Filìpây 1:13 - Ŋwàʼlè ə̀ Fèzhə̀ Mkâyn Mə̂ Fèm

¹³ Nâʼà sèsokə̀ʼ sɛ ə se tsɨ̀ŋnə̀ tɔʼ sèkɨ̂m, è ghɨ fa nâʼà ə̀kɨ̂m ke ndô nə m nyi ə ndɛ̂ ə̀ chaʼ kûmə̀ nə m fɨaʼà sê Klâys.

Filìpây 1:13 ပူးပေါင်းရင်းမြစ်များ

Ətefɨ̂aʼ 26:29

Pɔ̂l ə fɨ̀ysə̀ nə, “Ə̀ kàʼa nyi fèfɨ̂atə̀ fə ashìŋə̀fè, ə̀ kàʼa ə nyi àghaf etyâkè. Tsə̂m zɨme sê Zhə̀fè nyi nə gho è ghɨ ghəkɨ̂m ghɛ ə zɨtə sê mi ndâyn pəyn sə̂ nyi àfɨa kɛ m nyi kəynke, pîza m tsə̂mə̀ va nə ə ndəm ghàyn ə sechaʼ kə nyi mə ə ndə̀m mi zôyn.”

Ətefɨ̂aʼ 26:31

Ə ndò fumə kwîə kâtə̀ ndûə ə̀ghɛ ətəynghe endom piə nə, “Wùə vɨ̀nə paʼà nə̀yn pofsê ghɛze kə ə kaʼa zhwi vəyn pî se ndə̀m ə vəyn ə ndɛ ə̀chaʼ.”

Ətefɨ̂aʼ 28:17

Tuʼmè ə tsɛ̀ m̀ta, Pɔ̂l ə tɔŋɔ̂ àtsɨ̂ynte yighə̀ tu ə ghɨ̀ ə Njûs vɛ ə ve tè nyi ə Lûm. Kə ghənə ə pə̂yn, Pɔ̂l ə pìə sê ghənə nə, “Ghɔnyì ghɨm ghə Isìlâyghè, m tè paʼà nə̀yn pi zhîzè se ghɨ ghɨ̀nə̀, ə tàʼa nə pofsê eghɛ zhîze kûmə̀ ètsɨsə̂ endaʼ zɛ ə pɨ̀a ə ghâsènì ghəshiə tè zà sè ghâsènì. Pîza kə ghɨ ə ghasènìghe tè ko mi Njèlusalɛ̀m ə fo mi sê tu ə ghɨ̀ ə Lûmvè. Nyiəmə, ze tyə̂nə̀ nə m zo fa nyi kə wùə ndɛ ə̀chaʼ.

Ətefɨ̂aʼ 28:20

Ə̀ za nyi eghɛ zɛ m tɔŋə ghàyn nə ghâsènì kate ghɛghe. Se pì səmɔʼ, m kyiŋə nə ghàyn ke nə ə chaʼse nyi ə mì ekɔyn, ə ze ə nyi kûmə̀ wùə vɛ ə ghɨ Isìlâyghè tè nyi mə ndə̀m ə ghənə ətəm nə è tə pə̂.”

Ətefɨ̂aʼ 28:30

Pɔ̂l ə ndamə fu sə sepìŋ sèpɛ̀, ndaʼà zə vəyn nə ndɛ. È tè fiə nâʼà pî ndè vɛ ə è pə̀yn se môtə̀ vəyn è saŋnêzè.

Ɛfesùs 3:1

Ə̀ nyi ke kûmə̀ ètsɨ̂yntè ə ghâsènì nə zɨ̂nə̀ ə m tsə̂mə̀ sê Zhə̀fè kûmə̀ ghàyn. M nyi wùə ə ndɛ̂ chaʼ kûmə̀ èfɨ̀aʼ zɛ ə Klâys Njisə̀s fo sê mi nə mə ndàʼà tom èchùŋ sê ghàyn ghɨ etumə.

Ɛfesùs 4:1

M sè chyatə̂ ghàyn kûmə̀ èfɨ̀aʼ nə zɨ̂nə̀ ə Pɛ̂pɛ nə̂yn sê ghâsènì nə, ghàyn nə ndamə tèndam, te kwəynə̂ endom vɛ ə Zhə̀fè tè kyiŋə nə ghàyn ə ndamə ətəyn etuʼ vɛ fe tè tɔŋɔ fɨse ghàyn. Ghàyn ke nə m nyi nyî, nyi wùə ə ndɛ̂ chaʼ kûmə̀ efɨ̀aʼ zɛ m nə̂ sê Pɛ̂pɛ.

Ɛfesùs 6:20

M nyi mə tom nə m pəyn ə mə ndâʼà tom èchùŋ nə zɨ̂yn nâʼà pî kə m nyi zôyn ə chaʼ. Ghàyn tsə̂m nə mə tsâ kè kə m kyi sə̂ tsâ, fànə̀ va fɨake.

Filìpây 1:30

Ghàyn paʼsê sê mi kə ghâsènì tsɨynte no àngyə̀s ətəynke. Ə̀ kɨnə mə pa nyi àngyə̀s kɛ ə ghàyn tè fe mə m nô ndò sə shi, ə̀ kɨnə mə nyi kəynke ə ghâsènì pa tsɨ̂yntə̀ nô zôyn.

Filìpây 1:7

M vayn kàʼa m faŋ sə̂ kwaʼtə̀ èndom vɛ m kwaʼtə̀ ətəyn kûmə̀ ghàyn kûmə̀ nə ghàyn nyi ə̀ kɔ̂ŋə̀ mi nâʼà sə ŋaŋ. Zhə̀fè ə tyə̀yn təm ə Vəynghe, ghe ghɛ ghe nə̂yn nə ghâsènì ə fɨaʼà sə afɨa àmɔ̀ʼ, kɨ̀sə m nyi ə chaʼ kɨ̀sə m tyəm tsɛ̀ èsaʼ kûmə̀ tom èchùŋ, zaʼlə əghɨ nə ə ke nə è nyi səmɔʼ.

Filìpây 4:22

Ghɨə pomə əmɔ̀ʼɔ ghɛ ə ghe nyi fâyn pi nə m pɔŋ tɔŋte sê ghàyn nâʼà àchûŋ, è sas ə ndɛ Kaysàzè.

2 Timotì 2:9

Kè kûmə̀ nə m ndaʼà tom èchùŋ, m zɨə ètsôs, fɨyn nyi mə ə kol mi kə wùə ndɛ ə̀chaʼ. Pîza ə paʼà fà ghɛ ə Fezhə̀zè ə sechaʼ.