Ɛfesùs 6:12 - Ŋwàʼlè ə̀ Fèzhə̀ Mkâyn Mə̂ Fèm

¹² Ghàyn nəyn nyi kûmə̀ nə ghâsènì nô va ghɨghe. Ghâsènì pɨlə nô sèzu se pi sɛ ə se tàyntə̀ tsɛ̂ ekwùtwəyn è twɔʼ vɛ ə ve saʼa mbi zɨ̀yn nâʼà èkɨ̂m è zhə̀ mə mbimè.

Ɛfesùs 6:12 ပူးပေါင်းရင်းမြစ်များ

Matyò 16:17

Njisə̀s ə pə̀ynsə̀ se vəyn nə, “Pɔsê nyì sê ghò ə Shimùyn va Njonà. Ə vachi wùə m̀sɔ̀ŋ kə è tsàyn zɨnə mə sê ghò, pîza ə nyi Pɨ̀a vɨm vɛ ə è nyi ekwùtwəyn kə è nə̀yn nə ò pi zamə.

Ŋwàʼlè ə̀ Mâk 4:19

pîza fɨmsê ə mbize è kɔ̂ŋ zɛ ə ghənə kyi sê ghaʼtə mbite, è ghɛ mbi ə mɔ̀ʼɔ ə pə̀ ghâŋtə̀ ə̀təm ə ghənə̂ghè, zə tàʼa mu etwɔm ə ghənə endam.

Tom èchùŋ kè kə Lûk tè nyaʼ 13:24

“Ghàyn mɔmse nâʼà è tyaʼa se tɔynə echo ndɛ vɛ ə ve fɛse nyi se nji elùʼ efɔ̀yn ə Fezhə̀e. Ghàyn ke nə ghɨ e tsɨə tə nə̂ ə kyiŋə se nji ətəyn pîza ə ze tɛ ghaʼ ghənə.

Tom èchùŋ kè kə Lûk tè nyaʼ 22:53

Piə ma zɨsə kə ghâsènì tuʼ mə m̀kɨ̂m ə Ndɛ Ètsə̀mə, ghàyn kyiə va mə? Naʼapi sə kàyn, ə kwəyn ashìŋə̀ kaynke, mə nyi ashìŋə̀ kɛ ə Pɛ̀ atyaʼa lɨma saʼa ətəyn.”

Njɔyn 12:31

Shîŋə̀ kə pə̀yn kə Zhə̀fè saʼ mbi zɨ̀nə̀, ə tyaʼa fɔ̀yn vɛ ə è saʼa mbi zɨnə pfɨ.

Njɔyn 14:30

M nə̀ fɨnə wàmnə̀ va sê ghàyn zôyn sə aghaf kûmə̀ nə vɛ ə è chisə mbi zɨ̀nə̀ pə̀ ndò. È kyi va tyaʼ kyîke, ke tsɛ̂ kɨmke,

Njɔyn 16:11

Ə è fɨyn tyəyn èndom vɛ ə Zhə̀fè tə saʼa ghɨghe ətəyn, kûmə̀ nə fɔ̀ynə̀ mbi vɨ̀nə nyi mə ə kàynè saʼ vəyn.

Ətefɨ̂aʼ 26:18

Ò tə ŋaʼsə̂ ə̀shi ə ghənə̂ghè ə ò nəyn kə ghənə fɨ pəyn alɨm, ə nji pəyn epayn, ə ndo ə satàyn atyaʼ ə nji pəyn atyaʼa Fezhə̀kè, kə tɔynə̂ ə ghənə epomə̂ se Mi, ə pisə ghənə̂sè ə nyi mə ə lɛ̀sè fo, ə ghənə nyi elùʼ emɔ̀ʼ yîghə̀ ghɨ ghɛ ə Zhə̀fè nyi mə fə nə̀yn ghənə e nyi ezoze.›”

Ŋwàʼlè ə̀ Pɔ̂l sê ghɨə Lûmghè 8:38

M kendô səmɔʼ nə fɨa kyîke vayn chyàsə ghâsènì ekɔ̀ŋ zɛ ə Klâys kyi sê ghâsènì, kɨ̀sə ə nyì pî èkwu kɨ̀sə ə̀ nyi endam, kɨ̀sə ə̀ nyi sètsì kɨ̀sə ə̀ nyi etu ə tendâʼàvè, kɨ̀se ə̀ nyi etwɔʼ ekwùtwəyn. Kɨ̀sə ə̀ nyi ashîŋə̂ kɨ̂ynə̀ ə ghâsènì nyi ətəyn, kɨ̀sə ə̀ nyi kɛ ə ke tə pə̂.

1 Kɔlìŋ 15:50

Ghɛ zɛ m pîə ə ghɔnyì ghɨmə nyi nə, ə fɨa kɛ ə ke fîə ə kiva ghɛze se nə̀yn yî kɛ ə ke fîə va.

