Ɛfesùs 6:11 - Ŋwàʼlè ə̀ Fèzhə̀ Mkâyn Mə̂ Fèm

¹¹ Ghàyn nji fɨa eghɔ̀ŋ vɛ ə Zhə̀fè fo sê ghàyn nâʼà èkɨ̂m kə ghàyn ke se nò m̀nàŋ mɛ ndə̂plè pɨaʼtə.

Ɛfesùs 6:11 ပူးပေါင်းရင်းမြစ်များ

Ŋwàʼlè ə̀ Mâk 13:22

Ghɛ ə kaŋkaŋə pîə nə ə nyi vɛ Zhə̀fè chɔʼ ndə̀m, è ghɛ ə kaŋkaŋə pîə nə ə nyi sèfɨ̀aʼtè, tə fɨə mtuʼ nə mɛ. Ghənə tə nə̀ ə tyəynə̀ sèchwìə, fɨnə nə̂ əghɛ ə kayntəghe. Ghənə tə nə̂ nyiə se kyìŋsə nâʼàpî ə̀ghɨ Fèzhə̀ ghɛ ə Zhə̀fè chɔʼ, ə ghənə kyi ndom ətəyn.

Ŋwàʼlè ə̀ Pɔ̂l sê ghɨə Lûmghè 13:12

Tuʼve se nyi ke se zo, pɨəynke se panə mɨ̂sə̀ pə̂ ndò. Ə ghâsènì zàmaʼà ə̀ghɛ pi ghɛ ə ghâsènì tè nə̂, ə maʼ fɨa eghɔ̀ŋ vɛ ə nô ətəyn əfètə̂ epayn.

Ŋwàʼlè ə̀ Pɔ̂l sê ghɨə Lûmghè 13:14

Pîza ghàyn e pɨl kyi ètsɨsə̂ ə Pɛ̂pɛ Njisə̀s Klâyszè. Kə ghàyn ndəm tuke əghɛ ghɛ ə njà ewìyn kyiŋə, kə ghàyn tə nəyn kə wiyn vɛ ə ve chiyntə ghàyn nə ghàyn nəyn pi kyiŋə.

1 Kɔlìŋ 10:13

Nâʼàpi èmɔ̂m èkè zɛ ə ghàyn nyi mə fe, nyi ekyì zɛ ə ze pə̂ sê nâʼà pî wùə m̀sɔ̀ŋ èkè. Pîza Zhə̀fè nə̀ èghɛ zɛ ə fe tsɨ̂nè, mə è vayn kaʼa ə è za nə ò tsɛ tɔynê emɔ̀m mə ze kaʼa ə ze nəyn ə ò pfɨ ə pi; ə shîŋə̀ kɛ ə mɔ̂mè pə̀yn se ghò, ə è fo ghô tyaʼa nə ò kol təmghe ə ò tsɛ tɔynê ətəyn.

2 Kolìŋ 10:4

Fɨa eghɔ̀ŋ vasve nyi mə ə̀ paʼà fɛtê wùə. Pîza ə̀ nyi efɨa eghɔ̀ŋ ə Fezhə̀ vɛ ə è fo nə ghâsènì fɨ̂aʼ ətəyn se pofsê ə te luʼtə atyaʼte.

2 Kolìŋ 11:3

M pìə nyî fànə̀ nə ghɨ kàʼa pəyn lesê ghàyn, kèpî kə mbam tè lɛse Îf, ə ghàyn ə fɨnə ndə̂mə̀ va təm ghaynghe, pîəva səmɔʼ zâynzè endom vɛ ə ghàyn nə̀ ghɛghe ghâynghə̀ Klâys.

2 Kolìŋ 2:11

Ghâsènì nə̀ nyiə mə kə ə tàʼa chwì endom se pɛ̀ sèndɔŋ kûmə̀ nə ghâsènì se kâynè ke ndò m̀nàŋ mə vəm̀.

2 Kolìŋ 4:4

Ghənə pomə va pɔ̀m nə kwaʼtè tə ghənə̂tè nyi mə Zhə̀fè epi fə mbi fɨnə fe ə ndə̀m ə alɨm. Fe nyi mə fə ndə̀tè nə kə ghənə ə fe èpayn zɛ ə ze nyi ə ghənə ewìyn, mə nyi epayn zɛ ə ze ndô pə̂ ə Tom Èchùŋ zɛ ə è tsà kûmə̀ èpomsê ə Klâyszè, mə È lote nyi kə Fezhə̀.

2 Kolìŋ 6:7

Zhə̀fè ə fo tyaʼa sê ghàs, ghàs e ndàʼà kə èghɛ zɛ ə ze nyi səmɔʼ sê ghɨghe. Fɨa eghɔ̀ŋ vɛ ə ghàs nô è vəyn fɨnə kɨ̂ŋtə̀ sèngɨŋ sasse ətəyn nyi tendom tə chichite.

Ɛfesùs 4:14

Ə ze nyi nyî, ə ghâsènì ə fɨyn va kə mmɨ̂ətə̀ sə̂ tsɨnə̀ ndinə̂ kə etûə m̀mo, nâʼàpî èkyì ezaʼlê èkè e pə̂ ze ə njìə tsɛ̂ kə ndò ghâsènì, wùə e pɨaʼtə pîə àkaŋ àkè è və pə̀ ə lesə̂ kə ghâsènì è kəynke.

