Ɛfesùs 6:1 - Ŋwàʼlè ə̀ Fèzhə̀ Mkâyn Mə̂ Fèm

¹ mɨ̂ətə̀m, ghàyn e zɨə ə̀ pɨ̀a ghaynghe è nyì ghaynghe kûmə̀ nə ə̀ nyi eghɛ zɛ ə ze nyi chichi.

Ɛfesùs 6:1 ပူးပေါင်းရင်းမြစ်များ

Tom èchùŋ kè kə Lûk tè nyaʼ 2:51

È və ndò ashìŋə̀ nə kɛ ə kɛsə̂ tso ə Nazalɛ̀t yî ghənə sè zɨə sê ghənə. Nyiə vəyn ə ndə̀mə̀ əghɛ nə ghɨyn nâʼà əkɨ̂m ə vəyn ekwâʼtè, ghə faŋa kəndò.

Ŋwàʼlè ə̀ Pɔ̂l sê ghɨə Lûmghè 12:2

Kə ghàyn nə ndamə kə njà saynse wìynse kyiŋə, pîza ghàyn pɨl za ə Zhə̀fè fo kwàʼtè efe sê ghàyn, kə ghàyn ə kyi tsɨnè èfe. Zɨnə nə̀ nə̂ ə ghàyn ə ke, nə̂ ə̀ghɛ ghɛ ə Zhə̀fè kyiŋə. Ghàyn nyìə ke chùŋ, ke ə̀ghɛ ghɛ ə ghe nə̂ nə Zhə̀fè ə saŋnə̂, ke ghɛ ə ghe nyi chichi.

Ŋwàʼlè ə̀ Pɔ̂l sê ghɨə Lûmghè 16:2

Ə è pə̀yn sê ghàyn, ghàyn ə fi vəyn ə Zhə̀fè ezə, kə ghɨ ə Fezhə̀ghè, ə fo nâʼàpî ètsâmtè èkè zɛ ə è kyiŋə sê ghàyn. Ghàyn e ke nə è və tsàmtè ghɨghe setsɨ̀, ə tsàmtə̀ kəpi mi.

Ŋwàʼlè ə̀ Pɔ̂l sê ghɨə Lûmghè 7:12

Nyiəmə, ghâsènì ə fe nə lâŋkè ə kəynke ə ngɨŋ nyi èŋwaʼzè, ghɛ zɛ ə lâŋkè pì e nyi èŋwaʼze, ke nyi àchûŋ, tsɔfə.

1 Kɔlìŋ 15:58

E za nyì ə soyn sɨmse chûŋsè nə, ghàyn fɛte tyəm ə nyi è pɨaʼtêzè. Ghàyn e zâŋsè nyi ke shîŋə̀ tekɨ̂m ə Pɛ̂pɛ efɨ̀aʼ kə ghàyn se ke nə ghɛ zhîze va ə ghàyn nə̀ ə Pɛ̂pɛ efɨ̀aʼ mə ze nyi sə ndô.

1 Timotì 5:4

Pîza, ə zhwiə kwu kyi ghɔnə, kɨ̀sə ghɔ ghɔnə, o nə̀ ə ghənə zaʼle sə̂ nə̂ ə̀ghɛ ghɛ ə ghɨ ə poməghe kyi sə̂ nə̂, sə tɔ̂ʼnə̀ è sas ə ndɛ ə ghənə̂zè. Zhə̀fè nyiə kɔ̂ŋɔ̀ ashìŋə̀ kɛ ghənə nə̂ nyî, kə ze ə nyi kəpiə ghənə kɛsə̂ ndaʼà ə̀ pɨ̀a ə ghənə̂ghè è nyì ə ghənə̂ghè.

1 Pità 2:13

Ghàyn tsose ngɨŋ saynse ə chi ə zɨtə̂ se nâʼàpî ndè vɛ ə ghɨ ndəm nə è və saʼa ghàyn. Ghàyn e nə̂ nyiəmə se chùmtè eghɛ zɛ ə Pɛ̂pɛ tè nəyn. Ghàyn e zɨə fɔ̀yn è ghaʼa vɛ ə è saʼa ghɨghe əkɨ̂m,