Filìpây 1:17 - Ŋwàʼlè ə̀ Fèzhə̀ Mkâyn Mə̂ Fèm

¹⁷ Ghɨ ghɨ̀nə ndàʼà tom èchùŋ, mə təm ə ghənə̂ghè zo va, nə̂ nyiə mə kûmə̀ nə ghənə kwaʼtə̀ kə se ngɨŋ sə ghənə̂sè. Ghənə nə̂ zamə se kwəynsê akyɨ̀ŋ kɨmke fa ndɛ ə̀chaʼ.

Filìpây 1:17 ပူးပေါင်းရင်းမြစ်များ

Tom èchùŋ kè kə Lûk tè nyaʼ 21:14

Ghàyn ndə̀m ə ghà ə təm nə ghàyn tə kwâʼtə̀ va ghɛ kûmə̀ endom vɛ ə ghàyn ndùə pə̀ynsə̀ ghɛ ghɛ ə pfɨftə̂ sê ghàyn

Ətefɨ̂aʼ 22:1

“Ghɔnyì ghɨmə è pɨ̀a ghɨmə, ghàyn zɨte ghɛ zɛ ə m tyəm ə ghàyn əshi se pì se tsàmtè ə ngɨŋ zɨ̂m.”

Ətefɨ̂aʼ 26:1

Àngɨ̀lipà ə pìə sê Pɔ̂l nə, “Ə fo zhəmke nə ò wàmne ghɛze kûmə̀ ngɨŋ zɛ.” Pɔ̂l ə kyî kɔʼsə̂ kɔʼɔ àgho ekwùtwəyn ə zhə̀tə̀ se saʼ.

Ətefɨ̂aʼ 26:24

Ə pə̀ kə Pɔ̂l wàmnè fa endom se tsàmtè ə ngɨŋə̂ vəyn, Festùs ə pɨa pîə se vəyn nə, “Pɔ̂l! Ò va ə ghò etɔf! laynə̂ etsɨə tsɛsə zə nə̀yn tu kɛa ke ke fɨ səʼ.”

Ŋwàʼlè ə̀ Pɔ̂l sê ghɨə Lûmghè 2:8

Pîza ghɨə mɔ̀ʼɔ kwaʼtə̀ kə se ngɨŋ sə ghənə̂sè, tə se pomə̂ nə ghɛ zɛ ə Zhə̀fè pìə nyì səmɔʼ, ghənə e nə̂ ə̀ghɛ ghɛ ə Zhə̀fè pìə nə ghe tsɔ̂fə̀ va. Zhə̀fè tə tyə̂nə̀ ènyɔ̂ʼsè etɔŋ ə vəyn sê kyì əghɨ̀ nə ghɨ̂yn, ə È pɔynse ghənə.

Filìpây 1:18

Pîza tsôsvè va! kɨ̀sə wùə tsâ tom ə Klâys mə è kaŋkaŋa nə̂ ndò, kɨ̀sə è tsà səmɔʼ m saŋnə̂ kə ndò kûmə̀ nə tom èchùŋ ə̀ Klâys nyîə zhamə ndùə kə əshi.

Filìpây 1:7

M vayn kàʼa m faŋ sə̂ kwaʼtə̀ èndom vɛ m kwaʼtə̀ ətəyn kûmə̀ ghàyn kûmə̀ nə ghàyn nyi ə̀ kɔ̂ŋə̀ mi nâʼà sə ŋaŋ. Zhə̀fè ə tyə̀yn təm ə Vəynghe, ghe ghɛ ghe nə̂yn nə ghâsènì ə fɨaʼà sə afɨa àmɔ̀ʼ, kɨ̀sə m nyi ə chaʼ kɨ̀sə m tyəm tsɛ̀ èsaʼ kûmə̀ tom èchùŋ, zaʼlə əghɨ nə ə ke nə è nyi səmɔʼ.

Filìpây 2:3

Kə ghàyn ə nə ghɛghe kwaʼtə̀ kə sèngɨŋ saynse. Kə ghàyn nə nəyn èghɛ se tyə̀yn eghaŋsê ewìynze, pîza ghàyn nji ngɨŋ saynse əchi ə ndəm nə ghɨ mɔ̀ʼɔ nyiə kɔʼnə̂ tsɛ̂ ghàyn.

1 Timotì 2:7

Ə̀ za nyi eghɛ zɛ ə tè tom mi kə wùətom è wùə èzaʼlə ə̀ghɨ ghɛ ə tè va əghɨ Njûsghè, nə m zaʼle tom èkyî epomə̂ zɛ ə e nyi səmɔʼ sê ghɨ ghɛ ə̀ vachi ə̀ghɨ ə Njûsghè. M wamə chîəva kaŋke, m lotə̂ pîə kə nâʼà èghɛ səmɔʼ!

2 Timotì 2:9

Kè kûmə̀ nə m ndaʼà tom èchùŋ, m zɨə ètsôs, fɨyn nyi mə ə kol mi kə wùə ndɛ ə̀chaʼ. Pîza ə paʼà fà ghɛ ə Fezhə̀zè ə sechaʼ.

2 Timotì 4:16

Ə̀ tè nyi kə m tyəm elùʼ ə saʼ se wàmnè se tyə̀yn nə m paʼà nə̀yn pofsê, ghɨghe əkɨ̂m ə tə zâ mi. Tsə̂m zɨmze nyi nə Zhə̀fè wəyn mâʼà èghɛ nə zɨnə ə ghənə tè nəyn nyi.