, mə se tè pìə nə Klâys nə̀ tɔynə̂ ə sèngəʼ è kɨsè zɛ ə ze tə pə̂ ə ze ə nyi epàmə̂ təyn.