Ɛfesùs 6:20 - Ŋwàʼlè ə̀ Fèzhə̀ Mkâyn Mə̂ Fèm

²⁰ M nyi mə tom nə m pəyn ə mə ndâʼà tom èchùŋ nə zɨ̂yn nâʼà pî kə m nyi zôyn ə chaʼ. Ghàyn tsə̂m nə mə tsâ kè kə m kyi sə̂ tsâ, fànə̀ va fɨake.

Ɛfesùs 6:20 ပူးပေါင်းရင်းမြစ်များ

Ətefɨ̂aʼ 21:33

Tuə sesôkə̀ʼ nə kɛ ə ndùə pîə nə ə kyi Pɔ̂l ə fâ vəyn è chaʼ sepɛ̀, ə pfɨfə sê ghɨ ətəynghe nə, “Ə̀ vɨ̀nə mə nyi nde? è kɨ̂sè nə è pi nə ghe?”

Ətefɨ̂aʼ 26:29

Pɔ̂l ə fɨ̀ysə̀ nə, “Ə̀ kàʼa nyi fèfɨ̂atə̀ fə ashìŋə̀fè, ə̀ kàʼa ə nyi àghaf etyâkè. Tsə̂m zɨme sê Zhə̀fè nyi nə gho è ghɨ ghəkɨ̂m ghɛ ə zɨtə sê mi ndâyn pəyn sə̂ nyi àfɨa kɛ m nyi kəynke, pîza m tsə̂mə̀ va nə ə ndəm ghàyn ə sechaʼ kə nyi mə ə ndə̀m mi zôyn.”

Ətefɨ̂aʼ 28:20

Ə̀ za nyi eghɛ zɛ m tɔŋə ghàyn nə ghâsènì kate ghɛghe. Se pì səmɔʼ, m kyiŋə nə ghàyn ke nə ə chaʼse nyi ə mì ekɔyn, ə ze ə nyi kûmə̀ wùə vɛ ə ghɨ Isìlâyghè tè nyi mə ndə̀m ə ghənə ətəm nə è tə pə̂.”

Ətefɨ̂aʼ 28:31

È tè ndàʼa tom ə̀ Fèzhə̀ kûmə̀ èfɔ̀yn ə Fezhə̀vè, zaʼlə̂ ə̀ghɨ kûmə̀ Pɛ̂pɛ Njisə̀s Klâys mə è ndə̀ʼə̀ fànə̀ va, wùə vîvè ə tàʼa mɔ̀msè se tàsə vəyn nə kə è wamne.”

Ətefɨ̂aʼ 5:29

Pità yî ghɨətom ə Njisə̀s ghəmɔ̀ʼɔ ə pə̀ynsə̀ nə, “Ghàs kyi sə̂ zɨə kə sê Zhə̀fè, ə̀ va chi sê ghɨghe.

2 Kolìŋ 3:12

Kûmə̀ nə ghàs kyi ndô kwaʼtè nə zɨnə mə, ə̀ za nyi eghɛ zɛ ə ghàs ngɛse kyi ə̀təm.

2 Kolìŋ 5:20

Ə̀ za nyi endom vɛ, ə ghàs njìə luʼ ə Klaysvè, kəpiə Zhə̀fè tɔŋə ghàyn nə ghàyn kɛse pəyn sê vəyn tɔynə̂ ə ghàs. Ghàs chyatə̂ ghàyn ə Klâys ezə nə ghàyn kɛse pəyn sê Zhə̀fè.

Ɛfesùs 3:1

Ə̀ nyi ke kûmə̀ ètsɨ̂yntè ə ghâsènì nə zɨ̂nə̀ ə m tsə̂mə̀ sê Zhə̀fè kûmə̀ ghàyn. M nyi wùə ə ndɛ̂ chaʼ kûmə̀ èfɨ̀aʼ zɛ ə Klâys Njisə̀s fo sê mi nə mə ndàʼà tom èchùŋ sê ghàyn ghɨ etumə.

Ɛfesùs 4:1

M sè chyatə̂ ghàyn kûmə̀ èfɨ̀aʼ nə zɨ̂nə̀ ə Pɛ̂pɛ nə̂yn sê ghâsènì nə, ghàyn nə ndamə tèndam, te kwəynə̂ endom vɛ ə Zhə̀fè tè kyiŋə nə ghàyn ə ndamə ətəyn etuʼ vɛ fe tè tɔŋɔ fɨse ghàyn. Ghàyn ke nə m nyi nyî, nyi wùə ə ndɛ̂ chaʼ kûmə̀ efɨ̀aʼ zɛ m nə̂ sê Pɛ̂pɛ.

Ɛfesùs 6:19

Ghàyn nə tsə̂mə̀ kəpî sê mi nə m njî ghɛ ə Fezhə̀zè se tsàyn, m ke ghɛ zɛ kə m pi, nə m tsâ ghɛ ə ndətə ghɛ ə Zhə̀fè tyə̀yn sê ghâsènì ə tom èchùŋ, kə m fayn fɨake.

