Ɛfesùs 5:5 - Ŋwàʼlè ə̀ Fèzhə̀ Mkâyn Mə̂ Fèm

⁵ Ghàyn nə ke səmɔʼ nə ghɨ ghɛ ə ghe chûmə̀ zənə kɨ̀sə ghɛ ə ghe chûmə̀ ndômnèghè, è ghɛ ə ghe nə̂ ghɛ nyələ mɔ̀ʼɔ, è ghɛ ə shiə ə ghənə fɨə (ə̀ nyi endom vîve sə̂ kɔʼsə̂ èfɨaʼsè) vayn kàʼa ə nji elùʼ efɔ̀yn nə Klaysvè yî Zhə̀fè.

Ɛfesùs 5:5 ပူးပေါင်းရင်းမြစ်များ

Ətefɨ̂aʼ 20:32

Mə zôyn m fo ghàyn sê tɔʼnè ə Fezhə̀zè è tom ə̀ Vəyn zə àfùʼ zɛ ə è nyì se nə̀yn nə ghàyn ndəmə, è kɨsè se fo ghàyn è pɔsê tɛ ə Zhə̀fè kyi sê ghɨə Vəyn ghəkɨ̂m.

Ətefɨ̂aʼ 8:21

Ò kyi va nâʼà èghɛ zhîze əfètəyn èfɨ̀aʼ zasze kûmə̀ nə təm ghɛghe va chichi ə Zhə̀fè shi.

Ngàleshyà 5:19

Ghɛ ghɛ ə njà ewìyn kɔ̂ŋɔ̀ sə̂ nə̂ ghe panə kə ə ndayn. E tyə̂nə̀ fa ə tendom tɨnə nyiə nə, ghɨ ghe nyîŋə̀ è yîghe nâʼàpî zàyn, ndamə tendam teliŋte, ndamə kə sepu,

Ngàleshyà 5:21

kɔ̂ŋə̀ sə kyi àfɨa kɛ ə ghɨə mɔ̀ʼɔghe kyi, mɨə m̀lɨ m̀ ko, zhiə, mɨə tsɛsə̀. Nə̂ ə̀ghɛ ə mɔ̀ʼɔ kèpî kə ghɨ̂yn. M fo fɨ̀as sê ghàyn zôyn kèpî kə m tè fo sə shi nə, “Ghɨ ghɛ ə ghe nə̂ ghɛ nə ghɨ̂yn tə kyiə va kyəfè elùʼ efɔ̂yn ə Fezhə̀vè.”

Ɛfesùs 5:3

Ghàyn nyi nyî nyi ə̀ghɨə Fezhə̀. Kə tə ndəʼ zɨ èghɛ kûmə̀ è chûmtè ə zəyn kɨ̀sə echûmtè ə ndomnèzè, è shiə ə fɨə, è ghɛ nyələ mɔ̀ʼɔ ə ghàyn əfètəyn.

Kòlosè 1:13

È və fɨsê ghâsènì etyə̂ àtyaʼ ə alɨma, ə pə̀yn è ghâsènì əfètəyn efɔ̀yn ə Vâ vəyn vɛ ə è kɔ̀ŋə̀.

Kòlosè 3:5

Nyiəmə, ghàyn nji tsɨsè ə̀təm ghaynghe əghɛ senjà sewìynse nâʼà ə̀kɨ̂m. Ghàyn fɨse təmghe ətə̂ ə̀ghɛ kə, əghɛ sə chûmtə̀ ə̀zəyn, è ndômnèghè, ghɛ eliŋghe, ghɛ ghɛ ə njà sewìynse kyiŋə, sə kyi ekwaʼtè epize, è shiə fɨəghe. Ə ghàyn fɨə èshighe, ə ze ə nyi kəpi ghàyn tɨmə m̀kɨ̂m sê Zhə̀fè mɔ̀ʼɔfe.

1 Timotì 6:10

Kɔ̂ŋ ekɛze nyi zhə̀te èlùʼ vɛ ə kyì tə pi tekɨ̂m ndò pə̂ ətəyn. Ghɨ yîghe ə kɔ̀ŋ tsɛsè se kyîə vəynve, zɨnə mə zɛ ə ze nə̂yn nə ghənə pfɨ ə ghənə ekyî epomə̂zè, ə pəyn e ngəʼ setsɨəse ə ghənə ətəm.

1 Timotì 6:17

Tsɛ̀se sə alàŋ nə ghɨ ghɛ ə ghe kyi ghaʼze è fɨa ə mbive, nə kə ghənə ə kyi èghaŋsê ewìynze, ə pɨl ndəm èkwaʼtè ə ghənə̂zè e fɨa nə vɨnə mə, pîza ə pɨl ndəm se Zhə̀ Fɛ ə fe fo nâʼàpî àkè sê ghâsènì.

Ipilù 13:4

Nâʼàpî ndè kyi sə̂ ngɨmnə̂ malə̂. Kə wùə tə za ndom ə̀ vəyn kɨ̀sə zhwiə vəyn ə è ndu nyɨ̂ŋə̀ yî wùə ə ndò. Ghàyn kendô nə Zhə̀fè tə saʼa nâʼàpî ndè vɛ ə è nə̀ ghɛ ə nyələghe è ghɛ ə nyi mə malə̂ fɨə əpɨəyn.

Etyə̂yn ə paynsêzè 21:8

Pîza sê ghɨ ghɛ ə ghe fànə è ghɨ ghɛ ə ghe tàʼa pomə sê mi, è ghɨ ghɛ ə ghe nə̂ ghɛ ə kwənəghe, è ghɨ ghɛ ə ghe zhwiə ghɨghe, è ghɛ ə ghe nə̂ ghɛ ə nyələghe, è ghɨ ghɛ ə nə̂ ghɛ pfɨtəghe, è ghɛ ə ghe ngɨmnə fɨ̂aʼsèvè, è ghɨ ə wamə nâʼà ə̀kɨ̂m, ə tə ndə̂mə̀ ghənə elùʼ vɛ ə wusve pɛ ətəyn è fɨa kɛ ə ke lɛ̂ pâŋə̀ za e tɔŋtə̂ nə sɔlfɔ̀. Kwu nə zɨnə mə nyi zɛ ə ze tə nə̂ nə te ndu tepɛ̀.”

Etyə̂yn ə paynsêzè 22:15

Pîza ghɨ ghɛ ə ghe nyi əpɨəyn ə tɔ̂ŋ èghaʼâ nyi ghɛ ə nyi mə ə nə̀yn ghɛ ə kwəmnəghe kə; ghɛ ə nə̂ ghɛ ə pfɨyntəghe, è ghɛ ə nə̂ ghɛ ə nyələghe, è ghɛ ə ghe zhwiə ghɨghe, ghɛ ə ghe ngɨmnə fɨ̂aʼsèvè, è ghɛ ə wamə kwaŋve, nə̂ ə̀ghɛ akaŋghe.