Ɛfesùs 6:18 - Ŋwàʼlè ə̀ Fèzhə̀ Mkâyn Mə̂ Fèm

¹⁸ Ghàyn piə nə̂ ə̀ghɛ nə ghɨynə̀, ghàyn e tsə̂mə̀ sê Zhə̀fè kè shîŋə̀ tekɨ̂m, pfɨfə nâʼàpî ghè ke eghɨ kə Zuʼsə vəynse chisə ghàyn. Ghàyn piə tsə̂mə̀ ndò ghàyn e tsə̂mə̀ sê ghɨə Fezhə̀ nâʼà ə̀kɨ̂m. Ghàyn e tɔ̂ʼnə̀, kə wùə tə lɛ̂sè ètsə̂m.

Ɛfesùs 6:18 ပူးပေါင်းရင်းမြစ်များ

Matyò 17:21

Ghàyn kàʼa ə ghàyn chùm fɨse èkyî ə sezuʼ se pise nyi kə sɨ̂nə̀ kè ezhoghɛ ghàyn tsə̀mə̀ fɨnə pamə ècho.”

Matyò 26:41

Ghàyn e kyaʼà, tsə̂mə̀ kə mɔ̂mè pəyn sê ghàyn. M ke nə ə̀ nyi ə ghàyn ekwâʼtè, ghàyn kɔ̀ŋɔ̀ ndò se nə̀yn kə m pî, pîza njà èwìyn e pɔylə̂.”

Ŋwàʼlè ə̀ Mâk 13:33

Ghàyn e tɔ̂ʼnə̀, fɨnə pfɨ̂tə̀, kûmə̀ nə ghàyn ke va nə shîŋə̀ ətəynke tə pə̂ zəynzə.

Ŋwàʼlè ə̀ Mâk 14:38

Ghàyn e kyaʼà, tsə̂mə̀, kə ndɔ̀ʼɔ ghàyn pfɨ əfètə̂yn emɔ̀m. Təmə nyîə kɔ̂ŋə̀ se nə̀yn, pîza njà sə ewìynse e pɔylə̂.”

Tom èchùŋ kè kə Lûk tè nyaʼ 21:36

Ghà tsɨs shîŋə̀ tèkɨ̂m, pfɨ̂tə̀ kə ndo, tsə̂mə̀ nə Zhə̀fè fo tyaʼa ə ghàyn tə tɔynê əfètə̂ əghɛ nə ghɨyn ə ke tə kyànə̀. Ghàyn tə tɔynə̂ mɨ̂sə̀, ə ke se tyəm elùʼ ə saʼə Va Wùə əshi.”

Tom èchùŋ kè kə Lûk tè nyaʼ 22:46

È və piə se ghənə nə, “Piə e za nyi nə ghàyn pɨənə kə ndò ə? Ghàyn ndwi ə gha tsə̂mə̀ kə̂ mômzè pəyn se ghàyn.”

Tom èchùŋ kè kə Lûk tè nyaʼ 3:26

Nangày e nyi va Mât, Mât e nyi vayn Màtatyàs, Màtatyàs e nyi va Simə̀yn, Simə̀yn e nyi va Njosɛ̀k, Njosɛ̀k e nyi va Njondà,

Tom èchùŋ kè kə Lûk tè nyaʼ 3:37

Lamèk e nyi va Mètuselà, Mètuselà e nyi va Enɔ̀k, Enɔ̀k e nyi va Njalèt, Njalèt e nyi va Màalalèl, Màalalèl e nyi va Kenàn,

Ətefɨ̂aʼ 1:14

Ə̀ tè nyi zâ, ghənə e zâŋsə̀ zûŋtə̀, tsɨ̂yntə̀ nə̂ ètsə̂m yî ghə̀ zəyn yîghe è Mèli nyìə Njisə̀s, è ghɔnyìə Njisə̀sghè.

Ətefɨ̂aʼ 10:2

Kɔ̀nilùs tè nyi wùə chumtə̀ ə̀ghɛ ə Fezhə̀ghè epàm. Vəyn è sas ə ndɛ vəynze ekɨ̂m tè nyîə nə̂ èfɨaʼa Fezhə̀zè. Kɔ̀nilùs tè fo ètsâmtè sê ghɨ afɨfə Njûsghè, fɨnə tsə̂mə̀ sê Zhə̀fè shîŋə̀ tekɨ̂m.

