Filìpây 1:10 - Ŋwàʼlè ə̀ Fèzhə̀ Mkâyn Mə̂ Fèm

¹⁰ M tsə̂mə̀ nyî kə ghàyn ə ke èghɛ zɛ ə ze tsɔ̂fə̀ kwənə nyi èzoze kyi va tsasze, kə ghàyn tə nəyn ə kiva ləʼke etuʼ vɛ ə Klâys pə̀yn.

Filìpây 1:10 ပူးပေါင်းရင်းမြစ်များ

Matyò 16:23

Njisə̀s ə kə̀mnə̀ ə pìə sê Pità nə, “Ndò ə Mì ekyàʼ ə ndə̂plè! Ò tàmtə̀ Mi nə kə M nəyn kwaʼtè ə Fezhə̀zè kûmə̀ ghè? Kûmə̀ nə kwâʼtè zɛ nə zɨ̂yn pâʼà ndò se Zhə̀fè, pîza sê wùə m̀sɔ̀ŋ.”

Matyò 26:33

Pità ə pìə sê Njisə̀s nə, “M vayn kaʼa m tə za ghò, pî ezhoghɛ ə ghɨə mɔ̀ʼɔ zâ.”

Njɔyn 1:47

Kə Njisə̀s fe Nàtanyèl e pə̂ se Vəyn, È və wàmnə̀ kûmə̀ vəyn ə pìə nə, “Ə̀ vɨ̀nə nyì ke nâʼà kàyntè ə̀ wùə Isìlây səmɔʼ pìə nə kaŋke va ətəyn.”

Njɔyn 3:20

Ghɨ ghɛ ə nə̂ ghɛ ə piə kɔ̂ŋə̀ va payn, va se pə̀yn fumə ə fètə̂ èpayn kə fanə̀ nə sas ə ghənə̂zè nə̀ panə.

Ətefɨ̂aʼ 24:16

Kûmə̀ zɨnə mə, m mɔ̂msə̀ se nə̀yn nə təm ghɨmghe ə saʼa va mi ə Zhə̀fè shi è kɨsè ə ghɨghe əshi.

Ŋwàʼlè ə̀ Pɔ̂l sê ghɨə Lûmghè 12:2

Kə ghàyn nə ndamə kə njà saynse wìynse kyiŋə, pîza ghàyn pɨl za ə Zhə̀fè fo kwàʼtè efe sê ghàyn, kə ghàyn ə kyi tsɨnè èfe. Zɨnə nə̀ nə̂ ə ghàyn ə ke, nə̂ ə̀ghɛ ghɛ ə Zhə̀fè kyiŋə. Ghàyn nyìə ke chùŋ, ke ə̀ghɛ ghɛ ə ghe nə̂ nə Zhə̀fè ə saŋnə̂, ke ghɛ ə ghe nyi chichi.

Ŋwàʼlè ə̀ Pɔ̂l sê ghɨə Lûmghè 12:9

Ə nâʼàpî ndè ə kɔŋə̀ ə̀ghɨ è təm ə vəynghe əkɨ̂m. Ə nâʼàpî ndè ə pânə̀ pi è təm ə vəynghe əkɨ̂m. Ə nâʼàpî ndè ə fɛtê tyəm sə̂ nə̂ kə èghɛ zɛ ə̀ nyì ze chûŋzè.

Ŋwàʼlè ə̀ Pɔ̂l sê ghɨə Lûmghè 16:17

M chyatə̂ nâʼà sə ŋaŋ ə ghɔnyìə ghɨmə nə ghàyn ə tɔ̂ʼnə̀ è ghɨ ghɛ ə ghe pə̀ è chyâsèzè ə ghàyn əfètəyn, nəʼsə̀ èpomə zayn. Ghənə fo èzaʼlê ə vachi zɛ ə tè zaʼle ghàyn ətəyn. Kə ghàyn ə zɨtə sê ghənə.

Ŋwàʼlè ə̀ Pɔ̂l sê ghɨə Lûmghè 2:18

Ghàyn nyîə ke èghɛ zɛ ə Zhə̀fè kyiŋə nə ghàyn nəyn, ghàyn e ke nə ghàyn kyi se nə̀yn eghɛ zɛ ə ze nyi chichi kè kə lâŋkè nyi mə kə zaʼlê ghàyn.

Ŋwàʼlè ə̀ Pɔ̂l sê ghɨə Lûmghè 7:16

Zôyn kə m nə̂ ghɛ ghɛ ə m kɔ̂ŋə̀ va se nə̀yn, zɛ mə chwîtə̀ nə mə pomə̂ nə lâŋkè nyîə tsɔ̂fə̀.