2 Kolìŋ 11:14

Nâʼàpî sə kàyn, ə̀ vachi èghɛ ekaynəze kûmə̀ nə nâʼàpî satàyn kaŋa tyə̂nə̀ ngɨŋə̂ vəyn kə tsì ènyaynə.

2 Kolìŋ 4:4

Ghənə pomə va pɔ̀m nə kwaʼtè tə ghənə̂tè nyi mə Zhə̀fè epi fə mbi fɨnə fe ə ndə̀m ə alɨm. Fe nyi mə fə ndə̀tè nə kə ghənə ə fe èpayn zɛ ə ze nyi ə ghənə ewìyn, mə nyi epayn zɛ ə ze ndô pə̂ ə Tom Èchùŋ zɛ ə è tsà kûmə̀ èpomsê ə Klâyszè, mə È lote nyi kə Fezhə̀.

Ngàleshyà 1:16

se tyə paynsə̂ Va vəyn sê mi, kə mə ndaʼà tom èchùŋ se ghɨ ghɛ ə̀ vachi ə̀ghɨ Njûsghè, m tè paʼà ndù nə wùə təfte mi.

Ɛfesùs 1:21

È ve tsɨs fumə zôyn, saʼa nâʼà sèzuʼ sèkɨ̂m è twɔʼve ekɨ̂m, ngaŋtə tsɛ̂ nâʼàpî fɔ̀yn èkwə̀ ə mbiə zôyn è mbi zɛ ə è tə pə̂.

Ɛfesùs 1:3

Ghâsènì e kɔʼsə Fèzhə̀, ə Pɨ̀a Pɛ̂pɛ ə̀ ghâsènì Njisə̀s Klâys. Fə pɔsê ghâsènì ə sezuʼ è fɨa e chûŋ vekɨ̂m vɛ ə ve nyi ekwùtwəyn tɔynə̂ ə Klâys.

Ɛfesùs 2:2

Ghàyn tè ndamə kə ə sepi nə sɨ̂yn kə ghàyn tè pa chûmtə̀ ə̀ghɛ ə mbiə, zɨə sê fɔ̀yn vɛ ə è saʼa zuʼse pi sɛ ə se tàyntə̀ tsɛ̂ ekwùtwəyn, ə nyi sèzuʼ sɛ ə se chisə ghɨ ghɛ ə ghe zɨə va sê Zhə̀fè.

Ɛfesùs 3:10

ə fe nəyn ə zuʼse è twɔʼ vɛ ə ve tàyntə̀ tsɛ̂ ekwùtwəyn nə ke ètɔf eghaʼâ ə Fezhə̀ zɛ ə fe tyə̀nə̀ kə ə tendom ə tendom tɔynə̂ endəmə̂ ə ndɛ ə̀ Fezhə̀zè,

Kòlosè 1:13

È və fɨsê ghâsènì etyə̂ àtyaʼ ə alɨma, ə pə̀yn è ghâsènì əfètəyn efɔ̀yn ə Vâ vəyn vɛ ə è kɔ̀ŋə̀.

Kòlosè 2:15

Zhə̀fè ə tə tɛ tsɛ twɔʼve, è kɨsè tu ə te ndaʼàvè ə mbi. Kwu ə vəynze awâmnè ə tə nə̀yn nâʼàpî ndè ə fe nə tyaʼa vəynke ə tɛ tsɛ twɔʼve ekɨ̂m.

2 Timotì 2:5

Wùə ènyɨŋə vayn kàʼa è nyɨŋ zhi ə̀ tsɛ̂ kə va mə è və ndə̀m saʼ te nyɨŋəte.

Ipilù 12:1

Se ghâsènì, ghâsènì kyi setsɛ̀ sə saʼse anɔ̀yn mə sə kyìŋ nga ghâsènì. Ghâsènì kyi se maʼa nâʼà pî àpɨ̀aʼa àkè kɛ ə ke tàsə̀ ghâsènì ə fɨyn mâʼà nâʼà pî pi èkè zɛ ə è kolə ghâsènì ə wəynse nyiŋ ènyɨŋ zɛ ə Zhə̀fè ndə̀m nə ghâsènì ə nyɨŋə.

Ipilù 12:4

E nyi səmɔʼ nə ghàyn nô pi ə ghàyn ə tendam pîza wùə vîvè paʼà nò se nduə fɨ andiŋ kɛ kə zhwi vəyn.

1 Pità 3:22

È və zòmə̀ ə kɛsə kɔʼɔ ekwùtwəyn, sè tsɨs zôyn ə Zhə̀fè ekɔyntwɔve, saʼa sètsì sèkɨ̂m, fɨnə saʼa sèzuʼ sèkɨ̂m sɛ ə se kyi twɔʼve.