Ɛfesùs 6:14 - Ŋwàʼlè ə̀ Fèzhə̀ Mkâyn Mə̂ Fèm

¹⁴ Ghàyn kol ghɛ zɛ ə ze nyi səmɔʼ ə ghàyn esas kə fekô, ə kɨŋte ngàŋtè kaynke è ndam ə chichize ə tyəm ə pfɨ̂tə̀.

Ɛfesùs 6:14 ပူးပေါင်းရင်းမြစ်များ

Tom èchùŋ kè kə Lûk tè nyaʼ 12:35

Njisə̀s ə fɨnə piə sê chùmtè epàm sə vəynse nə, “Ghàyn pɨate ngɨŋ saynse se nə̀ efɨ̂aʼ, ə ghàyn tyayn lâm saynse ə pfɨ̂tə̀

Ŋwàʼlè ə̀ Pɔ̂l sê ghɨə Lûmghè 13:12

Tuʼve se nyi ke se zo, pɨəynke se panə mɨ̂sə̀ pə̂ ndò. Ə ghâsènì zàmaʼà ə̀ghɛ pi ghɛ ə ghâsènì tè nə̂, ə maʼ fɨa eghɔ̀ŋ vɛ ə nô ətəyn əfètə̂ epayn.

2 Kolìŋ 6:7

Zhə̀fè ə fo tyaʼa sê ghàs, ghàs e ndàʼà kə èghɛ zɛ ə ze nyi səmɔʼ sê ghɨghe. Fɨa eghɔ̀ŋ vɛ ə ghàs nô è vəyn fɨnə kɨ̂ŋtə̀ sèngɨŋ sasse ətəyn nyi tendom tə chichite.

Ɛfesùs 5:9

M pìə nyi kûmə̀ nə ə payn nyi pî ghayn, ə ghɛ chûŋghè ə fɨə fu, ghɨghe ndamə tèndam tə chichite fɨnə nə̂ kə èghɛ zɛ ə ze nyi səmɔʼ.

Ɛfesùs 6:13

Ghàyn nji fɨa eghɔ̀ŋ ə Fezhə̀vè nâʼà èkɨ̂m kə tuʼ mê pîəm piə m̀ kɔʼɔ pə ndò ə ghàyn tɨm zhi ndə̂plè, ə tə pəyn ə nyi ə kwùŋse, ghàyn e pa tɛ kə ndò.

1 Tèsàlonikà 5:8

Pîza, ghâsènì nyi əghɨ ə zo chwîghè. E za tyə̀nə̀ nə ghâsènì kyî se fɛtə̂ kyiə sengɨŋ sə ghasènìse. Kyî epomə̂ ə ghasènìze sê Zhə̀fè è kɔ̂ŋ ə ghasènìzè kyi se kɨ̀ŋtè ə ghâsènì kə akɨ̀ŋtè angàŋtèkè. Kwâʼtè elɨmtə ə ghasènìze nə ə nə̀ sɔza ghâsènì kyi se kɨ̀ŋtə ghâsènì kə afɔ eghɔ̀ŋke.

1 Pità 1:13

Nyiəmə ghàyn pɨaʼte kwâʼtè taynte, nyi elɨmtêzè, ə ghàyn ndəm kwâʼtè zaynze ekɨ̂m ə afùʼ kɛ ə tə fo sê ghàyn ezhoghɛ ə Njisə̀s Klâys kɛse pə̂yn.

Etyə̂yn ə paynsêzè 9:17

Ə̀ tè nyi ə mì ə telaynəlayn, mə fe ekwânyàm, ghɨ ghɛ ə ghe tè nyɨŋə etûə ə̀təyn e kyaʼà nduə nyi, ghənə tè kyi sekə̀ se pâŋà kə ke ewus, liŋə kə kə chi yîghe ə tɔŋtə nə sàfayà, fɨnə lɛ̂ pâŋà kə afɨa ə tɔŋtə nə sɔlfɔ̀. Tuə ekwânyàm nə vɛ e kyàʼà kə etu ə senyàm sə pìkəmse, wusve, è ndəʼfe è fɨake ke kyâʼà kə sɔlfɔ̀ e fɨə əsəynse əcho.

Etyə̂yn ə paynsêzè 9:9

Pɨynse ətəynse tè nyi mə se ə kɨ̀ŋtè ngwàŋtèvè è fɨave ve fusə̂ kə̀, mə ə fɛte è anyà ə tə̂ anyà, sè wûlə̀ ghɛ̂ tə ghənə̂tè e kûmə̀ kə teka tə eghɔ̀ŋte ə kwanyàmvè shìnə̀ se səʼ eghɔŋ.