Ŋwàʼlè ə̀ Pɔ̂l sê ghɨə Lûmghè 7:22

Ə̀ mì əfètə̂ ə̀təm, m kɔ̂ŋə̀ se chùmtè alâŋ ə Fezhə̀kè è təm ghɨmghe əkɨ̂m.

Ŋwàʼlè ə̀ Pɔ̂l sê ghɨə Lûmghè 8:7

Ghɨ ghɛ ə ghe ndamə kə njà sewìynse kyiŋə nyi sèpàyn sə Fezhə̀sè, kûmə̀ nə ghənə ndə̂mə̀ va lâŋ ə Fezhə̀kè, mə ə vayn kaʼa ndəʼ ndəm kəynke.

1 Kɔlìŋ 1:8

È nə̀ tsâmtə̀ nə ghàyn ə kyi ke èpomə̂ sê vəyn se zaʼâ ə kwùŋse, kə ghàyn tə nəyn ə kiva ghâmzè ə ezhoghɛ ə Pɛ̂pɛ ə̀ ghâsènì Njisə̀s Klâys kɛse pə̂yn.

1 Kɔlìŋ 10:32

Ghàyn e ndamə endom kə ve vayn pə̀yn è tsôsvè sê wùə vîvè kɨ̀sə ə̀ nyi əghɨ Njûsə̀, kɨ̀sə ə ghɨ ghɛ ə̀ va əghɨ ə Njûsghè kɨ̀sə əghɨ ə poməghe.

1 Kɔlìŋ 8:13

E za nyi nə ə fɨazhiəve nyi se nə̀yn nə ànyìə vɨmve nəyn pi, m tə tàʼa fɨnə kwɨlə njà, kə ndɔ̀ʼɔ m nəyn ə è pfɨ ə pi.

2 Kolìŋ 1:12

Ghàs nyîə nyi èghaŋse ewìynze kə təm ghasə nə̂ kə ghàs ə ke nə ndam zasze fa mbi, è paynpayn ndom vɛ ə ghâsènì ndamə ətəyn nyi mə ə̀ tè chisê səmɔʼ è təm ə chûŋghè, è kɨsè tyaʼ kɛ ə ke ndô pə̂ afùʼ ə Fezhə̀kè, ə̀ vachi ètɔf eghaʼâ ə mbize.

2 Kolìŋ 2:17

Ghàs va kə tsɨ̀tsɨ̂ ə̀ ghəmɔ̀ʼɔ ghɛ ə ghe nji ghɛ Fezhə̀ sə afɨa ezhɔynke, pəʼlə̂ sə ekɛ. Ə̀ tom Fèzhə̀ ghàs nə ə nə̂ èfɨ̂aʼ nə zɨ̂nə̀, ghàse ndàʼà kə nâʼà səmɔʼ ə Zhə̀fè əshi kə əghɨ efɨaʼa ə Klâysghè.

2 Kolìŋ 6:3

Ghàs kɔ̂ŋɔ̀ va nə wùə vîvè pofse fɨ̂aʼ kaske. Ə̀ za nyi eghɛ zɛ ə ghàs nə̀ va ghɛze kə ze kaʼa ə ze nəyn ə wùə nyɔʼse tɔŋve.

2 Kolìŋ 8:8

M pìə va nyiə nə m fo sə alàŋ, pîza m tyə̂nə̀ kə se ghàyn ndom vɛ ə ghɨ mɔ̀ʼɔ kyiŋə se tsàmtè nâʼà sə ŋaŋ, kə m fe nə kɔ̂ŋ zaynze nyi səmɔʼ mə nyi akaŋ ə.

Ngàleshyà 5:11

Ghàyn ghɛ ə ghâsènì pomə sə eghɛ èmɔ̀ʼ, kûmə̀ ghè ə pa tsə̂fsə̀ mi ezhoghɛ ə m zaʼlə nə ə se ə̀nam ə ghɨ̀ghè ə? Ə ze nyi səmɔʼ, ə zaʼlê zɛ ə m zaʼlə kûmə̀ efɨ̀aʼ ə Njisə̀szè etûə àwâmnè ə fɨnə zafə va ghɨ Njûsə̀.

Ɛfesùs 4:15

Ə ghâsènì pɨlə wàmnə̀ kə səmɔʼ tyə̂nə̀ èkɔ̂ŋ, ə ghâsènì ndəmə ke ndom tekɨ̂m ə nyi kə Klâys vɛ ə è nyi atu sê ghâsènì.