Ɛfesùs 4:24

Ə̀ tè zaʼle ghàyn nə ghàyn nji wiyn efe vɛ ə tè fɛte nə ve nə fusə̂ Fèzhə̀ sə ndamə kàyntè èndam ə chichi è vəyn fɨnə zo.

Ɛfesùs 6:13

Ghàyn nji fɨa eghɔ̀ŋ ə Fezhə̀vè nâʼà èkɨ̂m kə tuʼ mê pîəm piə m̀ kɔʼɔ pə ndò ə ghàyn tɨm zhi ndə̂plè, ə tə pəyn ə nyi ə kwùŋse, ghàyn e pa tɛ kə ndò.

Kòlosè 3:10

Zôyn, ghàyn ə kàynè maʼ wiyn efeve. Zhə̀fè ə ndə̀m ndam efeze ə ghàyn fètəyn, ə nə̀ ze zɛ ə ze ndəmə kə ghàyn ə nyi kə vəyn, tɔʼ ke vəyn nâʼà àchûŋ, ə vəyn vɛ ə è pom ghàyn. Kə ghàyn kyi ndam efe zɨ̂nə̀, ze ə nə̀yn,

1 Tèsàlonikà 5:8

Pîza, ghâsènì nyi əghɨ ə zo chwîghè. E za tyə̀nə̀ nə ghâsènì kyî se fɛtə̂ kyiə sengɨŋ sə ghasènìse. Kyî epomə̂ ə ghasènìze sê Zhə̀fè è kɔ̂ŋ ə ghasènìzè kyi se kɨ̀ŋtè ə ghâsènì kə akɨ̀ŋtè angàŋtèkè. Kwâʼtè elɨmtə ə ghasènìze nə ə nə̀ sɔza ghâsènì kyi se kɨ̀ŋtə ghâsènì kə afɔ eghɔ̀ŋke.

Ipilù 7:25

Ə̀ za nyi eghɛ zɛ ə è nyi pî ashìŋə̀ àkè mə è kàʼa è sɔza ə̀ghɨ ghɛ ə ghe pə̀ sê Zhə̀fè mə ə tɔyne tsɛ̂ ə və gho kûmə̀ nə è nyîə ndamə faŋə, chyatə̂ Fèzhə̀ ə ghənə elùʼ.

Njə̂m 4:7

Ghàyn e nə̂ ə̀ghɛ ghɛ ə Zhə̀fè kyiŋə nâʼà ə̀kɨ̂m. Ghàyn kwiynse ndə̂plè, ə è tə ndo ə ghàyn epàm.

1 Pità 5:8

Ghàyn e tsɨs pfɨ̂tə̀, nyi etsɨ̂ŋnèzè, kûmə̀ nə pàyn zâynzè, mə za nyi ndə̂plè nyiə tàyntə̀ ka kə kə pìkəm, pɨa, kyiŋə wùə se zɨ̀.

Njût 1:24

Sê Vəyn vɛ ə è kàʼa è ndəm ghàyn nə kə ghàyn pfɨ, è kɨsè se pə̀yn ghàyn è saŋnê eghaʼâzè mə ghàyn kyi va ləʼke ə və shi, ə̀ nyi eluʼ epomsəve.

Etyə̂yn ə paynsêzè 12:9

Ə màʼà fɨsə̂ nyàm èghaʼâ zɛ ə tè tɔŋtə nə ndlangɔ̀yn ə chi. Ə̀ tè nyi mbam ètuʼ əshi zɛ ə tè tɔŋtə nə ndə̂plè, fɨnə tɔŋtə̂ kəpî Satàyn. Ə̀ tè nyi zə̂yn zɛ ə è tè lɛsə ghɨ mbiə əkɨ̂m. Ə màʼa tsosə̂ zə̂ynzè ə chi yî tsì sə zə̂ynsè kè sekɨ̂m.

Etyə̂yn ə paynsêzè 19:20

Ə kyîə nyàm e kwə̀mnə zɛ̂, ə fɨnə kyîə kəpi fɨ̀aʼtè àkaŋ zɛ ə è tè tyə̀nə chwìə se və shi. Ə̀ nyi sechwìə nə sɨ̂nə̀ mə ə è tè njì se lesê əghɨ ghɛ ə tè kyi chwìə ə̀ nyàm èpamə zɛ è kɨsè ghɛ ə ghe tè ngɨmnə fɨaʼsè ə nyâm èpamə ətəynke. Ə màʼa nyàm èpamə ə̀təyn è fɨ̀aʼtè àkaŋ əfètəyn èlùʼ wusve fuə ətəyn è fɨa kyîke mə ke lɛ̂ pâŋə̀ ndò e tɔŋtə̂ nə sɔlfɔ̀.

Etyə̂yn ə paynsêzè 2:24

Pîza, ghàyn ghɛ ə ghàyn faŋ ə Tyàtilà ə kwiynsê nə ghàyn chùmtə̀ va zaʼlê ə vəyn ze pi nə zɛ, ə tàʼa zaʼlə əghɛ ə satàyn ghɛ ə tɔŋtə nə əghɛ ə ndətə elɔŋəghe. M tsâ se ghàyn nə m nə̀ fɨnə fo va pɨ̀aʼà ə mɔ̀ʼɔke sê ghàyn.