Filìpây 1:12 - Ŋwàʼlè ə̀ Fèzhə̀ Mkâyn Mə̂ Fèm

¹² Ghɔnyì ghɨmghe kɔ̀ŋghè, m kyiŋə nə ghàyn ə ke nə ghɛ ghɨnə̀ ə ghe kyânə̀ sê mi nyiə pɨlə tsâmtə̀ se nə̀yn nə tom èchùŋ ə̀ Fèzhə̀ nə ndûə èshike.

Filìpây 1:12 ပူးပေါင်းရင်းမြစ်များ

Tom èchùŋ kè kə Lûk tè nyaʼ 21:13

Ə̀ za etuʼ vɛ ə ghàyn tə tsâ tom èchùŋ zɨm sê ghənə ətəyn.

Ətefɨ̂aʼ 8:4

Ghɨəpomə ghɛ ə ghe tè təle chyâsè tè ndùə pî ghayn, ndaʼà nduə kə tom èchùŋ.

Ŋwàʼlè ə̀ Pɔ̂l sê ghɨə Lûmghè 8:28

Ghâsènì kendô nə nâʼà pi èghɛ èkè zɛ ə ze kyâynə̀, Zhə̀fè nə̀ zəynze sə chùŋ ə̀ghɨ̀ ghɛ ə kɔ̂ŋə̀ Fəynfe. Ə ghənə ghɛ è nyi mə È və tɔŋɔ nə ə nəyn kə È kyiŋə.

Ŋwàʼlè ə̀ Pɔ̂l sê ghɨə Lûmghè 8:37

Ngaŋngaŋ, ghɛ nə ghɨnə mə əkɨ̂m kyànə̀ ndò pîza, ghâsènì ə tɨm zhi tɔynə̂ sê Klâys vɛ ə È kɔ̀ŋə̀, tsâmtə̀, ghâsènì.

Filìpây 1:5

M fo àzɔ̀ŋnè nyi kûmə̀ kə ghàyn tsàmtè mi sə̂ tsâ tom èchùŋ zɨ̀yn kè se zhə̀tè etuʼ vɛ ə ghàyn tè zɨ tom nə zɨ̂yn se kɔʼɔ zaʼâ ndàyn.

Filìpây 1:7

M vayn kàʼa m faŋ sə̂ kwaʼtə̀ èndom vɛ m kwaʼtə̀ ətəyn kûmə̀ ghàyn kûmə̀ nə ghàyn nyi ə̀ kɔ̂ŋə̀ mi nâʼà sə ŋaŋ. Zhə̀fè ə tyə̀yn təm ə Vəynghe, ghe ghɛ ghe nə̂yn nə ghâsènì ə fɨaʼà sə afɨa àmɔ̀ʼ, kɨ̀sə m nyi ə chaʼ kɨ̀sə m tyəm tsɛ̀ èsaʼ kûmə̀ tom èchùŋ, zaʼlə əghɨ nə ə ke nə è nyi səmɔʼ.

Filìpây 2:22

Ghàyn ngɨŋ saynse əkɨ̂m ke ndô kə Timotì va nyi mə è və chwìtè nə zhi nyîə fɨaʼà tsɔ̂fsə̀. È nə̀ èfɨaʼ ə ndaʼa nə tom èchùŋ kè kə vayn nə̂ fɨaʼà yî pɨ̀a.

Filìpây 4:15

Ghàyn ghɨ ə Filìpâyghè, ghàyn nyiə fɛte ke nə shîŋə̀ kɛ m tè zhə̀te se ndàʼa tom èchùŋ mə m ndo pə̂yn ə Masèndonyà, ə̀ tè nyi ghàyn ghɨə Fezhə̀ ə shighe se tsàmtə mi. Ə̀ nyeʼe nyi ke ghàyn kə tè tsàmte mi.

Filìpây 4:3

M wamnə̀ kəpî sè ghò soyn vɨm vɛ ə ghasè vəyn fɨaʼà əmɔʼ, m kyiŋə nə ò tsamte zəyn ghɨ̀nə ə ghənə ə nyi sə eghɛ èmɔ̀ʼ mə ə zɔ̂ va. Zəyn nə ghɨnə mə əpɛ̀, è Klimə̀yn, è ghɨ fɨ̀aʼa ə mɔ̀ʼɔghe tè nyi ə mì etipì. Ghasè ghənə ə fɨ̂aʼ nâʼà sə atyaʼ se ndàʼa ə tom èchùŋ. Zə ə ghənə̂ghè əkɨ̂m nyi ə ŋwàʼlè èndam.

1 Timotì 2:8

M kyiŋə nə ndômnèghè əkɨ̂m, ə sendɛ sə Fezhə̀ sekɨ̂m ə tsə̂mə̀, ghənə kyi sə̂ ndamə èndam eŋwaʼaze tsɔ̀fə ə sè kɔʼsə ghoghe ekwùtwəyn nə ə tsə̂mə̀ sê Zhə̀fè. Ghənə kyi va sə̂ nyɔʼsə̀ etɔŋ sê wùə vîvè, mə ə ghənə fe kyi pî èzɔ̂ yî wùə, ghənə ə fɛtə̂ èghɛ ətəynze tsɔ̀fə ghənə tsəm.

2 Timotì 2:9

Kè kûmə̀ nə m ndaʼà tom èchùŋ, m zɨə ètsôs, fɨyn nyi mə ə kol mi kə wùə ndɛ ə̀chaʼ. Pîza ə paʼà fà ghɛ ə Fezhə̀zè ə sechaʼ.

2 Timotì 4:17

Pɛ̂pɛ ə tè faŋ ghasè vəyn ə tɔ̀ʼɔ̀ mi kə m kyi tyaʼa se tsàyn ə mɨ̀sè ətom èchùŋ sê ghɨ ghɛ ə̀ tè vachi ə̀ghɨ ə Njûsghè əkɨ̂m, ə fɨnə fɨsə̂ mi ə̂ kwuze echo.