Ɛfesùs 6:17 - Ŋwàʼlè ə̀ Fèzhə̀ Mkâyn Mə̂ Fèm

¹⁷ Ghàyn nji kepî èsɔza zɛ ə Zhə̀fè sɔ̀zâ ghàyn sə afɔ eghɔ̀ŋke ə njìə Sèzuʼ sɛ ə Zhə̀fè fo, mə za nyi eghɛ ə Fezhə̀ sə fenyi.

Ɛfesùs 6:17 ပူးပေါင်းရင်းမြစ်များ

Matyò 4:4

Pîza, Njisə̀s ə pə̀ynsə̀ nə, “Ə nyàʼ ə Ŋwàʼlè ə̀ Fezhə̀ nə, ‹Wùə nə ndamə kə va kûmə̀ àpayn ə kwaŋke, pîza kûmə̀ èghɛ ə Fezhə̀zè.›”

Matyò 4:7

Njisə̀s ə pə̀ynsə̀ nə, “Ə nyaʼ kepî ə Ŋwàʼlè ə̀ Fèzhə̀ nə, ‹Kə ò tə mɔm Pɛ̂pɛ Zhə̀ fɛfe.›”

Ɛfesùs 5:26

È tè kwu se shù əghɨ ə poməghe nə ghe zo, tɔynə̂ ə tom èchùŋ ə vəyn.

1 Tèsàlonikà 5:8

Pîza, ghâsènì nyi əghɨ ə zo chwîghè. E za tyə̀nə̀ nə ghâsènì kyî se fɛtə̂ kyiə sengɨŋ sə ghasènìse. Kyî epomə̂ ə ghasènìze sê Zhə̀fè è kɔ̂ŋ ə ghasènìzè kyi se kɨ̀ŋtè ə ghâsènì kə akɨ̀ŋtè angàŋtèkè. Kwâʼtè elɨmtə ə ghasènìze nə ə nə̀ sɔza ghâsènì kyi se kɨ̀ŋtə ghâsènì kə afɔ eghɔ̀ŋke.

Ipilù 4:12

Ghɛ zɛ ə Zhə̀fè pì nyi kə ze nyîə ndamə, kyi àtyaʼ, tɔfə tsɛ̂ efɛ̂ eghɔ̀ŋ zɛ ə ze tɔfə pɨ̂asvè èpɨ̀a. E nyîə se njiə ndûə nâʼà ə fètəyn, se nduə tàyn elùʼ vɛ ə təmə yî zuʼse kə̂mnə̀ fɨnə ndûə tânə̀ elùʼ vɛ ə fɔmze yî zhûŋəke pə̂ kə̂mnə̀. Ze ke ndô ghɛ ghɛ ə ghɨ kwâʼtə̀, è ghɛ ə ghənə kyiŋə.

Ipilù 6:5

ə fɨnə fe chùŋ èghɛ ə Fezhə̀zè, ə mɔ̀mə̀ fe àtyaʼ kɛ ə ke tə pə̂ ə ke ə nyi ə mbi èfe,

Etyə̂yn ə paynsêzè 1:16

È tè kyi mlî èsɛ̀mbɛ ə vəyn agho ekɔyn e twɔke, fɛ̂ etɔfe eghɔ̀ŋze ə fɨə ə vəyn cho mə ze təmə pɨ̂asvè èpɨ̀a, kyâʼ ə vəynze e nyaynə̂ kə kə ezhwi ashìŋə̀ kɛ chwì payn tɛ.

Etyə̂yn ə paynsêzè 12:11

Ghɔnyì ə ghâsènì nə ghɨ̀nə̀ ə nò ə zhiə vəyn tɔynə̂ m̀ndəm mə Va Ndzèm, tɔynə̂ ə səmɔʼ zɛ ə ghənə tè tsâ, è kɨsè nə ghənə tè nyîə nyi èpɨaʼtêzè se kwu ezhoghɛ ə kwuze pə̂yn.

Etyə̂yn ə paynsêzè 19:15

Ghɛ zɛ ə è tè pî tè nyi kə efɛ̂ eghɔ̀ŋze ə è nə̀ njîə se no zhi əghɨ ə tɛ nə atu ə tendaʼàghè. È nə saʼa ghənə nâʼà è tyaʼ eghaʼâkè kəpiə è njìə mbàŋə̀ anyà se saʼ ə ghənə ətəyn. È tə kamə sèpàyn sə vəynse kepî endom vɛ ə kamə lɨ̀m epə ekamə nə mlɨ̀zè. È tə nə̂ zɨnə mə sê Zhə̀fè Pɛ̀ àtyaʼ akɨ̂m vɛ è zafsə̂ ndwɔ̂vè nâʼà sə ŋaŋ kûmə̀ sèpi sə ghənə̂sè.

Etyə̂yn ə paynsêzè 2:16

Kə̀mne ə gho ghɛ pighe, ə̀ va za, ghafke fɨnə tyâfə̀ va kə m pəyn elùʼ vɛ ə ò nyi ətəyn ə m no ghɨ nə ghɛ è efɛ̂ eghɔ̀ŋ zɛ ə ze tè fɨ ə mì echo.