Ɛfesùs 6:24 - Ŋwàʼlè ə̀ Fèzhə̀ Mkâyn Mə̂ Fèm

²⁴ Ə fùʼ ə Fezhə̀kè ə nyi se ghɨghe əkɨ̂m ghɛ ə ghe faŋ kɔ̂ŋɔ̀ kə ndò Pɛ̂pɛə ə̀ ghâsènì Njisə̀s Klâys.

Ɛfesùs 6:24 ပူးပေါင်းရင်းမြစ်များ

Matyò 22:37

Njisə̀s ə pə̀ynsə̀ nə, “Ə̀ nyi zɛ ə ze piə nə, ‘Ò kyi sə̂ kɔ̂ŋɔ̀ Pɛ̂pɛ Zhə̀ fɛfe è təm ghɛghe ə̀kɨ̂m, è zuʼ sɛse sekɨ̂m, è kwâʼtè zɛze ekɨ̂m.’

Matyò 28:20

Ghàyn zaʼle kepî ghənə nə ghənə chûmtə̀ nâʼà ə̀ghɛ ə̀kɨ̂m ghɛ m pî nə ghâyn ə nə̂. Ghàyn e ke nə m nə nyi ghasè nyì shîŋə̀ tekɨ̂m, se zaʼâ kə mbi tə mi.”

Matyò 6:13

Kə ò zâ nə ghàs pfɨə nji emɔ̀m pîza kɨ̀ŋte ghàs sê satàyn.

Ŋwàʼlè ə̀ Pɔ̂l sê ghɨə Lûmghè 2:7

Ghɨə mɔ̀ʼɔ ghə kol təmə ə faŋə nə̂ ndûə kə əghɛ əchûŋghè, kyiŋə epomsê, è kɔʼsêzè. Ghənə tə kyîə èndam zɛ ə ze tə mìə va. Zhə̀fè tə fo èndam zɛ ə ze tə mîə va se kyì əghɨ̀ nə ghɨ̂yn.

2 Kolìŋ 13:14

Ə fùʼ ə Pɛ̂pɛ Njisə̀s Klayskè, è kɔ̂ŋ ə Fezhə̀zè, è Zuʼse Ŋwaʼa sɛ ə se tsɨ̂yntə̀ ghâsènì luʼve emɔ̀ʼ ə nyi ghâyn ə fètəyn ə̀kɨ̂m.

2 Kolìŋ 8:12

Kûmə̀ nə ə ghàyn piə fo afɨa saŋnə̂ se fo kɛ ə ghàyn kyi, ə Zhə̀fè fi fo ətəynze kûmə̀ nə ə̀ nyi afɨa kɛ ə ò kyi, mə è kyiŋə va nə ò fo kɛ ə o kyi va.

2 Kolìŋ 8:8

M pìə va nyiə nə m fo sə alàŋ, pîza m tyə̂nə̀ kə se ghàyn ndom vɛ ə ghɨ mɔ̀ʼɔ kyiŋə se tsàmtè nâʼà sə ŋaŋ, kə m fe nə kɔ̂ŋ zaynze nyi səmɔʼ mə nyi akaŋ ə.

Ɛfesùs 6:23

Zhə̀fè, ə Pɨ̀a yî Pɛ̂pɛ Njisə̀s Klâys nyiə fo pɔ̂ynè sê ghɔnyiə e kɔ̂ŋ ə nə̂ nə zaʼnə̂ kə ə Fəynfe ewìyn.

Filìpây 1:1

Ə̀ nyi mi Pɔ̂l è Timotì əghɨ fɨaʼa Fezhə̀ sê Njisə̀s Klâys ghɛ ə nyâʼà pə̂ ŋwàʼlè zɨ̀nə se ghàyn. Ghàs nyàʼà sê ghàyn ghɛ ə ghàyn fo ngɨŋ saynse sê Zhə̀fè ə Filìpây nâʼà ə̀kɨ̂m sè nyi ghâynghə̀ Klâys Njisə̀s. Ghàs nyàʼà kəpî sê ghàyn tuve è ghɨ ghɛ ə tsâmtə̀ se chiyntê efɨaʼ ə Fezhə̀zè nə ze ndu əshi.

Kòlosè 4:18

Ə̀ zɨnə zɔ̂yn nyaʼ mi è gho kɨmke nə, tɔŋtêzè sê ghàyn mə ze ndô pə̂ se Pɔ̂l. Kə ghàyn lɛse nə m nyi ə ndɛ̂ chaʼ. Ə fùʼ ə Fezhə̀kè ə nyi ghâynghə̀ ghənə.

2 Timotì 4:22

Ə Pɛ̂pɛ ə nyi ghâyn ghənə. Ə fùʼ ə Fezhə̀kè ə nyi ghâyn ghə̀ ghənə.

Taytùs 2:7

Nâʼàpî eghɛ èkè zɛ ə ò nə̀, ò kyi sə̂ nə̂ endom echûŋvè kə ghɨ əmɔ̀ʼɔghe kaʼa ə ghe səyne sê ghò. Ə nâʼàpî èghɛ èkè zɛ ə ò nə̀, ə ze ə tyə̂nə̀ nə ghɛ zɛ ə ò zaʼlə nyîə kyi èkɔʼnê, ə̀ nyi èghɛ mə ə̀ vachi èshî.

Taytùs 3:15

Ghɨ ghɛ ə ghâsè ghə̀ ghənə nyi əmɔʼ nâʼà ə̀kɨ̂m pi nə m tɔŋte sê ghò. Tɔŋte ghɨ epomə̂ ghɛ ə ghe nyi fɛ sê ghàs; ə̀ghɨ əkɨ̂m ghɛ ə ghe kɔ̂ŋə̀ ghàs. Ə fùʼ ə Fezhə̀kè ə nyi sê ghàyn əkɨ̂m.

Ipilù 13:25

M tsə̂mə̀ nə Zhə̀fè tyəyn fùʼ ə vəynke sê ghàyn əkɨ̂m.