Ɛfesùs 6:8 - Ŋwàʼlè ə̀ Fèzhə̀ Mkâyn Mə̂ Fèm

⁸ Ghàyn e ke nə ə wùə nə̀yn nâʼàpî chùŋ èkè, kɨ̀sə è nyi akɔ̂s kɨ̀sə è va, ə Zhə̀fè tə fo èmâʼtè ətəyn sê vəyn.

Ɛfesùs 6:8 ပူးပေါင်းရင်းမြစ်များ

Matyò 16:27

Kûmə̀ nə Va wùə se nyi ke se pə̀yn ə pɨ̀a vəyn epomsê è tsì sə vəynse. Ə nyì fumə ashìŋə̀ ə è nə̀ mâʼtə̀ nâʼà pîndè tɔynə̂ efɨ̀aʼ zɛ è nyi mə è və nə̀yn.

Matyò 20:7

Ghənə pə̀ynsə̀ nə, ‘Ə̀ nyi kûmə̀ nə wùə paʼà njì ghàs efɨ̀aʼ.’ È və pìə sê ghənə nə ghənə pɔŋ səʼ ə fɨ̂aʼà ə vəyn afùʼ.

Matyò 5:12

Ghàyn e saŋnə̂ fɨnə tyalə, kûmə̀ nə ə ndə̀m mâʼte eghaʼâvè ekwùtwəyn sê ghàyn. Ə̀ nyì kepî za kə ə tè chɔʼɔ ghol ə sèfɨ̀aʼtè sə shise.

Matyò 6:1

Ghàyn e tɔ̂ʼnə̀! Sə̂ nə̂ va ghɛ Fezhə̀ ghaynghe chûŋə̀ kè nə ghɨ fe. Ə ghàyn nə̀ ghɛ nə ghɨ ghə fe, ə ghàyn tə tàʼa kyiə emâʼte sê Pɨ̀a vâynvè ekwùtwəyn.

Matyò 6:4

Zɨnə mə nə̀ nə̂ ə wùə vîvè tàʼa ke afɨa kɛ ò fo sê veyn. Zhə̀fè pɨ̀a vâyn vɛ ə è fe nâʼà pî ghè andə̀te nə̂ maʼte ghô.”

Tom èchùŋ kè kə Lûk tè nyaʼ 14:14

Ə ò nə̀yn za, ə pɔsêzè pə̀yn sê ghò kûmə̀ nə ghənə tə kɛsə̂ ndâʼà va gho. Ə Zhə̀fè tə ndàʼ ghò etuʼ vɛ ghɨ ghɛ ghe nyi chichi ə və shi kɛse zômə̀.”

Tom èchùŋ kè kə Lûk tè nyaʼ 6:35

Pîza m piə sê ghàyn nə, ghàyn kɔ̂ŋɔ̀ sèpàyn saynse, nə̂ chùŋ sê ghənə, samsə̂ èfɨa sê ghənə naʼapi ezhoghɛ ə ke va nə ghənə tə kɛsə̂ fo. Ə ghàyn nə̀ zâ, ə mâʼte vaynve tə nə̂ ə və ghaʼa kə nyi, ə ze ə fɨnə tyə̂nə̀ nə ghàyn nyi ke nâʼà əghɔə Fezhə̀ fɛ fe ngaŋte kwəyn kûmə̀ nə fe tɔ̂ʼnə̀ è ghɨ piə è ghɛ ə ghe ndamə fe kê va chùŋ.

1 Kɔlìŋ 12:13

Kèpi famə endom, ghâsènì əkɨ̂m, kɨ̀sə əghɨ ə Njûsə̀, kɨ̀sə əghɨ ghɛ ə va əghɨ Njûsghè, kɨ̀sə ekɔ̂s, kɨ̀sə ghɛ ə va ekɔ̂s, Zuʼ sɨ̂nə̀ semɔ̀ʼ ə tə fo ghâsènì môm kə ghâsènì ə nyi èwiyn emɔ̀ʼ, Zhə̀fè ə ndə̀mə̀ Sèzuʼ nə sɨ̂nə̀ semɔ̀ʼ ə ghâsènì əkɨ̂m ətəm.

2 Kolìŋ 5:10

E nyi nyî kûmə̀ nə nâʼà ghâsènì ə̀kɨ̂m tə tyəmə̂ ə Klâys əshi, ə È saʼ ghâsènì. Nâʼàpî ndè tə kyiə àfɨa kɛ ə è nyì se kyi əghɛ ghɛ ə è tè nə kə è tè nyì fâyn ewìyn, kɨ̀sə ə̀ tè nyi əghɛ ə pighe, kɨ̀sə ə̀ tè nyi ghe chûŋə̀.

Ngàleshyà 3:28

Nyiəmə, sə nɨŋ fɨyn va sê wùə ə Njû yî vɛ ə è va wùə Njû. Sə nɨŋ e fɨyn va sê wùə vɛ ə è va akɔ̂s yî wùə vɛ ə è nyi akɔ̂s, va sê wùə endômə̀ yî wùzhɔyn kûmə̀ nə ghàyn əkɨ̂m nyi sə àfɨa àmɔ̀ʼ kûmə̀ nə ghanə tsɨ̀yntè ghâynghə̀ Klâys Njisə̀s.

Kòlosè 3:11

nə sə nɨŋ zhîzè ə va se ghɨə ghɛ ə̀ vachi ə̀ghɨ ə Njûsghè, è ghɨə Njûsə̀, sə nɨŋ e va sê ghɨ ghɛ ə nyi mə ə se nam ə ghənə̂ghè, è ghɛ ə nyi ndɔ̀ʼɔ se. Sə nɨŋ e va se wùə àtum è wùə mbvɨyn, kɨ̀sə ə̀ nyi akɔ̂s, kɨ̀sə ə̀ nyi vɛ ə è va sə akɔ̂s, pîza ə̀ nyi Klâys se ghɛ ətəynghe əkɨ̂m, nyi ə ghənə əfètəyn ə̀kɨ̂m.

Kòlosè 3:24

Ghàyn e ke nə Pɛ̂pɛ tə ndaʼà ghàyn è fɨa vɛ ə è nyi mə è və ndə̀m sê ghɨ vəynghe. Ə̀ nyi sê Pɛ̂pɛ Klâys kə ghàyn fɨ̀aʼà.

Kòlosè 3:25

Zhə̀fè tə pɔynsə̂ nâʼàpî ndè vɛ ə è nə̀yn pi, ə naʼapi pi èkè zɛ ə è nə̀yn. È tɔ̀ʼɔ̀ va wùə vîvè.

Ipilù 10:35

Nyiəmə, ghàyn e nyi ke endom vɛ ə ghàyn tè nyì chi sə shi, kə ghàyn fayn ghɛ zhîze kûmə̀ nə təm ə tɛ ghaynghe nə̀ pə̂ ghàyn èmaʼte eghaʼâzè.

Ipilù 11:26

È və fe nə e pɨlə tsɔ̂fə̀ nâʼà sə ŋaŋ kə ə sôylə̀ zhi kûmə̀ Klâys tsɛ̂ kə e kyi ghaʼze endaʼ ə Enjìpè. È tè taŋtə̂ nyiəmə kûmə̀ nə è tè naynə ndûə èmaʼte vɛ ə Zhə̀fè tə fo sê vəyn ə shi.