Filìpây 1:20

Ghɛ e ghaʼà zɛ ə ze nyi ə mì ətəm zôyn, è zɛ m kyiŋə se nə̀yn nyì ke nə kə m tə nəyn èghɛ ə mì efɨ̀aʼ se Zhə̀fè mə ze kaʼa ə ze pəyn èghomə̂zè. Pîza m pɨlə kyiŋə nə nâʼàpî ashìŋə̀ àkè kɛ m nə̂ fɨaʼa təynze, se zhə̀tə ndù zôyn, nə mə nə̂ zeynze fanə̀ va ghɛ zhîze se fo èkɔʼsê sê zə Klâyszè. Ə̀ zɨnə nyi eghɛ zɛ m kyiŋə se nə̀yn, kɨ̀sə m tɛ ndô kɨ̀sə m kwu ndô.

Filìpây 1:7

M vayn kàʼa m faŋ sə̂ kwaʼtə̀ èndom vɛ m kwaʼtə̀ ətəyn kûmə̀ ghàyn kûmə̀ nə ghàyn nyi ə̀ kɔ̂ŋə̀ mi nâʼà sə ŋaŋ. Zhə̀fè ə tyə̀yn təm ə Vəynghe, ghe ghɛ ghe nə̂yn nə ghâsènì ə fɨaʼà sə afɨa àmɔ̀ʼ, kɨ̀sə m nyi ə chaʼ kɨ̀sə m tyəm tsɛ̀ èsaʼ kûmə̀ tom èchùŋ, zaʼlə əghɨ nə ə ke nə è nyi səmɔʼ.

Kòlosè 4:3

Ghàyn e pɔŋɔ tsə̂mə̀ sê ghàs nə, Zhə̀fè nəyn ə ghàs kyi zhəm echûŋkè se ndàʼà ə tom kûmə̀ ə̀ghɛ ə ndətə ə Klâysghè. Kûmə̀ nə m nyi ə ndɛ ə̀ chaʼ kûmə̀ tom èchùŋ nə zɨ̂nə̀.

Kòlosè 4:4

Ghàyn e tsə̂mə̀ kəpî nə m tsayn paynsê tom nə zɨ̂yn endom vɛ ə m kyi se tsàyn ətəyn.

1 Tèsàlonikà 2:2

Ghàyn e ke nə ə̀ tè nyi tsɔ̀fə kə ghàs pəyn ə Tèsàlonikà mə ghàs ə fe ngəʼ nâʼà sə ŋaŋ, ə nyâplə̀ è ghàs, ə sôylə̀ ghàs ə Filìpây. Nâʼàpî kə ghɨə tsɨəghe tè kɔ̀ŋə va nə ghàs ndaʼa tom ə̀təyn, Zhə̀fè ghasènìfe ə tə fo ghàs ètəm ə tɛ nə ghàs tsayn tom èchùŋ sê ghàyn mə è ndò pə̂yn sê vəyn, nâʼàpî kə ghɨ tsɨəghe tè kɔ̀ŋə va nə ghàs ndaʼa tom ə̀ Fèzhə̀.

2 Timotì 1:16

M tsə̂mə̀ nə Zhə̀fè tyəyn səyn ekoze sê ghɨ esas ə ndɛ ə Ònèsifolùsghè kûmə̀ nə è və tə nə̀yn m saŋnə̂ kə nyî. È tè pâʼà ghomə̂ nə m nyi wùə ə ndɛ̂ ə̀chaʼ.

2 Timotì 2:9

Kè kûmə̀ nə m ndaʼà tom èchùŋ, m zɨə ètsôs, fɨyn nyi mə ə kol mi kə wùə ndɛ ə̀chaʼ. Pîza ə paʼà fà ghɛ ə Fezhə̀zè ə sechaʼ.

Filemùyn 1:10

M chyatə̂ nə ò tsamte Ònesimùs kə̂ è se nyi sê mi kə vayn vɨm. Ə̀ tè nyì kə m nyi ə ndɛ chaʼ, è ve nyi kə vayn sê mi kûmə̀ nə mə tə tsàmtè vəyn nə è kyi ndam efeze mə ze ndo sê Zhə̀fè.

Filemùyn 1:9

pîza m nə̀ chyatə kə ghò kûmə̀ nə ò nyiə kɔŋə̀ mi, è ghɨə pomə mɔ̀ʼɔghe. Ə mi Pɔ̂l, m wâmnə̀ se ghò kə wùə ndumə ə ndɛ ə̀chaʼ kûmə̀ nə m fɨaʼà se Njisə̀s Klâys.

1 Njɔyn 3:16

Kwu zɛ ə Njisə̀s Klâys tè kwu ə ghâsènì ə tu, tyə̂nə̀ àfɨa kɛ ə kɔ̂ŋzè nyi kəynke sê ghâsènì. Nyiəmə, ghâsènì kyi sə̂ nyi kepî èpɨaʼtêzè se kwu ə ghɔnyì ə ghâsènì ghə tu.

Njût 1:3

Soyn sɨmse kɔ̀ŋsè, M tè nyîə mɔ̂msə̀ nâʼà ètyaʼke se nyàʼ sê ghàyn ghɛ kûmə̀ èsɔzà zɛ ə ghâsènì tsɨ̂ynte kyi, pîza zôyn mə fe nə m kyi se nyàʼ kûmə̀ èghɛ ə ndôzè mə ze nyi se chyatê ə ghàyn nə ghàyn no se ndə̀m ekyî epomə̂ zɛ ə Zhə̀fè nyi mə fe ə fo sê ghɨ ə vəynghe kè eshîŋə̀.