Ətefɨ̂aʼ 12:5

Ə ndə̀mə̀ Pità ə ndɛ̂ chaʼ, ghɨə poməghe ə faŋa epàm tsə̂mə̀ sê Zhə̀fè ètəmghe əkɨ̂m.

Ətefɨ̂aʼ 6:4

Ə nə̂yn nyiə mə, ə ghàs pɔŋ kyî àshîŋə̀ è ngɨŋ sas se, sə̂ tsə̂mə̀ fɨnə ndâʼà tom èchùŋ.”

Ŋwàʼlè ə̀ Pɔ̂l sê ghɨə Lûmghè 12:12

Nâʼàpî ndè e saŋnə̂ kûmə̀ ə̀ghɛ ghɛ ə è ndə̀m təmə se tə̂ kyî, kolə ə̀təm ə və ətetsòs, kolə ə̀təm əfètə̂ ètsə̀m shîŋə̀ tekɨ̂m.

Ŋwàʼlè ə̀ Pɔ̂l sê ghɨə Lûmghè 8:15

Kûmə̀ nə zuʼ sɛ ə Zhə̀fè nyi mə fə fo se ghàyn nə̀ chîəva nə ghàyn ə nyi èkɔ̂s, pi se nə̀yn nə ghàyn ə fânə̀. Se pɨlə nə̂ nə ghàyn ə nyi ə̀ghɔ Fezhə̀ghè, famə atyaʼ ə sezuʼke, ghâsènì chìə fɨsə̂ ndûə se Zhə̀fè nə, “Pɨ̀a! Pɨ̀a Vɨ̂mvè”

Ngàleshyà 4:6

Kə ghàyn se nyi ə̀ghɔyn sê Zhə̀fè, fə fo Zuʼsə Va vəynse ə ghâsènì ətəm, Zuʼsə təynse e pɨa wâmnə̀ è kyə̂ ètɛ tɔŋtə̂ Fèzhə̀ nə, “Pàpa, Pàpa vɨm.”

Ɛfesùs 2:22

Ghàyn ghɨ mɔʼɔ za tsɨ̂ynte nyi əfètə̂ Klâys kə efɨa e pɛve, è və fɛte ghàyn nə ghàyn nə nyi eluʼ vɛ Zuʼsə Fezhə̀sè ndamə ətəyn.

Ɛfesùs 3:18

kə ghàyn ə tsɨ̂yntə̀ tɔfə kwəynə̂ ghâynghə̀ ghɨə Fezhə̀ mɔ̀ʼɔ sə̂ ke nə kɔ̂ŋ ə Klâys zə zhamə kə luʼte kɨ̂m.

Ɛfesùs 3:8

M nyi ke nâʼà wùə vɛ ə è tətə kwûŋsə̀ əfètə̂ əghɨə Fezhə̀, pîza mə fə tɔ̀ʼnə̀ è mi nyi ə nə̀ nə mə wâmnə̀ sê ghɨ ghɛ ə̀ vachi ə̀ghɨ ə Njûsghè, ndâʼà èghaʼ ekayntə zɛ ə ghɨ ghɛ ə ghe pomə sê Klâys kyi,

Ɛfesùs 6:19

Ghàyn nə tsə̂mə̀ kəpî sê mi nə m njî ghɛ ə Fezhə̀zè se tsàyn, m ke ghɛ zɛ kə m pi, nə m tsâ ghɛ ə ndətə ghɛ ə Zhə̀fè tyə̀yn sê ghâsènì ə tom èchùŋ, kə m fayn fɨake.

Filìpây 1:4

m piə tsə̂mə̀ nə Zhə̀fè tsamte ghàyn nâʼà ə̀kɨ̂m pî ashìŋə̀ àkè, m tsə̂mə̀ è èsaŋnêzè.

Filìpây 4:6

Kə ghàyn fɨyn kayn mbi kûmə̀ èghɛ. Ghàyn e pɨlə tsə̂mə̀ kə ndò, ndɔnə nâʼàpî ghè sê Zhə̀fè kə ghàyn kyiŋə. Ə ghàyn tsə̀mə̀, ghàyn e fo àzɔ̀ŋnè sê Vəyn.

