Ɛfesùs 6:9 - Ŋwàʼlè ə̀ Fèzhə̀ Mkâyn Mə̂ Fèm

⁹ Pɛ̀ efɨ̀aʼghè, ghàyn e pɔŋɔ fɛtə kyîə ə̀ghɨ fɨaʼa ghaynghe. Kə ghàyn nə kwayntə ghɛ sê ghənə. Ghàyn e ke nə wùə vɛ ə è nyi pɛ̀ èfɨ̀aʼ sê ghàyn əkɨ̂m nyi ekwùtwəyn, njîə nâʼàpî ndè kè eghɨ.

Ɛfesùs 6:9 ပူးပေါင်းရင်းမြစ်များ

Matyò 22:10

Ghɨ fɨaʼa nə ghɛ ə fɨə ndùə efàf ə zùŋtə̀ nâʼà ə̀ghɨ ə̀kɨ̂m ghɛ ə ghənə tè fe, ə ghe chûŋə̀ è ghe piə, se zaʼâ kə ndɛ ə̀ malə̂ ə̀təyn lwiyn.

Matyò 22:8

È və ke tɔŋə̂ əghɨ fɨaʼa vəynghe ə pìə sê ghənə nə, ‘Zhiə malə̂zè nyi mə pɨaʼte ndəm, pîza ghɨ ghɛ ə M ndâmnè kɔʼɔ kwəynə va se zhi zəynze.

Matyò 24:48

Pîza ə wùə èfɨ̀aʼa vɛ nyi wùə èpi, ə è tsɨsə ə è və kwàʼtə̀ ke sə və ngɨŋ nə, pɛ̀ èfɨ̀aʼ nə ndamə tsɔ̀fə è kɛse kwɨlə̂,

Matyò 24:51

Ə pɛ̀ èfɨ̀aʼ ə̀təyn tsɨfse vəyn nâʼà sə ŋaŋ. Ə è tsɨfse vəyn eghɨ kèpî kə è tsɨfsè ghɨə ə kaŋkaŋə nə. Fumə ə è və chîə kwɨlə ə̀sɔŋ.”

Matyò 7:12

Nə̀yn sê wùə mɔ̀ʼɔ kè eghɨ kə ò kyiŋə nə è nəyn sê ghò, ə̀ zɨnə nyi eghɛ zɛ làŋ ə Mosîskè tyə̀nə è zaʼlê ə fɨ̀aʼtè èghaʼâzè. E nyi nə ghàyn ə nə̂ naʼapi ghè sê ghɨ kè kə ghàyn kɔ̀ŋə̀ nə ə nə nə̂ sê ghàyn. Ə̀ zɨnə nyi eghɛ zɛ lâŋ ə Fezhə̀kè è kə Fɨaʼtèkè lotə zaʼlə.

Tom èchùŋ kè kə Lûk tè nyaʼ 6:31

Ghàyn nə̂ kə əghɛ ghɛ sê ghɨə kè kə ghàyn kɔ̀ŋɔ̀ nə ə nə nə̂ sê ghàyn.

Njɔyn 13:13

Ghàyn tɔŋtə̂ mi nə tyə̀ynsè, fɨnə tɔŋtə̂ nə Pɛ̂pɛ, e nyi ke nâʼà səmɔʼ kûmə̀ nə ə̀ lote nyi àfɨa kɛ m nyi kəynke.

Ətefɨ̂aʼ 10:34

Pità ə pìə nə, “Ə̀ nyì zôyn kə kê səmɔʼ nə Zhə̀fè njìə ə̀ghɨ ə̀kɨ̂m eghɨ.

Ŋwàʼlè ə̀ Pɔ̂l sê ghɨə Lûmghè 2:11

Zhə̀fè tə nə̂ zɨnə kûmə̀ nə Zhə̀fè saʼa nâʼàpî ndè kè eghɨ.

1 Kɔlìŋ 1:2

M nyâʼà sê nɔ̂yn ə ndɛ Fèzhə̀ kɛ ə̀ kyi Fezhə̀, ə ke nyi endaʼ ə Kolìnzè, è kɨsè sê ghɨghe əkɨ̂m ghɛ ə Zhə̀fè tɔŋə ə nə̀ nə ghənə nyi ə̀ghɨ ə vəynghe ŋwaʼaghe tɔynə̂ ə Klâys Njisə̀s. Fɨnə nyâʼà se ghɨghe əkɨ̂m nâʼà pi ghayn, mə nyi ghɛ ə ngɨmnə Pɛ̂pɛ ə̀ ghâsènì Njisə̀s Klâys. È nyi Pɛ̂pɛ ə̀ ghənə̂ kèpi kə è nyi Pɛ̂pɛ ə̀ ghâsènì əkɨ̂m.

1 Kɔlìŋ 7:22

Ə Zhə̀fè tɔŋə̂ wùə mə nyi akɔ̂s nə è və chumtə̀ Pɛ̂pɛ, sê Pɛ̂pɛ ə è və fɨyn vachi àkɔ̂s kepî èghɨ kə wùə vɛ ə è tè va akɔ̂s ashìŋə̀ kɛ ə Klâys tè tɔŋə vəyn, ə è kəmne ə è və nyi àkɔ̂s sê Klâys.

Kòlosè 3:25

Zhə̀fè tə pɔynsə̂ nâʼàpî ndè vɛ ə è nə̀yn pi, ə naʼapi pi èkè zɛ ə è nə̀yn. È tɔ̀ʼɔ̀ va wùə vîvè.

Kòlosè 4:1

Pɛ̀ efɨ̀aʼà, ghàyn e fo se ghɨ fɨaʼa ghaynghe fɨa kɛ ə ke kwəynə sê fɨ̂aʼ ə ghənə̂zè. Ghàyn e pɨ̂əytə̀ kəpi nə ghàyn nyîə kyi pɛ̀ èfɨ̀aʼ ekwùtwəyn.

Njə̂m 2:13

Kûmə̀ nə shîŋə̀ kɛ ə Zhə̀fè tə piə fe saʼa nâʼàpî ndè vɛ ə è kosə va səyn sê wùə, ə fe tàʼa kosə esəyn sê vəyn; Pîza wùə vɛ ə è kosə səyn sê ghɨə mɔ̀ʼɔ, shîŋə̀ kɛ ə Zhə̀fè tə piə fe saʼa vəyn, ə fe saʼ vəyn èkosê esəynze.

Njə̂m 2:8

Ə ghàyn lotə ndə̂mə̀ saʼ ə efɔ̂yn ə Fezhə̀zè kə ze nyi ə Ŋwàʼlè ə̀ Fèzhə̀ nə, “Kɔ̀ŋ ghɨə mɔ̀ʼɔghe kè eghɨ kə ghàyn kɔ̂ŋɔ̀ ngɨŋ saynse,” ə̂ nyi mə ghàyn nə̀ kə nâʼà èghɛ echûŋzè.

Njə̂m 5:4

Ghɨghe ə tə fə̀ ə ghàyn ə mfùʼ, ghàyn ə tàʼa ndàʼ ə ghənə, ghənə ə chîə sê Zhə̀fè, chî ə ghənə̂zè ə ndùə fɨə ə Zhə̀fè atùŋne mə nyi Pɛ̂pɛ, pɛ̀ àtyaʼ akɨ̂m.