Ɛfesùs 5:10

Ghàyn mɔmse zaʼlê sə̂ ke fɨnə nə̂ ə̀ghɛ ghɛ ə Zhə̀fè kɔ̂ŋɔ̀.

Ɛfesùs 5:27

È tè nəyn nyi kə è tə pi è njìə ndɛ ə̀ Fèzhə̀ sə zhwiə ndom, ə è zə nyi chichi, zo, kyi va liŋze, kyi va tsas zhîze.

Ɛfesùs 6:24

Ə fùʼ ə Fezhə̀kè ə nyi se ghɨghe əkɨ̂m ghɛ ə ghe faŋ kɔ̂ŋɔ̀ kə ndò Pɛ̂pɛə ə̀ ghâsènì Njisə̀s Klâys.

Filìpây 1:16

Ghɨ nə ghɨ̀nə̀ ə ghe ndaʼà è təm əchûŋə̀, ə ndàʼà kûmə̀ kə ghənə kɔ̂ŋɔ̀ mi, ke nə ə fa mi ə ndɛ̂ chaʼ kûmə̀ nə m tè pìə nə tom èchùŋ ə̀ Fèzhə̀ nyì səmɔʼ.

Filìpây 1:6

M ke ndô səmɔʼ nə ghàyn tə mɨ̂sə̀ ndò fɨ̂aʼ echûŋ nə zɨ̂yn ə Zhə̀fè zhə̀tè ə ghàyn əfètəyn nyî tsɔ̀fə Klâys se pə̀yn.

Filìpây 2:16

Ghàyn fɛte kyî tom èchùŋ nə zɨ̂yn ə è fo ndame nyî, kə shîŋə̀ kɛ ə Klâys tə kɛsə pə̂ ətəyn, m mə nyi kàʼa m ghaŋse wiynve nə m tè nyɨŋə chîəva nyɨŋ nə zɨ̂nə̀ mə sə ndò, è kɨsè nə fɨ̂aʼ zɨme tè vachi səndô.

1 Tèsàlonikà 3:13

Ə ghàyn nə̂ nyi, ə è nəyn ə təm ghaynghe ə tɛ, kə ghàyn ə kyi va ləʼke, nyi èŋwaʼve ə Zhə̀fè ə ghâsènì fe əshi mə za nyi pɨ̀a ghâsènì ashìŋə̀ kɛ ə Pɛ̂pɛ ə̀ ghâsènì Njisə̀s pə̀ è ghɨə vəyn ghe ŋwaʼaghe əkɨ̂m.

1 Tèsàlonikà 5:21

Ghàyn e pɨlə kyâʼsə̀ ə̀ghɛ ə̀kɨ̂m ghɛ ə ghɨə pîə nə Zuʼse Ŋwaʼase ə tyə̀yn se ghənə se fe nə sə tyə̀yn mə se paʼà tyə̀nə. Ə ze nyi səmɔʼ, ghàyn pomə̂ sê ghənə,

1 Tèsàlonikà 5:23

Ə Zhə̀ fɛ ə fe fo pɔ̂ynè sê ghâsènì nəyn ə ghàyn ə nyi è ŋwaʼze nâʼàpî endom èkwùə. Ə Zhə̀fè nəyn ə təm ghaynghe, è zuʼ saynse, è wiyn vaynve ə kyi va ghâmzè nâʼà endom vîve etuʼ vɛ ə Pɛ̂pɛ ə ghâsènì Njisə̀s Klâys kɛsə pə̂.

1 Njɔyn 4:1

Ghɔ nyì ghɨm ghe kɔ̂ŋə̀, kə ghàyn ə pomə se nâʼàpî ndè vɛ ə è pìə nə zhi nyîə kyi sè Zuʼ, pîza ghàyn mom ghənə se fe nə zuʼ sɛ ə ghənə kyi ndo pə̂yn tê se Zhə̀fè ə. Kûmə̀ nə fɨ̀aʼtè sə akaŋse tsɨəse nyi ndô ə mbi.

Etyə̂yn ə paynsêzè 2:2

M nyiə ke èfɨaʼ zɛ ə ò nyi mə o nə̀yn. M nyiə ke kə ò fɨ̂aʼà è tyaʼa è kol ə təmze. M nyîə ke nə ò zà va ghɨ ətəm e piə mɔŋ. M nyiə ke kepî nə o mɔ̀m ghɨ ghɛ ə ghənə pîə nə ghənə nyi əghɨtom ə Njisə̀sghè pîza vachi, ò vɛ ə ò fe kê nə ghənə nyi əghɨ akaŋghe.