Kòlosè 1:3

Ghàs nyîə fo àzɔ̀ŋnè sê Zhə̀fè shîŋə̀ tekɨ̂m, ə Pɨ̀a se Pɛ̂pɛ ghâsènì Njisə̀s Klâys, ezhoghɛ ə ghàs tsə̀mə̀ sê ghàyn.

Kòlosè 1:4

Ghàs fo àzɔ̀ŋnè se Zhə̀fè kûmə̀ nə, ghàs ə zɨ kyî epomə̂ zɛ ə ghàyn kyi ə Njisə̀s Klâys, è kɔ̂ŋ zɛ ə ghàyn kyi sê ghɨə Fezhə̀ghè əkɨ̂m.

Kòlosè 4:2

Ghàyn e tsə̂mə̀ shîŋə̀ tekɨ̂m, fɛte ke èghɛ zɛ ə ghàyn tsə̀mə̀ sê zəynze ezhoghɛ ə ghàyn tsə̀mə̀, fo àzɔ̀ŋnè sê Zhə̀fè.

1 Tèsàlonikà 5:17

tsə̂mə̀ sê Zhə̀fè shîŋə̀ tekɨ̂m,

1 Timotì 2:1

E za nyi ə Timotì nə ghɛ ə m̀kɔʼnè zɛ ə m kyiŋə nə gho è ghɨə mɔ̀ʼɔghe ə nə̂ nyi nə, ghàyn e ndɔnə se Zhə̀fè kè sê ghɨghe əkɨ̂m, tsə̂mə̀ se ghənə, fɨnə njîə eluʼ ə ghənə̂vè sə̂ tsə̂mə̀ se ghənə, è kɨsè sə fo àzɔ̀ŋnè sê Zhə̀fè əghɛ ghɛ ə è nyi mə è və nə̀yn sê ghənə.

2 Timotì 1:3

M fo àzɔ̀ŋnè sê Zhə̀ fɛ ə m fɨaʼà sê fəynfe mə təm ghɨmə saʼa va mi kèpî endom vɛ ə pɨ̀a ghɨmə tè fɨ̀aʼa. M fo àzɔ̀ŋnè se Vəyn kə m pɨ̂əytə̀ ghò ə mì etsə̀m shîŋə̀ tekɨ̂m, èchwì è kɨsè etuʼve.

Filemùyn 1:5

M nə̂ nyi kûmə̀ nə mə zɨ ndom vɛ ə ò kyi kyî epomə̂zè sê Pɛ̂pɛ ə̀ ghâsènì Njisə̀s, fɨnə kɔ̀ŋɔ̀ əghɨə Fezhə̀ nâʼà ə̀kɨ̂m.

Ipilù 5:7

Ə̀ tè nyi kə Njisə̀s pa ndamə fa chi, è nə̂ è və tsə̂mə̀ sê Zhə̀fè, pɨa chîə. È tè tsə̂mə̀ nyì kûmə̀ nə è tè ke ndô nə Zhə̀fè nyîə kyi àtyaʼ se sɔza vəyn ekwu. Zhə̀fè ə tə zɨ vəyn kûmə̀ nə è və tə tsosê ngɨŋə̂ vəyn, ə fo zə̂ynzè sê Zhə̀fè.

1 Pità 4:7

Ghɛghe əkɨ̂m fa mbi zo paʼsə̀ pə̀ se mì, zamə ghàyn e fɛtə̂ kyîə sèngɨŋ saynse, nyi èpfɨ̂tə̀zè kə ghàyn kàʼa tsə̂mə̀.

Njût 1:20

Pîza, se ghàyn ə soyn sɨmse chûŋsè, ghàyn e tsâmtə̀ sèngɨŋ saynse sə̂ ndəmə̂ ə ghàyn ekyî epomə̂ zɛ ə ze lote nyi èŋwaʼze. Ə tyaʼ ə Sezuʼ se Ŋwaʼase ə tsâmtə̀ ghàyn sə̂ tsə̂mə̀.